Blogger templates

2011-05-26

Солонгосчууд Халх голд газар тариалан эрхэлнэ



Солонгосууд Монголын газар нутгийг худалдаж авсан тухай сониндоо бичээд Монголчууд нь газар нутгаа худалдсан юм шиг яриа нийтлэлүүд сүүлийн үед вэб сайтуудаар нэлээд тавигдсан байна.  Гого дээр Солонгосын Кореа Таймс сонины тавьсан мэдээг орчуулаад тавьчихсан байгааг блогтоо нийтэлж байна. Энэ талаар миний блогт бас өмнө нийтэлсэн нийтлэл байгаа бөлгөө. Харьцуулж унших хүмүүс нь уншина биз дээ. Миний хувьд өөрийн бодлоо нэг нийтлэлдээ аль уже биччихсэн болно.


Солонгосчууд Халх голд газар тариалан эрхэлнэ

Солонгосчууд Монгол улсаас 30 мянган га газрыг газар тариалан эрхлэх зорилгоор худалдан авах гэж байгаа тухай www.koreaittimes.com веб хуудсанд өгүүлснийг бүрэн эхээр нь орчуулан толилуулж байна.

Тус байгууллагын Хөдөө аж ахуйн хэлтсийн дарга Чан Юн Чан ярихдаа, Кори гэж нэрлэгдсэн 816 880 акр талбай бүхий тариалангийн эдэлбэр газарт байгальд ээлтэй газар тариалангийн болон мал аж ахуйн үйлдвэрлэл эрхлэхээр төлөвлөж байгаа тухайгаа дурдлаа. Кори гэдэг нь эртний Солонгосын Корё хаант улсын нэрээс гаралтай үг юм.  

Кори эдэлбэр газар нь маш их нөөц боломжтой газар юм байна. Цаг агаар тогтвортой, сайн чанарын хөрс, тунгалаг голуудтай, гүний ус элбэгтэй зэрэг нь газар тариалангийн үйлдвэрлэлийг хөгжүүлэхэд тун таатай юм. Ингэснээр, Монголын хүнсний зах зээл болон экспортыг өргөжүүлэхэд тодорхой хувь нэмэр болно.  

БНСУ-ын Солонгос-Монголын хөдөө аж ахуйн хөгжлийн санаачилга болон Монгол улсын Дорнод аймгийн засаг захиргааны удирдлагын хооронд нэгэн гэрээ удахгүй байгуулагдах гэж байгаа бөгөөд гэрээ ёсоор газрын дорх нөөцийг ашиглаж дэлхийн зах зээл дээр үр тарианы үнэ тогтворгүй байгаа үед импортыг орлох үр тариа болон хүнсний ногоо тариалах болно.

2011-05-24

Оюу Толгой төслөөс Монгол Улс хэдэн хувь эзэмших вэ?


Оюу Толгой төслөөс Монгол Улс хэдэн хувь эзэмших вэ?

Оюу Толгой орд газар бол Монгол улсын түүхэн дэх хамгийн том уул уурхайн төсөл. Тийм ч учраас Улсын Их Хурал Монголын ард түмэн эх орныхоо бүтээн байгуулалтад гар бие оролцож, Оюу Толгойд хувь эзэмших ёстой гэсэн зарчимд үндэслэн тус ордын тусгай зөвшөөрөл эзэмшигч Оюу Толгой ХХК-д төрийн эзэмшлийн доод хэмжээ 34 хувь байна хэмээн шийдвэрлэж, Засгийн Газарт хөрөнгө оруулагчтай гэрээ хийх эрх олгосон билээ.
Засгийн газар, хөрөнгө оруулагчдын хэлэлцээрээр Оюу Толгой ордын ашиглалтыг хоёр тусдаа гэрээгээр зохицуулсан байна. Хөрөнгө оруулалтын тогтвортой орчныг хангах зорилго бүхий “Хөрөнгө оруулалтын гэрээ”-нээс гадна “Хувь нийлүүлэгчдийн гэрээ” буюу Монгол Улсын Засгийн Газар болон Айвенхоу майнз компанийн хоорондох Оюу Толгой төсөлд эзэмших хувь болон орлого ашиг хуваарилах гэрээг байгуулжээ. Энэхүү гэрээ нь өнөөг хүртэл учир битүүлгээр “нууц” ангилалд багтаж, олон нийтэд нээлттэй болоогүй нь хачирхалтай.
Хувь нийлүүлэгчдийн гэрээнд маш ноцтой заалт багтсан нь Оюу Толгой ХХК-ийн давуу эрхийн хувьцаатай холбоотой заалт юм. Монголын тал Оюу Толгой ХХК-ийн зөвхөн ЭНГИЙН хувьцааны 34 хувийг эзэмших эрхтэй ба тус компани давуу эрхийн хувьцаа гаргасан тохиолдолд Монголын тал түүнийг худалдаж авах ЭРХГҮЙ гэжээ. Айвенхоу майнз компани давуу эрхийн хувьцаа гаргах шийдвэрийг бие даан гаргах эрхтэй төдийгүй энэ асуудалд Монгол Улсын Засгийн Газар мөн оролцох эрхгүй гэсэн байна. Өөрөөр хэлбэл, Оюу Толгой ХХК Айвенхоу майнз компанийн шийдвэрээр давуу эрхийн хувьцаа гаргасан тохиолдолд Монголын талын эзэмшлийн хувь хэмжээ үлэмж буурах юм.
Монгол Улсын Компанийн тухай хуулийн 33.2 зүйлд, “компанийн хувьцаа нь энгийн ба давуу эрхийн хэлбэртэй байна” хэмээн заасан байдаг. Хувь нийлүүлэгчид өөрсдийн эзэмшлийн хувьцаагаар дамжуулан компанийн үйл ажиллагааг хянах, ноогдол ашиг хүртэх эрхээ эдэлдэг. Тэгвэл “Хувь нийлүүлэгчдийн гэрээ”-ний холбогдох заалтууд Оюу Толгой ХХК-ийн давуу эрхийн хувьцаа гаргах эрхийг зөвхөн Айванхоу Майнз компанид олгосон нь Монгол улсын эрх ашгийг ноцтой зөрчиж байгаа юм.
Оюу Толгой ХХК нь 2010-2011 оны бүх хөрөнгө оруулалтыг давуу эрхийн хувьцаа гаргах замаар санхүүжүүлэх төлөвлөгөөтэй ажиллаж байгаа юм байна. Орд газрыг ашиглалтад өгөхөд шаардагдах 4 орчим тэрбум ам. долларын хөрөнгө оруулалтыг босгох үүднээс тус компани ийнхүү давуу эрхийн хувьцаа гаргасан тохиолдолд Монголын талын хувь эзэмшил яаж өөрчлөгдөхийг доорх зургаас харна уу.

