Оюутолгойд Хятадууд Монгол хүнийг боож алжээ

Сүүлийн үед зарим хэвлэл мэдээллийн хэрэгслээр Оюу Толгойд Монгол хүн амиа алдсан тухай ганц нэгхэн мэдээнүүд нийтлэгдэх боллоо. Оюутолгой компанийн рекламыг тавьдаг томоохон гэгдэх мэдээний сайтуудад харин энэ талаар чимээ шуугиангүй л байна. Энэ тухай мэдээллийг хүргэе.

Share

Ц.Батбаяр: Оюутолгойнхон УИХ-ын гишүүдийг “хуц” гэж хэлдэг болж байна шүү дээ

Би блогтоо Оюу Толгойн тухай нийтлэлүүд оруулдаг байсан. Хүмүүс энэ гэрээг олон янзаар ярьдаг. Аль нь үнэн яриад байна, аль нь худал яриад байна, Учир нь олддоггүй. Миний байр энэ дээр тов тодорхой байдаг бөгөөд энэ тухай блогт хангалттай бичигдсэн. 

Ерөнхий сайд нь гарч ирээд нэг юм ярьдаг, Оюу толгойн гэрээ сайн болсон гээл, тэгсэн Оюу Толгой компаниас албан ёсны мэдэгдэл хийгээд тооцоо тоо бодоод манайх тэдэн ажилтантай тэрний тэдэн ширхэг нь Монгол тэд нь гадаад Монгол хүн илүү олон байгаа, бид та нарын төлөө л амьдарч байгаа шүү гэх ухааны юм ярьдаг хэлдэг, гэтэл тэнд байгаа ажилчид нь бас өөр юм хэлдэг. Манай ОТ сайтаар дүүрэн Хятадууд. Монголчуудаас хавьгүй олон ч гэж байх шиг. Тэгээд тэнд ажиллах үнэн дарамттай, яг нэг гадаадын оронд байгаа юм шиг, Монгол хүн жаахан алдаа гарвал халагддаг, хятад хүн зодоон нүдээн хийгээд ч байж л байдаг ч гэж байх шиг. Аль аль нь сонин сонин юм ярина. Алинд нь үнэмших вэ? Тэгээд Оюу толгойг жаахан шүүмжилхээр манай Монголчууд өөрсдөө ашиглаж чадахгүй байж худлаа ярьдийн, манай Монголыг хөгжүүлэх гээд ирчихсэн, Монголдоо хамгийн өндөр цалин өгч байгаа чансаатай газар Оюу Толгойгоос өөр хаана байна, та нар бүү худал ярь, сонгууль дөхөхөөр угаасаа ингэдийн, Оюу толгойн гэрээ өө сэвгүй гэж тас зүтгэнэ.

Ямартай ч олон нийт иймэрхүү ярианаас аль хэдийн залхжээ. Ер нь алинд нь итгэх вэ хүмүүсээ? 

Өөрсдөө тунгаана уу. Миний хувьд Оюу Толгойн тухай тов тодорхой байр суурьтай байдаг. Түүнийг блогоос хайж үзэж болно. Монгол хүн Монгол нутагтаа эзэн нь байж чадахгүй бол энд амьдраад хэрэг алга. Та бүхэн блогийн Толгойнууд гэсэн хэсгээс Оюу Толгойн тухай нийтлэлүүдийг үзэж болно.  Энэ удаа УИХ-ын гишүүн Ц.Батбаярын ярилцлагыг хүргэж байна.