Монгол Африкийн Араас Орсон уу?

Африк, Латин Америкийн орнуд байгалын баялаг ихтэй газар зүйн тогтолцоо сайтай, хүн ам олонтой гээ л эдийн засаг өсөх бүхий л гол нөхцөл боломжууд бүрдсэн улсууд мэт яригддаг. Өдгөөг хүртэл туйлын ядуу хэвээр байгаа энэ улс орнуудад шаардлагатай байсан өндөр хөгжилтэй орнуудын хөрөнгө оруулалт 1960-70 оноос хойш хангалттай хийгдэж байсан ч чухам яагаад манайхны хэлдэгээр “модоо барьсан гуйлгачин” мэт хэвээр байсаар байна вэ гэдэг асуудал цөөн боловч тодорхой бүлэг хүмүүсийн сонирхолыг татсаар ирсэн юм.
Цөөн боловч бодит байдлыг мэдэх, нэр хүнд бүхий ажиглагчид эрдэмтэд баялаг ихтэй гурав дахь ертөнцийн орнуудад Америк болон барууны улсуудаас явуулж буй улс төр эдийн засгийн бодлогын үндсэн хэв шинжийг нарийвчлан судалж шинжиж шүүмжилсэн байдаг. Америк болон барууны орнуудын гадаад бодлого нь гуравдагч орнуудад хөрөнгө оруулалт нэрийн дор бизнес хийж буй өөрсдийн компани корпорацуудын эрх ашигийг бүрэн хамгаалахад чиглэгдсэн байдаг ба хөгжингүй орнуудын гадаад бодлогыг тухайн орнуудын хамгийн нөлөө бүхий бизнесийн төлөөллүүд, компани корпорацуудын бүлэглэлүүд тодорхойлж байдаг хэмээн шинжээчид үздэг аж.
Мэдээж бизнесийн сонирхол нь цэвэр ашигийг хамгийн бага зарлагатайгаар олох гэсэн хууль байдагаас “хөрөнгө оруулагчид” – ад тухайн улс орны хөгжил сэхэл хүн амын амьжиргаа нь үнэндээ огт хамаагүй хэрэг юм. Чухам иймийн л улмаас дээр дурдсан Африк Латин Америкийн гуравдагч ертөнцийн орнууд бидний хэлдэгээр “хичнээн амь тариа” хийгээд ч сэхэл авдагүй аж.
Хөрөнгө Оруулагчид ядуу буурай оронд анх орж ирэхдээ их л сайхан амлатуудыг өгч тухайн улсад шийдвэр гаргахад нөлөө бүхий хувь хүмүүс болон бүлэглэлүүдтэй ойртон ажилладаг ба өөрсдийн зорилгодоо хүрэхэд хуулиар зөвшөөрөгдсөн зөвшөөрөгдөөгүй бүхий л арга хэмжээг авдаг аж.
Үүнд шинжээчид ажиглагчидын санал нийлж буй гол аргачлалууд бол:
1. Өндөр хөгжилтэй орнуудын бүрэн мэдэлд байдаг Дэлхийн банк, Олон Улсын Валютын Сан зэрэг “нэр хүнд” бүхий олон улсын байгууллагуудаар дамжуулан эргэн төлөгдөхөд магадлал багатай зээлийг “амин тариа” болгон өгч бидний ярьж заншсанаар барьцаанд оруулах
2. Мөн өөрсдийн нөлөө харьяалалд байх олон улсын корпорац, компануудын тусгайлан бэлтгэгдсэн, туршлагажсан хүмүүсийг “эдийн засгийн, санхүүгийн зөвлөх” гэх сүртэй халхавчын дор явуулж тухайн орны нөлөө бүхий улс төрийн хүчнүүд болон ард түмний тархийг угаах. Хэзээ ч биелэшгүй, бодит бус хөгжлийн зураг төсөл таамаглалыг зохион сурталчлах ажлыг явуулах

Оюутолгой ба гэрэл сүүдэр


Оюутолгой ба гэрэл сүүдэр

Хөрөнгө оруулалтын гэрээ байгуулагдаж, үйл ажиллагаа нь эхэлсэн ч олны анхаарлын төвөөс огтхон ч гарахгүй байгаа томоохон төсөл болОюутолгой.Ялангуяа тэнд 10 мянган мэргэжилтэй ажилтан шаардлагатай, үүнээс дийлэнх нь монголчууд байх ёстой хэмээсэн гэрээний нөхцөл хэрэгжихгүй байгаа талаар хэл ам тасрахгүй байна. Хэдийгээр Оюутолгойд одоо 2250 монгол хүн ажиллаж, дахиад төдий хэмжээний хүнийг дадлагажуулж бэлдэж байгаа ч хэлэлцэж тохирсноосоо хэтэрхий цөөн монголчуудыг ажлын байраар хангаж буй тухай шүүмжлэл өрнөсөөр.
Иргэдийн дундаас ч тус төсөлд ажиллаж буй монгол иргэдийн эрх ашиг зөрчигдөж буй талаарх мэдээлэл ирүүлэх болж, үүнд манай эрх бүхий албан тушаалтнууд төдийлөн анхаарал хандуулахгуй байгаа талаар шуугиж эхлэв. Үүний нэг жишээ нь манай сонины энэ сарын 2ны дугаарт гарсан “Оюутолгойд монгол ажилчдын эрх ашиг хохирч байгаа юм биш үү?” ярилцлага юм. Уг нийтлэлийн мөрөөр шийдвэр гаргагчдын төлөөлөл болгож УИХ-ын гишүүд ямар байр суурьтай байгааг сонирхлоо.

Францууд биш монголчууд Оюутолгойхны хоолыг хиймээр
-УИХ-ын гишүүн Р.Гончигдорж ингэж ярьж байна:

ОЮУТОЛГОЙГООР АМЬСГАЛСАН ДОЛОО ДАХЬ ЖИЛИЙН ХЯМРАЛ

ОЮУТОЛГОЙГООР АМЬСГАЛСАН ДОЛОО ДАХЬ ЖИЛИЙН ХЯМРАЛ

Эх сурвалж:  http://www.fact.mn/2434.html

Ухаад уналаа, уудлах гэлээ хэмээн уухичиж байсан долоон жилийн өмнөхийг бодвол Хөрөнгө оруулалтын гэрээ батлагдаж, ажил хэрэг нь эхэлсэн бүтээн байгуулалтын нэгэн жил улирч байна. Гэрээгээ л баталчихвал бүх зүйл ОК болохоор төсөөлж байсан Оюутолгойн ордын эргэн тойронд саяхнаас шинэ дуулиан дэгдэв. Энэ нь Оюутолгойд хөрөнгө оруулагч тал санхүүгийн зах зээлд давуу эрхтэй хувьцаа гаргаж, санхүүжилт босгохоор шийдсэнээс улбаалан Монголын Засгийн газрын эзэмшил буюу монголчуудад ногдох хувь хишгийн хэмжээ 34-өөс 6.8 хувьд хүрч буурна гэсэн мэдээлэл тарсантай холбоотой.
“Монголчууд Оюутолгойн хоо хэдэн хувийг эзэмших вэ” гэсэн асуулт саяхныг болтол ганц л хариулттай байсан. Харин одоо “34 хувь маань хэвээрээ юү” гэсэн асуултын ард УИХ-аасаа эхлээд дээр доргүй тээнэгэлзэх боллоо. “Тийм”, “Үгүй” гэсэн хоёр өөр хариулт олон нийтэд хүрч байгаа нь эргэлзээг лавшруулсаар байгаа юм. Хүмүүс “Оюутолгой” ХХК-ийн албан ёсны мэдэгдэлд итгэж тайвшрахыг хүсч байгаа боловч УИХ-ын нэр бүхий зарим гишүүн 6.8 хувь болох магадлал яагаад тийм өндөр байгааг үнэмшилтэйгээр тайлбарлаж буй. Хоёр талын хэн аль нь албан ёсны гэрээний зүйл заалтыг дурдан хариуцлагатай мэдэгдлүүд цацаж байна. Зөрүүтэй мэдэгдлүүд.
Монгол Улс стратегийн ач холбогдолтой уул уурхайн төслүүдээ ашиглах анхны супер жишээ-Оюутолгойн ордын бизнесийн үйл ажиллагаа эхэлсэн даруйдаа ийнхүү дуулиан тарилаа. Монголчуудад уул уурхайн туршлага, хөрөнгийн зах зээлийн мэдлэг хараахан бүрэлдээгүй, бид яг л акулуудын дэргэдэх жараахай шиг эмзэг байна. Оюутолгой бол Монгол Улс туршлага хуримтлуулж амжих хүртэлх хэдэн арван жилийн туршид үндэсний хэмжээний сорил, хамгийн эмзэг цэг байсаар байх болно. Энэ төслийн амжилтаас Монголын эдийн засаг, нийгмийн үсрэнг үй хөгжлийн гүүр босох хүлээлттэй, нэхэл хатуу.

Н.Батбаяр: Оюутолгойд хөрөнгө оруулалтын гэрээ байх албагүй


Эх сурвалж: http://www.fact.mn/3302.html

Оюутолгойн гэрээний  Монголд ногдох хувиас үүдэлтэй үүсээд буй маргааны талаар УИХ-ын гишүүн Н.Батбаяртай ярилцлаа.

Та Оюутолгойн хөрөнгө оруулалтын гэрээг шүүмжилж байгаа гишүүдийн нэг. Гэрээний алдаатай заалтуудыг засах ёстой гэсэн байр суурь дээрээ хэвээрээ юу?
Өнөөдөр Оюутолгойн хувь нийлүүлэгчдийн гэрээнд байгаа заалтууд Монгол Улсын эрх ашигт нийцэхгүй байна. Тиймээс гэрээний заалтуудыг өөрчлөх ёстой.  Би анхнаасаа үүнийг л хэлсээр ирсэн. Тэр байр суурь дээрээ хэвээрээ байгаа. Гэрээг өөрчлөхийн төлөө Монголын төрийн байгууллагууд, төрийн түшээд, холбогдох хүмүүс ажиллах үлдээд байна.  Хүсэх үү, эс хүсэх үү, хүсч байгаа хүн олон байна уу, хүсээгүй нь олон байна уу гэсэн эргэлзээ бий. Гэрээ байгуулсан хүмүүс өнөөдөр албан тушаал дээрээ байгаа. Тэд гэрээнд алдаа байна гэж ойлгож байна уу, үгүй юү гэдгээс олон юм хамаарна. Гол нь алдсан хүн алдаагаа засдаг байх ёстой. Үгүй гэж зөрүүдлээд байвал үүний цаана юу нуугдаж байна вэ, ямар эрх ашигт үйлчлээд байна вэ гэсэн дараагийн ноцтой давхар асуудал үүснэ. Монгол Улсын эрх ашиг гэж нэг л юм бий. Байгуулсан гэрээ үг үсгээрээ мөрдөгдөөд явдаг. Гэтэл байгуулсан гэрээний үг үсэг Монголын эрх ашгийг ноцтой зөрчсөн тул өөрчлөх, залруулах ёстой. Санамсаргүй алдаа гаргасан гэж үзвэл тэр шүү дээ. Санаатай хийсэн бол хариуцлага тооцож байранд нь тавих ёстой гэсэн байр суурьтай байна.
Давуу эрхийн хувьцаа гаргаснаар Монголын талын хувьцаа яаж буурна гэж та тооцоолоод байгаа билээ?
Оюутолгой ХХК-д санхүүжилтийн хугацааны үед давуу эрхийн хувьцаа гаргах аргаар дөрвөн тэрбум ам.долларын нэмэлт хөрөнгө босгох тохиолдолд манай талын хувьцаа эзэмшилтийн харьцаа алдагдахаар байгаа юм. Үүнийг тайлбарлавал, хөрөнгө босгохын өмнө Монголын тал компанийн 34 хувийг эзэмшихээр байгаа. Компанийн хэмжээ нь нэг тэрбум ам.доллар. Харин хөрөнгө босгосны дараа компанийн хэмжээ дөрвөн тэрбум ам.доллларт хүрч, хөрөнгө босгохоос өмнө хувь эзэмшлийг 100 хувь бүрдүүлж байсан энгийн хувьцааны эзлэх жин 20 хувь болж буурна. Давуу хувьцаанаас манай талд ирэхгүй. Энэ юуг хэлээд байна гэвэл хөрөнгө босгосны дараа компанийн энгийн хувьцааны 34 хувийг эзэмшигч Монголын тал давуу эрхийн хувьцаа авах эрхгүй тул нийт компанид эзлэх хувь 6,8 хувь болж буурна. Айвенхоу Майнз компани 93,2 хувийг эзэмшинэ гэсэн үг.