Share

ГУРВАН ҮХРЭЭ ЛУЙВАРЧИНД АЛДААД НЭГИЙГ НЬ ХУДАЛДАН АВАХ БОЛСОНДОО БАЯСАН ХӨӨРСӨН ТЭНЭГИЙН ҮЛГЭР

Оюутолгойн орд газар Эрдэнэтээс 6 дахин том орд юм. Оюутолгойн зэсийн нөөц 45 сая тонн бол Эрдэнэтийнх 7 сая тонн юм. Дээр нь Оюутолгой 1800 тонн алттай, 12000 тонн мөнгөтэй. Тэгэхээр Оюутолгой зэсээрээ 6 Эрдэнэт, алтаараа 40 Бороо, Мөнгөөрөө 4 Асгаттай тэнцэнэ. Өөрөөр хэлбэл 6 Эрдэнэт+40 Бороо+4 Асгатыг нийлүүлсэнтэй тэнцэх тийм их баялгаа(600 тэрбум доллар) гадныханд сул тавиад туучихлаа. 

Share

Эдийн засгийн алуурчид Монголд

За энэ бол Монгол хүн бүрийн үзэх ёстой видео байна. Надад энд хэлэх тайлбар ч алга. Өөрсдөө үзээрэй. Таны амьдрал, таны үр хүүхдийн ирээдүйтэй чинь холбоотой. Өнөөдөр та хоолтой ч маргааш хүүхэд чинь гуйлгачин болох бодит зураг энд байна. Ийм бичлэгийг яагаад хүмүүс нэг их үзээгүйг гайхах юм. Нэг шоуны бичлэгийг л хэдэн мянгаар нь үзсэн байдаг байж. Ийм болохоор л Монгол тиймэрхүү байгаа ч юм шиг. Зоригт, Баярцогт нарын фэйсбүүк, Твиттер энэ тэрийг нь хайж үзлээ. Би ямар тэр аймаар гаруудаас шууд юм асуугаал энийгээ тайлбарла гэлтэй биш. Тэгээд Твиттер дээр Батболд сайд, Д.Энхболд, З.Энхболд, Н.Батбаяр гишүүдэд хэдэн үг үлдээлээ. УИХ-ын гишүүн тойргийн ардын төлөөлөл биш Монголын ард түмний төлөөлөл байдаг учраас миний листэнд байгаа хэдэн Твиттерчдэд хэлэв. Тэд УИХ-ын гишүүн санаатай юм бол ядаж энэ бичлэгийг үзээсэй. Бас ард түмэн та нөхөд эд нарыг сонгосон. Миний сонгуульд саналаа өгсөн гишүүд УИХ-д гарч чадаагүй. Та нарынх гарсан бол тэр хүн чинь юу хийсэн бэ гэдгийг эргэж хараарай. Тэгээд сонголтоо зөв хийгээрэй. Сонголтоо зөв хий гэдэг ер нь их улиг болчихжээ, дандаа ярьсаар байгаад. Сонгочихмоор хүн байхгүй бол битгий сонгууль өг, заавал өгүүлэх гээд байвал очоод зүгээр дугуйлалгүй хүрээд ир. Тэгвэл сонгуулийн ирц ямар болохыг, бас хүчин төгөлдөр болж чадах эсэхийг хар. 

2012 он бол Монголын хувьд сүүлчийн боломж шүү. Юун 7 сарын нэгэн тэрнээс нэт юм болж мэднэ. Тийм юм болгуулахгүйн тулд энэ хэдэн эрх баригчдыг 4 дэх засаглалынхан сайн хашраагаад өгөх хэрэгтэй. Даанч тэр 4 дэх засаглал нь ямар ч засаглах чадваргүй, нэр нөлөөгүй, үнэ хүндгүй болжээ. Яалтай  ч билээ. Би харамсаж байна. Монгол үнэн утга алгаа...

Share

Оюу Толгой төслөөс Монгол Улс хэдэн хувь эзэмших вэ?

Оюу Толгой төслөөс Монгол Улс хэдэн хувь эзэмших вэ?

Оюу Толгой орд газар бол Монгол улсын түүхэн дэх хамгийн том уул уурхайн төсөл. Тийм ч учраас Улсын Их Хурал Монголын ард түмэн эх орныхоо бүтээн байгуулалтад гар бие оролцож, Оюу Толгойд хувь эзэмших ёстой гэсэн зарчимд үндэслэн тус ордын тусгай зөвшөөрөл эзэмшигч Оюу Толгой ХХК-д төрийн эзэмшлийн доод хэмжээ 34 хувь байна хэмээн шийдвэрлэж, Засгийн Газарт хөрөнгө оруулагчтай гэрээ хийх эрх олгосон билээ.