Оюутолгой онцгүй л байна

Эх сурвалж: http://www.fact.mn/12229.html

“Оюутолгой онцгүй л байна” гэдэг үгийг Ханбогд сумын иргэн бүр амандаа давтах болжээ. Арваад хоногийн өмнө Өмнөговь аймгийн Ханбогд сумаар орж, Засаг дарга болоод орон нутгийн зарим иргэдтэй Оюу толгойн талаарх бодол, сэтгэгдлийг нь хуваалцсан юм. Учир нь дэлхийд үнэлэгдсэн алт, зэс, мөнгөний ордыг яг дээр нь сандайлж суусан Ханбогд сумын иргэд өдгөө цахилгааны хязгаарлалтаар амь амьдрал, ажил төрлөө шийдүүлж суугаа нь яавч сайны тохио биш. 21 дүгээр зууны Монгол иргэд иймэрхүү байдлаар амьдарвал ёстой л алт сандайлсан гуйлгачин нэрийг хүссэн, хүсээгүй хүртэх л болно. За тэгээд ус, зам, байгаль орчны бохирдол, бэлчээргүйдэл гээд хичнээн их алттай хэдий ч Ханбогдын иргэдэд шийдвэрлэж чадаагүй түм буман асуудал байна. Энэ бүхэнд мэдээж Монголын алтыг дэлхийд нийлүүлэхээр яарж буй “Оюу толгой” ХХК хамгийн их буруутай нь ойлгомжтой.

Хамгийн баян компани, Ханбогдынхныг байтугай нийт монголчуудыг ч тэжээчихнэ гэж яригддаг “Оюу толгой” ХХК-д юуны учир иргэд сэтгэл дундуур явдаг болсныг тэдний ярианаас уншигч та төвөггүйхэн ойлгоно биз ээ. Үнэхээр ч хамаг алтыг маань гадагш зөөхөөр зэхэж буй тэд арваадхан мянган иргэнийг бусдын дайтай аж төрүүлж, сум сууринг нь хотын чинээ тохижуулж чадахгүй байгаа нь итгэж үл болно гэсэн эргэлзээг шууд төрүүлж байна. Тэр байтугай Монгол Улсын гурав дахь Ерөнхийлөгчийг 2007 онд Оюу толгойгоор зочлоход 400 гаруй хятад ажилтдаа нууж, кэмпийг нь гучхан минутын дотор буулгаж байсан гэх сэтгэл эмзэглүүлэм “хулгайч” түүхийг орон нутгийн иргэн нэхэн дурссан юм. Мөн дөрвөн жил ажилласан ажилтныхаа нийгмийн даатгалын дэвтэр дээр зургаан сар л ажилласан гэсэн тэмдэглэгээг хийснээс эхлээд тус компанид Монголын төр, ард түмнээс нууж, дарагдуулж явдаг олон асуудал байдаг бололтой. Энэ бүгдийг иргэдийн ярианаас олж уншаарай.

Э.Бат-Үүл: АН одоо хүртэл С.Баярын хавханд байна

Уншууштай!!!


АН одоо хүртэл С.Баярын хавханд байна
УИХ-ын гишүүн Э.Бат-Үүлтэй ярилцлаа.

-Та Сонгуулийн хуулийн аж­лын хэсэгт орсон. Ажлын хэсэг хуулийн төслийг байнгын хороонд оруулахаар боллоо. Яг юун дээрээ тохирч чадсан бэ?

-Холимог хувилбараар сонгуу­лиа явуулья гэдгийг бол Төрийн байгуулалтын байнгын хороо дэмж­чих­сэн шүү дээ. Холимог дотроо нэрсийн жагсаалтаар хэдэн хүн тухайн тойрог дээр хэдэн хүн гаргах гэдгээ яриагүй байгаа. Ямар ч байсан үндсэн зарчмаа бол шийдэж чадсан гэсэн үг.

-Яагаад энэ хоёрхон тоог ший­дэж чадахгүй байгаа юм?

-Намын нэрсийн жагсаалт дээр тойрог дээр хэдэн хүн байх уу гэдгээ эхэлж ярихаар зөвхөн тэр асуудлаа тойрч яриад, сонгуулийн бусад зарч­мууд уягдах магадлал байгаа учраас ажлын хэсэг энэ асуудлыг хойш тавьсан. 

-Одоо бусад асуудлаараа са­на­­лаа бэлтгэчихсэн юм чинь хоёр нам хувь тэнцүүлсэн болон мажоритари суудлынхаа тоог тохи­­­­роод л санал хураалгачих юм байгаа биз дээ?

-Суудлын тоог тохирч орж бараг л чадахгүй байх аа даа. Чуулганаар оруулж байж л санал хураалгах бо­лох байх. Их хурал дээр саналаа нээлттэй ярина гэсэн үг. 

-Ж.Сүхбаатар гишүүн боло­хоор “Намын удирдлагууд байр сууриа тодорхой хэлэхгүй байгаа учраас бид наана нь чиглэл гаргаж чадахгүй байна” гэсэн. Үнэхээр дээгүүр өөр тоо яваад байна уу, үгүй юу?

-Манай бүлгийн гишүүдийн хувьд бол тийм юм байхгүй. Бүлгийн гишүүн бүр сонгуулийн хууль яаж гарах вэ гэдгийг анхааралтай харж байгаа учраас намын даргын тэг, ингэ гэсэн чиглэлийг хүлээж суухгүй болов уу гэж бодож байна. Гишүүн бүрт өөр өөрийн сонирхол байгаа учраас.

-Гэвч гишүүдийн сонирхол нь жижиг 76 дээр байна уу, том 26, эсвэл 50:26 дээр байна уу?

2011-05-23

Оюутолгойн гэрээний луйврыг илчилсэн “Рио Тинто”-гийн хөрөнгө оруулалтын шинэ баримт

Оюу Толгойн талаар миний бие өөрийн төдийгүй олон хүний бичсэн нийтлэлүүдийг блогтоо оруулдаг. Энэ нийтлэлүүдийг та Блогийн Толгойнууд гэсэн ангиллаас харах боломжтой. Би судлаач хүний хувьд Оюу Толгойн гэрээг алдаатай, тааруухан гэрээ болсон гэдэг байр суурьтай байдаг ч Оюу толгойн гэрээг өмөөрсөн, зөвтгөсөн, басхүү шүүмжилсэн бүх талын мэдээллийг тавьж олон нийтэд харьцуулж унших боломжийг олгодог. Блогт зочлогсод энэ нийтлэлүүдийг унших уншихгүй байх, гэрээний тухай сайн муу, худал үнэн гэж бодох, хүлээн зөвшөөрөх зөвшөөрөхгүй байх эсэх нь хувь хүн бүрийн өөрсдийнх нь хэрэг юм. Ямартай ч би тулгаагүй бас худал зүйл бичээгүй гэдгээ л мэдэж байна.
Энэ удаад "Оюутолгойн гэрээний луйврыг илчилсэн “Рио Тинто”-гийн хөрөнгө оруулалтын шинэ баримт" гэсэн нийтлэлийг хүргэж байна. Эх сурвалж нь: http://www.zindaa.mn/2cg

Оюутолгойн гэрээний луйврыг илчилсэн “Рио Тинто”-гийн хөрөнгө оруулалтын шинэ баримт

Бидний эчнээ танил Австралийн "Рио Тинто" компани баруун Африкийн Гвинеа улстай ашигт малтмалынх нь ордыг ашиглах тухайд нэгэн гэрээ байгуулжээ. 2.5 тэрбумын нөөцтэй хэмээн тогтоогдоод буй Симанду төмрийн  хүдрийн орд нь жилд 200 сая тонн хүдэр үйлдвэрлэх боломжтой аж. "Рио Тинто" компани Симанду төмрийн хүдрийн ордын блок лицензүүдийг 95 хувийн охин компаниараа дамжуулан эзэмшдэг байсан бөгөөд хоёр жилийн өмнөөс Гвинеа улсын Засгийн газар хамтран ажиллах тохиролцоонд хүрэхгүй бол лицензийг чинь цуцална гэж сандаргажээ. Тэдний хоорондох хэлэлцээрт Хятадын Чайналко идэвхтэй оролцож, тодорхой үр дүнд ч хүрсэн байна. Гвинеа улсын Засгийн газар тохиролцоонд хүрэх сүүлчийн хугацааг ирэх сар хүртэл гэж заасан ч нэлээд хэд хоногийн өмнө "Рио Тинто" буулт хийн гэрээ байгуулсан байна. Ингэхдээ хэлэлцээр байгуулахад гуравдагч байр сууринаас чармайн оролцсон Чайналко төслийн 45 орчим хувийг 1.35 тэрбум доллараар худалдан авахаар болжээ. Гвинеан Засгийн газар Рио Тинто компанитай хамтран ажиллах гэрээ байгуулахдаа:

-700 сая ам.долларын урьдчилгаа төлбөрийг шууд бэлнээр төлнө.  
-Засгийн  газар төслийн 15 хувийг үнэгүй авна. Ирэх 20 жилийн дотор нэмж 20 хувь худалдан авах эрхтэй. Мөн Засгийн газар шинээр баригдах төмөр зам, далайн боомтын 51 хувийг эзэмшинэ.
-Дээрх дэд бүтэц баригдсанаас хойш 25-30 жилийн дараа шууд Засгийн газрын өмч болно.
-Төслийн бүх хугацаанд 3.5 хувийн роялти төлнө.
-Орлогын татвараас найман жил чөлөөлнө.
-Түүнээс хойш 30 хувийн орлогын татвар төлнө гэсэн заалтуудыг тусгаж чадсан байна.

Е.Өвбилэг: Өмнөд Солонгос Монголын газар нутгийг худалдаж авснаа албан ёсоор зарлажээ


Е.Өвбилэг: Өмнөд Солонгос Монголын газар нутгийг худалдаж авснаа албан ёсоор зарлажээ 
2011.05.21

Газар нутгаа бусдад худалдсан улс, үндэстэн дэлхийн түүхэнд бараг байдаггүй.  Харин, газрын төлөөх том, жижиг дайнууд бүх улсын түүхэнд бий. Бас, газраас үүдэлтэй маргаан өнөө хүртэл тасарсангүй. Бидний амьдрах Ази тивд гэхэд газар нутгийн маргаангүй улс тун ховор. Яг одоо, дөрвөн га газар, түүн дээрх балгасын төлөө Тайланд, Камбож улсууд цус асгаруулан тулалдаж байна. Газар ийм үнэтэй юм.
Харин, хоёр онцгой тохиолдол түүхэнд тэмдэглэгдэн үлдсэн байдаг. Түүний нэг нь Оросын хаант улс Аляскийг Америкт хямдхан худалдаж, асар их баялагтай нутгаа үүрд алдсан тухай. Харин, нөгөө нь Хойд Америкийн индианууд колоничлогчдод газар нутгаа зүгээр шахуу худалдсан түүх. Өнөөдөр, нутгаа худалдсан индианууд цөөнхийн цөөнх болж, мөхлийн даваанд тулжээ.
Гэтэл, энэ удаа Монгол Улс Аляск болон индиануудын түүхийг давтаж байгаа талаар Өмнөд Солонгосын мэдээллийн хэрэгслээр мэдээлж байна Энэ талаар “koreaittimes.com” гэх сайтад 2011.03-нд дэлгэрэнгүй мэдээг байрлуулжээ (http://www.koreaittimes.com/story/13469/korea-purchases-30000-hectares-mongolia-initiate-agricultural-cooperation).

Өмнөд Солонгос Монгол Улсаас 30.000 га үржил шимтэй нутгийг нь худалдан авч байгаа юм байна. Тодруулбал, солонгосчууд Монголын газрыг ашиглах, түрээслэх бус, харин худалдаж авч байгаа гэж дээрх мэдээнд бичжээ. Тэгэхээр, Монгол Улс газар нутгаа үүрд алдаж байгаа хэрэг.

Х.Мөнх: Солонгосчууд Монголд колони байгуулах эхлэлээ тавив

Х.Мөнх: Солонгосчууд Монголд колони байгуулах эхлэлээ тавив 
2011 оны 3 сарын 20, Өмнөд Солонгос, Сөүл хот

Өнгөрсөн долоо хоногт олон улсын хэмжээнд ч анхаарал татахаар нэгэн үйл явдал тохиолоо. Монгол Улсын ерөнхийлөгч Ц.Элбэгдорж Дорнод аймагт очиж ажиллах үеэр БНСУ-ын Засгийн газар, Койка байгууллага болон Монгол Улсын Засгийн газраас мэдэгдэл хийж Дорнод аймгийн Халх голын сав нутагт тариалан хөгжүүлэх зорилгоор солонгосчуудад 270.000 га газар ашиглуулахаар шийдвэрлэснийг зарлалаа. Энэ нь 2700 хавтгай дөрвөлжин км бүхий их хэмжээний нутаг юм. Жишиж хэлбэл, энэ нь өнөөгийн Улаанбаатар шиг хэд хэдэн хот байгуулахад хангалттай хүрэлцэх газар ажээ.
Монголын эрх баригчдын дээрх шийдвэр БНСУ хилийн чанадад дор хаяж зуугаад жилээр тариалангийн газар түрээслэн авах стратеги бодлогоо хэрэгжүүлж буйн томхон илрэл боллоо. 99 жилийн хугацаагаар газар түрээслэх асуудлыг 2006 онд БНСУ-ын ерөнхийлөгч Ро Мүн Хён Монголд айлчлах үеэр хөндөн тавьжээ. Удалгүй солонгос мэргэжилтнүүд, судлаачид хүрэлцэн ирж Халх голын сав газарт судалгааны ажлыг ч хийсэн байна. Гэхдээ, солонгосын компани 99 жилээр газар түрээслэх гэдэг нь Монголд ихээхэн хэл ам дагуулж, авилгын хэрэг ч сөхөгдөв. Ийм учраас солонгосчууд асуудлыг Койка байгууллагаараа дамжуулан зүтгүүлж, газар тариалангийн загвар аж ахуй хөгжүүлэх нэрийн дор удаан хугацаагаар их хэмжээний газар эзэмшин ашиглахаар болж байна. Гарын үсэг зурах ёслолын үеэр солонгос эрхмүүд болон Монгол Улсын Их Хурал, Засгийн газрын гишүүд үүнийг Дорнод аймгийн хэсэг иргэдийг ажлаар хангаж, Монголд солонгосчуудын тарьсан хүнсний бүтээгдэхүүнийг гадаадад экспортлох чухал үйл явдал боллоо гэж мэдэгдэв. Гэвч, гадныханд газраа эзэмшүүлэх нь Монголд юу авчрах вэ гэдгийг дэлхийн эрдэмтэд их л өөр өөр харж байгаа ажээ.