Засгийн газар, хөрөнгө оруулагчдын хэлэлцээрээр Оюу Толгой ордын ашиглалтыг хоёр тусдаа гэрээгээр зохицуулсан байна. Хөрөнгө оруулалтын тогтвортой орчныг хангах зорилго бүхий “Хөрөнгө оруулалтын гэрээ”-нээс гадна “Хувь нийлүүлэгчдийн гэрээ” буюу Монгол Улсын Засгийн Газар болон Айвенхоу майнз компанийн хоорондох Оюу Толгой төсөлд эзэмших хувь болон орлого ашиг хуваарилах гэрээг байгуулжээ. Энэхүү гэрээ нь өнөөг хүртэл учир битүүлгээр “нууц” ангилалд багтаж, олон нийтэд нээлттэй болоогүй нь хачирхалтай.

Хувь нийлүүлэгчдийн гэрээнд маш ноцтой заалт багтсан нь Оюу Толгой ХХК-ийн давуу эрхийн хувьцаатай холбоотой заалт юм. Монголын тал Оюу Толгой ХХК-ийн зөвхөн ЭНГИЙН хувьцааны 34 хувийг эзэмших эрхтэй ба тус компани давуу эрхийн хувьцаа гаргасан тохиолдолд Монголын тал түүнийг худалдаж авах ЭРХГҮЙ гэжээ. Айвенхоу майнз компани давуу эрхийн хувьцаа гаргах шийдвэрийг бие даан гаргах эрхтэй төдийгүй энэ асуудалд Монгол Улсын Засгийн Газар мөн оролцох эрхгүй гэсэн байна. Өөрөөр хэлбэл, Оюу Толгой ХХК Айвенхоу майнз компанийн шийдвэрээр давуу эрхийн хувьцаа гаргасан тохиолдолд Монголын талын эзэмшлийн хувь хэмжээ үлэмж буурах юм.

Монгол Улсын Компанийн тухай хуулийн 33.2 зүйлд, “компанийн хувьцаа нь энгийн ба давуу эрхийн хэлбэртэй байна” хэмээн заасан байдаг. Хувь нийлүүлэгчид өөрсдийн эзэмшлийн хувьцаагаар дамжуулан компанийн үйл ажиллагааг хянах, ноогдол ашиг хүртэх эрхээ эдэлдэг. Тэгвэл “Хувь нийлүүлэгчдийн гэрээ”-ний холбогдох заалтууд Оюу Толгой ХХК-ийн давуу эрхийн хувьцаа гаргах эрхийг зөвхөн Айванхоу Майнз компанид олгосон нь Монгол улсын эрх ашгийг ноцтой зөрчиж байгаа юм.

Оюу Толгой ХХК нь 2010-2011 оны бүх хөрөнгө оруулалтыг давуу эрхийн хувьцаа гаргах замаар санхүүжүүлэх төлөвлөгөөтэй ажиллаж байгаа юм байна. Орд газрыг ашиглалтад өгөхөд шаардагдах 4 орчим тэрбум ам. долларын хөрөнгө оруулалтыг босгох үүднээс тус компани ийнхүү давуу эрхийн хувьцаа гаргасан тохиолдолд Монголын талын хувь эзэмшил яаж өөрчлөгдөхийг доорх зургаас харна уу.

Share

Монгол Африкийн Араас Орсон уу?

Африк, Латин Америкийн орнуд байгалын баялаг ихтэй газар зүйн тогтолцоо сайтай, хүн ам олонтой гээ л эдийн засаг өсөх бүхий л гол нөхцөл боломжууд бүрдсэн улсууд мэт яригддаг. Өдгөөг хүртэл туйлын ядуу хэвээр байгаа энэ улс орнуудад шаардлагатай байсан өндөр хөгжилтэй орнуудын хөрөнгө оруулалт 1960-70 оноос хойш хангалттай хийгдэж байсан ч чухам яагаад манайхны хэлдэгээр “модоо барьсан гуйлгачин” мэт хэвээр байсаар байна вэ гэдэг асуудал цөөн боловч тодорхой бүлэг хүмүүсийн сонирхолыг татсаар ирсэн юм.