2011-05-18

М.Болд: Би Монгол улс алсын хараа, эрхэм зорилготой байх ёстой гэж боддог, гэвч өнөөдөр тийм юм алга


Сайхан ярилцлага байна. Жирийн иргэн хүртэл бодлоготой байдаг байхад бүхэл бүтэн улс нэгдсэн бодлогогүй байна гэдэг үнэн утгагүй. Төрийн томчуулын "Бодлого" гэж нэрлээд байгаа юмнууд нь бодлогын дайтай байж чаддаггүй. Харин хувь хувьдаа бол сүрхий бодлоготой байх. Хувийн биш эх орноо гэсэн Политиктой  бай л даа Төрийн түшээдүүд ээ!!!  Эх орноо гэх "Санаатай" бай!!! 


Ямар ард түмэн байна, яг тийм төр засаг байна гэж үнэн бөгөөд хатуу үг. Элдэв маафаантай асуудалд нэр нь хутгалдсан л бол тэр хүнийг битгий сонго, битгий санал өг. Эрх нь бид нарт байгаа.
Ингээд ярилцлагыг хүргэе. Энэ ярилцлага надад таалагдлаа.


“Тэнгэр” санхүүгийн нэгдлийн гүйцэтгэх захирал М.Болдыг энэ удаагийн “Би Монголоо ингэж хөгжүүлнэ” буландаа урьж, хөгжилд нэмэрлэх санаа бодлыг нь сонслоо.
-М.Болд гэж хэн бэ гэсэн асуултаар ярилцлагаа эхлэе?
- Харчуу овогтой Магваны Болд би нийслэлийн 23 дугаар дунд сургуулийг төгсөөд Унгар улсын Эдийн засгийн их сургуулийг Олон улсын эдийн засагч мэргэжлээр дүүргэсэн. Дараа нь АНУ-ын Колумбын их сургуульд Олон улсын харилцааны магистрийн зэрэг хамгаалсан. Ажлын гараагаа 1986 онд СОТ-3 буюу Зөвлөлтийн барилгын гуравдугаар трестийн боловсон хүчний зааварлагчаас эхэлсэн. Нийгмийн шилжилтийн үе буюу 1990 онд Зах зээл судлалын хүрээлэнд эдийн засгийн судалгаа шинжилгээ хийж байлаа. Ерөнхийдөө 1990 оноос нийтдээ 20-иод жил банк санхүүгийн салбарт ажиллаж эхэлсэн. Монголын арилжааны хэд хэдэн банкинд ажилласан. Мөн АНУ-ын Вашингтон хотод Дэлхийн банк, Олон улсын валютын санд зөвлөхөөр ажиллаж байлаа. Бас хэсэг хугацаанд Афганистан улсын Төв банкинд зөвлөх хийсэн. Монголбанкинд дэд ерөнхийлөгчөөр 1996-2000 онд ажилласан байсан. 2005 оноос ХасБанкны Ерөнхий захирал, 2009 оноос Гүйцэтгэх захирлаар ажиллаж байгаад энэ оны эхнээс тус банкны толгой компани “Тэнгэр” санхүүгийн нэгдлийн гүйцэтгэх захирлын албыг хашиж байна. Ерөнхийдөө эдийн засаг, банк санхүүгийн салбарт ажиллалаа. Эхнэр, гурван хүүхдийн хамт амьдардаг. Товчхондоо би ийм намтар түүхтэй.
-Манай улсад уул уурхайгаас их хэмжээний орлого олоод үсрэнгүй хөгжих нь гэж ярьж байна. Та эдийн засагч, санхүүч хүний хувьд үүнийг хэрхэн харж байна вэ?

2011-05-17

Anemone Хаврын хайр дуу /дууны үг/




Ая: Ц.Чулуунбат Үг: ZZ
Produced by Chuka
Anemone Хаврын хайр

This is ANEMONE
This is ANEMONE
This is ANEMONE
ANEMONE , ANEMONE
Сэтгэл гэгэлзээд байна, Хаашаа ч юм бэ яараад
Над руу хүн бүхэн мишээгээд байх шиг
Улам хөөрхөн болжээ гэж найзууд чихэнд шивнэнэ
Үнэндээ юунаас болж догдлоод байгаа юм бол доо

2011-05-15

Оюу Толгойн Хөрөнгө оруулалтын гэрээ: Бодит баримтууд



Миний бие блог дээрээ Оюу Толгой, Таван Толгойн тухай үзэл бодлоо нийтэлсээр ирсэн бөгөөд энэ асуудалд иргэн, бас судлаачийн үүднээс ямар байр суурьтай байдгаа илэрхийлсэн. Мөн блогийн Толгойнууд гэсэн категорит энэ талаархи  надаас гадна бусад хүмүүсийн бичсэн нийтлэл,  мэдээллүүд байгааг харж болох юм.
Энэ удаад Оюу Толгойн Хөрөнгө Оруулалтын гэрээ: Бодит баримтууд гэсэн нийтлэлийг Оюу Толгой ХК-ийн албан ёсны сайт болох www.ot.mn сайтнаас авч блогтоо нийтэлж байна.
Миний нийтлэлүүдийн ихэнхи нь шүүмжлэлт байр суурьнаас хандаж бичигдсэн бөгөөд басхүү шүүмжлэлт бус мэдээ нийтлэлийг  тавьж байх нь уншигчдад харьцуулж унших боломжийг бүрдүүлэх буй гэж бодсоны үндсэн дээр энэ нийтлэлийг хүргэж байгаа юм.
Оюу Толгойн гэрээ байгуулагдсанаар Монгол Улсын эдийн засаг болоод бусад салбар мөн ард түмний амьжиргаанд томоохон дэмжлэг тус болж байгаа яах аргагүй үнэн юм. Гэхдээ гэрээ алдаатай, бас Монголын талд илүү ашиггүй байгуулагдсан гэдэг нь бас л үнэн юм. Өөрөөр хэлбэл Оюу Толгойн ордыг ашиглалтанд оруулснаар Хөрөнгө оруулагчид бас Монгол улсад аль алинд нь тодорхой хэмжээгээр ашиг өгөх нь ойлгомжтой ч Монголын талын хүртэх ашиг Хөрөнгө оруулагчдаас бага буюу бага байхаар байгуулагдсан нь бас л үнэн. Үр дүнг нь бид одоо харахгүй, олборлолт, ашиглалт явагдаж дууссаны дараа харах бизээ. Тэр цагт бид Оюу Толгой гэдэг асар том далайгаас Хөрөнгө оруулагчидтТонн тонноор нь хутгаж авсаныг харин Монгол улс шанагахан төдийгөөр хутгаж авсаныг харах нь бас л үнэн юм. Учир нь гэрээ тэгж л байгуулагдсан, тохиролцоо тэгж хийгдсэн. Маргаашийн өөхнөөс өнөөдрийн уушиг дээр гэж ярьдаг ч Оюу Толгой бол зүгээр нэг өөх, уушиг төдий зүйл биш билээ. Үүн дээр илүү нухацтай хандаж сонгуулийн утгагүй амлалтаа биелүүлэх гэж гэрээг яаран батлаагүйсэн бол бид илүүг хожих байсныг үгүйсгэх аргагүй. За яахав чамлахаар чанга атгая даа гэж үү? Одоо Монголоос ямар ч зардал гаралгүй Монголчууд бид мөнгө аваал, амьжиргаагаа дээшлүүлээл Оюу Толгой од болоол олон хүнийг хагартал нь цалинжуулаал байгаа нь хангалттай юу? Зарим хүний хувьд хангалттай байж болох юм. Магадгүй надаас бусад Монголын 2 сая 799,999 иргэн ч ингэж бодож байж болох юм. Гэхдээ би тэгж бодохгүй байна. Бидний өвөг дээдсийн халуун амь бүлээн цусаараа байлдаж олсон үнэ цэнэтэй газар түүний доорх баялагийг хэдхэн хүн тодруулбал 76 хүн гадаадынханд хямдхан үнээр бүр тодруулбал саалгасан үнээнийхээ 6.6 литрийг саасан хүнд өгөөд өөрсдөө 3.4 литрийг авах жишээгээр зарсан нь буруу гэж би боддог. Монголын гүний цэвэр усны нөөцний ихэнхи хувийг эзэлдэг говийн усыг хямдхан ашиглуулж байгааг би буруу гэж боддог. Эхэндээ Би Оюу толгой, Таван Толгойн ордын сураг дуулдахад Өмнөговийнхон ч азтай байна шүү гэж боддог байсан бол одоо Өмнөговьд төрөөгүйдээ баярладаг. Учир нь тэдний нүдэн дээр унасан газар угаасан ус байгаль экологи нь сүйрч байна. Эх орон, төрсөн нутаг нь нүднийх нь өмнө сүйрч байгааг хараад, түүний төлөө юу ч хийж чадахгүйгээ мэдрэх ямархуу байдгийг Өмнөговийн эх оронч ард түмэн хамгийн ихээр ойлгож байгаа. Эцсийн эцэст бид алтаа алдаад хохирохгүй харин усаа алдаад, байгалаа, экологоо алдаад хохирох вий дээ. Миний байр суурь ийм байна. Нийтлэлийг хүргэе.

2011-05-14

Б.Түвшин: Намчирхал хэрээс хэтэрч, улс эх орны хөгжилд чөдөр, тушаа болж байна



1990 оны цагаан морин жилийн ардчилсан хувьсгалын нөлөөгөөр манай улсын иргэд үг хэлэх, эвлэлдэн нэгдэх, хувийн өмчтэй болох, гадаад паспорттой болж олон улсад чөлөөтэй зорчдог болох зэрэг маш олон эрх, эрх чөлөөг эдэлдэг болсон нь хэн бүхэнд таатай. 

Хүн төрөлхтөний мөрөөдөл болсон эдгээр эрх, эрх чөлөөг монгол хүн харин ч нэг эдэлж, дэлхийн соёлт хүн төрөлхтөнтэй хөл нийлүүлэн алхаж буй хэдий ч, бас хэтрүүлэх, хэтийдүүлэх зэрэг сөрөг үзэгдлүүд нийгэмд гарсаар байна. УИХ-аас энэ талаар хэлэлцэж, засаж сайжруулсаар байгаа хэдий ч улсын маань хөгжилд саад болж байгаа хамгийн том нэгэн сөрөг үзэгдлийн тухай дурдахгүй өнгөрч болохгүй нь. 
Дуугараад зогсохгүй, үүнтэй эрс тэмцэхгүй бол, энэхүү нийгмийн үзэгдэл иргэдийн маань үзэл бодол толгойг бүрэн угаагаад зогсохгүй, улмаар улсын хөгжил, тусгаар тогтнолд ч саад учруулж мэдэхээр газар авч байна. Энэ бол НАМЧИРХАХ буюу намаар хуваагдах нийгмийн үзэгдэл юм. (Энэ нь хэдийгээр нийгэмд байх л үзэгдлийн нэг боловч, хэтэрвэл нэн аюултай үр дагаварт хүргэдэг ажээ.) 

2011-05-05

Мягмарын Сувдмаа: Америкийн Их, Дээд Сургуулиудад 9 Жил Yнэгvй Сурсан Минь



Энэ нийтлэлийг би 2 жилийн өмнө  ХамагМонгол сайтаас ээс уншиж байсан бөгөөд хамгийн гайхалтай нь тэр цагаас хойш хамгийн эрэлттэй нийтлэл гэсэн байр сууриа одоо болтол алдаагүй явна. Хүмүүст хэрэгтэй хэзээ ч үнэ цэнээ алдахгүй чухал мэдээ гэж юу болохыг доорх нийтлэл таньд мэдрүүлэх буй. Миний бие энэ блогийг нээгээд 16 хонохдоо хүний өөрийн нийлсэн 38 мэдээ нийтэлчихээд байгаа бөгөөд эдгээр нийтлэлүүд ямартай ч шар мэдээ биш шүү!!! Та блогийн тухай гэсэн хэсгээс блогийн нийтлэлийн бодлогын талаар уншсан бол илүү ойлгох болов уу. Цаашид мөн зөвхөн хэрэгтэй, үнэ цэнээ алдахгүй мэдээллүүд олж тавих бөгөөд мэдээж өөрийн үзэл бодол, өөрийн нийтлэлээ үргэлжүүлсээр байх болно. Блогоор маань зочилж байгаа таньд баярлалаа.