Цөөн боловч бодит байдлыг мэдэх, нэр хүнд бүхий ажиглагчид эрдэмтэд баялаг ихтэй гурав дахь ертөнцийн орнуудад Америк болон барууны улсуудаас явуулж буй улс төр эдийн засгийн бодлогын үндсэн хэв шинжийг нарийвчлан судалж шинжиж шүүмжилсэн байдаг. Америк болон барууны орнуудын гадаад бодлого нь гуравдагч орнуудад хөрөнгө оруулалт нэрийн дор бизнес хийж буй өөрсдийн компани корпорацуудын эрх ашигийг бүрэн хамгаалахад чиглэгдсэн байдаг ба хөгжингүй орнуудын гадаад бодлогыг тухайн орнуудын хамгийн нөлөө бүхий бизнесийн төлөөллүүд, компани корпорацуудын бүлэглэлүүд тодорхойлж байдаг хэмээн шинжээчид үздэг аж.

Мэдээж бизнесийн сонирхол нь цэвэр ашигийг хамгийн бага зарлагатайгаар олох гэсэн хууль байдагаас “хөрөнгө оруулагчид” – ад тухайн улс орны хөгжил сэхэл хүн амын амьжиргаа нь үнэндээ огт хамаагүй хэрэг юм. Чухам иймийн л улмаас дээр дурдсан Африк Латин Америкийн гуравдагч ертөнцийн орнууд бидний хэлдэгээр “хичнээн амь тариа” хийгээд ч сэхэл авдагүй аж.

Хөрөнгө Оруулагчид ядуу буурай оронд анх орж ирэхдээ их л сайхан амлатуудыг өгч тухайн улсад шийдвэр гаргахад нөлөө бүхий хувь хүмүүс болон бүлэглэлүүдтэй ойртон ажилладаг ба өөрсдийн зорилгодоо хүрэхэд хуулиар зөвшөөрөгдсөн зөвшөөрөгдөөгүй бүхий л арга хэмжээг авдаг аж.

Үүнд шинжээчид ажиглагчидын санал нийлж буй гол аргачлалууд бол:

1. Өндөр хөгжилтэй орнуудын бүрэн мэдэлд байдаг Дэлхийн банк, Олон Улсын Валютын Сан зэрэг “нэр хүнд” бүхий олон улсын байгууллагуудаар дамжуулан эргэн төлөгдөхөд магадлал багатай зээлийг “амин тариа” болгон өгч бидний ярьж заншсанаар барьцаанд оруулах

2. Мөн өөрсдийн нөлөө харьяалалд байх олон улсын корпорац, компануудын тусгайлан бэлтгэгдсэн, туршлагажсан хүмүүсийг “эдийн засгийн, санхүүгийн зөвлөх” гэх сүртэй халхавчын дор явуулж тухайн орны нөлөө бүхий улс төрийн хүчнүүд болон ард түмний тархийг угаах. Хэзээ ч биелэшгүй, бодит бус хөгжлийн зураг төсөл таамаглалыг зохион сурталчлах ажлыг явуулах

Share

Оюутолгой ба гэрэл сүүдэр

Оюутолгой ба гэрэл сүүдэр

Хөрөнгө оруулалтын гэрээ байгуулагдаж, үйл ажиллагаа нь эхэлсэн ч олны анхаарлын төвөөс огтхон ч гарахгүй байгаа томоохон төсөл болОюутолгой.Ялангуяа тэнд 10 мянган мэргэжилтэй ажилтан шаардлагатай, үүнээс дийлэнх нь монголчууд байх ёстой хэмээсэн гэрээний нөхцөл хэрэгжихгүй байгаа талаар хэл ам тасрахгүй байна. Хэдийгээр Оюутолгойд одоо 2250 монгол хүн ажиллаж, дахиад төдий хэмжээний хүнийг дадлагажуулж бэлдэж байгаа ч хэлэлцэж тохирсноосоо хэтэрхий цөөн монголчуудыг ажлын байраар хангаж буй тухай шүүмжлэл өрнөсөөр.