Америкийн Их, Дээд Сургуулиудад 9 Жил Yнэгvй Сурсан Минь
Мягмарын Сувдмаа

Энэхvv нийтлэл нь зохиогчийн єєрийн vнэн бодит амьдрал дээр тулгуурласан юм. Америкт сурч байх хугацаанд минь олон хvмvvс "Чи яаж чадав аа?" гэж шалж, би ч тухайн vед нь завтай бол урт удаан тайлбар бичиж явуулдаг байлаа. Энэ бvх мэдээллээ эмхэлж нийтлэл болгон бичих юмсан гэж бодон явсаар Хамаг Монгол вебсайт нээгдэхэд энэ мэдээллийн орон зайд єгvvллээ тавихад их тохиромжтой мэт санагдлаа. Монгол оюутан сурагчид болон эцэг эхчvvдэд тустай болов уу.

Хүний наймааны золиос болсон залуухан бүсгүйн тэмдэглэл


Энэ нийтэлийг хэн гэдэг хүн бичиж хамгийн анх ямар сайтад байрлуулсныг нь би сайн мэдэхгүй юм. Гэхдээ миний бие хамгийн анх hamagmongol.net дээрээс 2 жилийн өмнө уншиж байсан бөгөөд тэр цагаас хойш чадах ядахаараа олон сайт, блогуудад байрлуулахыг бодсон. Гэхдээ энэ мэт сургамжтай нийтлэлийн үнэ цэнэ, ач холбогдол одоо хүртэл буураагүй байна. Ялангуяа хүний хаймаа Монголд халуун асуудал болсон хэвээр. Их сургуульд байхдаа энэ сэдвээр багаахан судалгаа ч хийж байсан санагдана. Мөн сүүлийн үед мэссэнжэрээр ийм настай тийм хувцастай хүүхэд алга боллоо гэсэн баахан спам явж байснаа сүүлдээ микротой хүмүүс хүүхэд хулгайлж байна гэсэн спам бас явах болов. Үнэн худал нь мэдэгдэхгүй юм. Гэхдээ хүний наймаа одоо болтол халуун асуудал хэвээр байна, Монгол бүсгүйчүүд гадаад хүмүүстэй гэр бүл болох явдал одоо болтол буураагүй л байна. Энэ нийтлэлийг уншаад хүмүүс сургамж аваасай.

Монгол охид ”бослого” гаргалаа


Философийн ухааны доктор Б.Батчулуун:  Монгол охид ”бослого” гаргалаа

Ийв Энслерийн “Үтрээний хүүрнэл” жүжгийг Монголд тавив

Либертари лекц, яриа, арга хэмжээ бүр дээр байнга тааралдаж байдаг нэгэн залуу анд маань жүжиг үзэх санал тавив. Тэгээд уг жүжгийг үзлээ. Үнэхээр таашаал авлаа. Гайхалтай жүжиг байв. Жүжиг ч биш, хүүрнэлүүд юм даа. Монголын залуучууд боловсролтой ч болж байна, өөрийн гэсэн бодолтой ч болж. Бас зоригтой ч болж байгаа юм байна. Энэ жүжигт тоглосон хэдэн охин бол яах аргагүй шинэ нийгмийн бүтээгдэхүүн мөн. Би тэднийг зөвхөн феминистүүд гэмээргүй байна. Эд бол эрх чөлөөний дуучид. Санаа минь амарч, урам минь сэргэлээ. Хойч ирээдүй маань бэлтгэгдэж байна! Залуучууд маань бүгдээрээ “нам дагаж намирсан улаан, цэнхэр, ногоон тугнууд” болчхоогүй ажээ. 

Феминизм Монголд ороод иржээ

Ноднин өдий хэрд шиг санаж байна. МУИС-ийн Философийн салбарыг төгссөн гурван шавь маань хэдэн эмэгтэйтэй нийлж Симонэ дэ Боуварийн Дайвар хүйстэн номыг монгол хэл­нээ хөрвүүлсэн. Францын экзистенциалист, Но­бе­лийн шагналт философич Ж.П.Сартрийн “эх­нэр”, түүхэн дэх “банзалтай суутнуудын” нэг, фило­софич Симонэ дэ Боувар нь энэ бүтээлдээ эмэгтэйчүүдийн эрхийг философи, социологи, эрх зүй, түүх-угсаатны зүй гээд хүмүүнлэг болон нийгмийн олон ухааны үүднээс маш үндэслэлтэй хамгаалсан юм. Эмэгтэйчүүдийн эрхийн төлөө тэмцэл дэх нэгэн гайхамшигт үзэгдэл болсон энэ номыг орчуулснаар Монголын феминистүүд онолын маш бат бэх суурьтай болж авсан билээ. Үүгээр л тэрхүү бүтээлийг монголчилсон хүмүү­сийн хөдөлмөр үнэлэгдэнэ.

Судлаач Д.Ганхуяг: ХУВЬЦААНЫХАА ҮНЭТЭЙГ ХУЛХИДУУЛАХААРАА МЭДНЭ…


ХУВЬЦААНЫХАА ҮНЭТЭЙГ ХУЛХИДУУЛАХААРАА МЭДНЭ…

Нэг сайхан нартай өдөр монгол хүн бүр 536 ширхэг “хувьцаатай” болчихдог юм байна. Үнийг нь мэддэггүй дээ. Эдийн засаг хөгжөөд ирэхээрээ үнэгүй хувьцаа гаргадаг болчихож. Тэгсэн чинь хувьцаа эзэмших эрхийг чинь “батламжлав” гэсэн наалт хийхийгээ хэлсэн юмсанж. Тэгээд Та бидэнд “чамлахаар чанга атга”, яваандаа наадах чинь “чулуу болно” гэж Засгийн газар албан ёсоор хэлж байна. Ингээд ирэхээрээ хулхидах нь ч хулхидаж л таарна. Харин жаахан “зөөлөн” л хулхидуулж үзээрэй дээ… 
Яагаад заавал 536 гэж ?
Эхлээд байгаа хэдэн тоогоо жагсаагаад үзье.
Нэг. Бидний мэдэж байгаа эхний тоо бол “536”. Нэг биш, арав биш, зуу биш, яг 536 гэдэг яс тоо хэлж байна. Үнийг нь “мэдэхгүй” байж ард түмэндээ хуваагаад гаргаж байгаа тоо нь шүү дээ.
Хоёр. Монгол Улс яс тоогоороо 2 сая 796 341 иргэнтэй аж. Ингэхлээр нийт монгол иргэд 1.498.838.776 буюу ойролцоогоор 1,5 тэрбум хувьцаа “эзэмших” юм байна.
Дээшээ буц