Иргэдийн дундаас ч тус төсөлд ажиллаж буй монгол иргэдийн эрх ашиг зөрчигдөж буй талаарх мэдээлэл ирүүлэх болж, үүнд манай эрх бүхий албан тушаалтнууд төдийлөн анхаарал хандуулахгуй байгаа талаар шуугиж эхлэв. Үүний нэг жишээ нь манай сонины энэ сарын 2ны дугаарт гарсан “Оюутолгойд монгол ажилчдын эрх ашиг хохирч байгаа юм биш үү?” ярилцлага юм. Уг нийтлэлийн мөрөөр шийдвэр гаргагчдын төлөөлөл болгож УИХ-ын гишүүд ямар байр суурьтай байгааг сонирхлоо.

Францууд биш монголчууд Оюутолгойхны хоолыг хиймээр

-УИХ-ын гишүүн Р.Гончигдорж ингэж ярьж байна:

Share

ОЮУТОЛГОЙГООР АМЬСГАЛСАН ДОЛОО ДАХЬ ЖИЛИЙН ХЯМРАЛ

ОЮУТОЛГОЙГООР АМЬСГАЛСАН ДОЛОО ДАХЬ ЖИЛИЙН ХЯМРАЛ

Эх сурвалж:  http://www.fact.mn/2434.html

Ухаад уналаа, уудлах гэлээ хэмээн уухичиж байсан долоон жилийн өмнөхийг бодвол Хөрөнгө оруулалтын гэрээ батлагдаж, ажил хэрэг нь эхэлсэн бүтээн байгуулалтын нэгэн жил улирч байна. Гэрээгээ л баталчихвал бүх зүйл ОК болохоор төсөөлж байсан Оюутолгойн ордын эргэн тойронд саяхнаас шинэ дуулиан дэгдэв. Энэ нь Оюутолгойд хөрөнгө оруулагч тал санхүүгийн зах зээлд давуу эрхтэй хувьцаа гаргаж, санхүүжилт босгохоор шийдсэнээс улбаалан Монголын Засгийн газрын эзэмшил буюу монголчуудад ногдох хувь хишгийн хэмжээ 34-өөс 6.8 хувьд хүрч буурна гэсэн мэдээлэл тарсантай холбоотой.

“Монголчууд Оюутолгойн хоо хэдэн хувийг эзэмших вэ” гэсэн асуулт саяхныг болтол ганц л хариулттай байсан. Харин одоо “34 хувь маань хэвээрээ юү” гэсэн асуултын ард УИХ-аасаа эхлээд дээр доргүй тээнэгэлзэх боллоо. “Тийм”, “Үгүй” гэсэн хоёр өөр хариулт олон нийтэд хүрч байгаа нь эргэлзээг лавшруулсаар байгаа юм. Хүмүүс “Оюутолгой” ХХК-ийн албан ёсны мэдэгдэлд итгэж тайвшрахыг хүсч байгаа боловч УИХ-ын нэр бүхий зарим гишүүн 6.8 хувь болох магадлал яагаад тийм өндөр байгааг үнэмшилтэйгээр тайлбарлаж буй. Хоёр талын хэн аль нь албан ёсны гэрээний зүйл заалтыг дурдан хариуцлагатай мэдэгдлүүд цацаж байна. Зөрүүтэй мэдэгдлүүд.

Монгол Улс стратегийн ач холбогдолтой уул уурхайн төслүүдээ ашиглах анхны супер жишээ-Оюутолгойн ордын бизнесийн үйл ажиллагаа эхэлсэн даруйдаа ийнхүү дуулиан тарилаа. Монголчуудад уул уурхайн туршлага, хөрөнгийн зах зээлийн мэдлэг хараахан бүрэлдээгүй, бид яг л акулуудын дэргэдэх жараахай шиг эмзэг байна. Оюутолгой бол Монгол Улс туршлага хуримтлуулж амжих хүртэлх хэдэн арван жилийн туршид үндэсний хэмжээний сорил, хамгийн эмзэг цэг байсаар байх болно. Энэ төслийн амжилтаас Монголын эдийн засаг, нийгмийн үсрэнг үй хөгжлийн гүүр босох хүлээлттэй, нэхэл хатуу.

Share

Н.Батбаяр: Оюутолгойд хөрөнгө оруулалтын гэрээ байх албагүй

Эх сурвалж: http://www.fact.mn/3302.html

Оюутолгойн гэрээний  Монголд ногдох хувиас үүдэлтэй үүсээд буй маргааны талаар УИХ-ын гишүүн Н.Батбаяртай ярилцлаа.

Та Оюутолгойн хөрөнгө оруулалтын гэрээг шүүмжилж байгаа гишүүдийн нэг. Гэрээний алдаатай заалтуудыг засах ёстой гэсэн байр суурь дээрээ хэвээрээ юу?

Өнөөдөр Оюутолгойн хувь нийлүүлэгчдийн гэрээнд байгаа заалтууд Монгол Улсын эрх ашигт нийцэхгүй байна. Тиймээс гэрээний заалтуудыг өөрчлөх ёстой.  Би анхнаасаа үүнийг л хэлсээр ирсэн. Тэр байр суурь дээрээ хэвээрээ байгаа. Гэрээг өөрчлөхийн төлөө Монголын төрийн байгууллагууд, төрийн түшээд, холбогдох хүмүүс ажиллах үлдээд байна.  Хүсэх үү, эс хүсэх үү, хүсч байгаа хүн олон байна уу, хүсээгүй нь олон байна уу гэсэн эргэлзээ бий. Гэрээ байгуулсан хүмүүс өнөөдөр албан тушаал дээрээ байгаа. Тэд гэрээнд алдаа байна гэж ойлгож байна уу, үгүй юү гэдгээс олон юм хамаарна. Гол нь алдсан хүн алдаагаа засдаг байх ёстой. Үгүй гэж зөрүүдлээд байвал үүний цаана юу нуугдаж байна вэ, ямар эрх ашигт үйлчлээд байна вэ гэсэн дараагийн ноцтой давхар асуудал үүснэ. Монгол Улсын эрх ашиг гэж нэг л юм бий. Байгуулсан гэрээ үг үсгээрээ мөрдөгдөөд явдаг. Гэтэл байгуулсан гэрээний үг үсэг Монголын эрх ашгийг ноцтой зөрчсөн тул өөрчлөх, залруулах ёстой. Санамсаргүй алдаа гаргасан гэж үзвэл тэр шүү дээ. Санаатай хийсэн бол хариуцлага тооцож байранд нь тавих ёстой гэсэн байр суурьтай байна.

Давуу эрхийн хувьцаа гаргаснаар Монголын талын хувьцаа яаж буурна гэж та тооцоолоод байгаа билээ?

Оюутолгой ХХК-д санхүүжилтийн хугацааны үед давуу эрхийн хувьцаа гаргах аргаар дөрвөн тэрбум ам.долларын нэмэлт хөрөнгө босгох тохиолдолд манай талын хувьцаа эзэмшилтийн харьцаа алдагдахаар байгаа юм. Үүнийг тайлбарлавал, хөрөнгө босгохын өмнө Монголын тал компанийн 34 хувийг эзэмшихээр байгаа. Компанийн хэмжээ нь нэг тэрбум ам.доллар. Харин хөрөнгө босгосны дараа компанийн хэмжээ дөрвөн тэрбум ам.доллларт хүрч, хөрөнгө босгохоос өмнө хувь эзэмшлийг 100 хувь бүрдүүлж байсан энгийн хувьцааны эзлэх жин 20 хувь болж буурна. Давуу хувьцаанаас манай талд ирэхгүй. Энэ юуг хэлээд байна гэвэл хөрөнгө босгосны дараа компанийн энгийн хувьцааны 34 хувийг эзэмшигч Монголын тал давуу эрхийн хувьцаа авах эрхгүй тул нийт компанид эзлэх хувь 6,8 хувь болж буурна. Айвенхоу Майнз компани 93,2 хувийг эзэмшинэ гэсэн үг.

Share

Оюутолгой онцгүй л байна

Эх сурвалж: http://www.fact.mn/12229.html

“Оюутолгой онцгүй л байна” гэдэг үгийг Ханбогд сумын иргэн бүр амандаа давтах болжээ. Арваад хоногийн өмнө Өмнөговь аймгийн Ханбогд сумаар орж, Засаг дарга болоод орон нутгийн зарим иргэдтэй Оюу толгойн талаарх бодол, сэтгэгдлийг нь хуваалцсан юм. Учир нь дэлхийд үнэлэгдсэн алт, зэс, мөнгөний ордыг яг дээр нь сандайлж суусан Ханбогд сумын иргэд өдгөө цахилгааны хязгаарлалтаар амь амьдрал, ажил төрлөө шийдүүлж суугаа нь яавч сайны тохио биш. 21 дүгээр зууны Монгол иргэд иймэрхүү байдлаар амьдарвал ёстой л алт сандайлсан гуйлгачин нэрийг хүссэн, хүсээгүй хүртэх л болно. За тэгээд ус, зам, байгаль орчны бохирдол, бэлчээргүйдэл гээд хичнээн их алттай хэдий ч Ханбогдын иргэдэд шийдвэрлэж чадаагүй түм буман асуудал байна. Энэ бүхэнд мэдээж Монголын алтыг дэлхийд нийлүүлэхээр яарж буй “Оюу толгой” ХХК хамгийн их буруутай нь ойлгомжтой.

Хамгийн баян компани, Ханбогдынхныг байтугай нийт монголчуудыг ч тэжээчихнэ гэж яригддаг “Оюу толгой” ХХК-д юуны учир иргэд сэтгэл дундуур явдаг болсныг тэдний ярианаас уншигч та төвөггүйхэн ойлгоно биз ээ. Үнэхээр ч хамаг алтыг маань гадагш зөөхөөр зэхэж буй тэд арваадхан мянган иргэнийг бусдын дайтай аж төрүүлж, сум сууринг нь хотын чинээ тохижуулж чадахгүй байгаа нь итгэж үл болно гэсэн эргэлзээг шууд төрүүлж байна. Тэр байтугай Монгол Улсын гурав дахь Ерөнхийлөгчийг 2007 онд Оюу толгойгоор зочлоход 400 гаруй хятад ажилтдаа нууж, кэмпийг нь гучхан минутын дотор буулгаж байсан гэх сэтгэл эмзэглүүлэм “хулгайч” түүхийг орон нутгийн иргэн нэхэн дурссан юм. Мөн дөрвөн жил ажилласан ажилтныхаа нийгмийн даатгалын дэвтэр дээр зургаан сар л ажилласан гэсэн тэмдэглэгээг хийснээс эхлээд тус компанид Монголын төр, ард түмнээс нууж, дарагдуулж явдаг олон асуудал байдаг бололтой. Энэ бүгдийг иргэдийн ярианаас олж уншаарай.

Share

Э.Бат-Үүл: АН одоо хүртэл С.Баярын хавханд байна

Уншууштай!!!

Эх сурвалж:  http://politics.news.mn/content/67937.shtml

АН одоо хүртэл С.Баярын хавханд байна

УИХ-ын гишүүн Э.Бат-Үүлтэй ярилцлаа.

-Та Сонгуулийн хуулийн аж­лын хэсэгт орсон. Ажлын хэсэг хуулийн төслийг байнгын хороонд оруулахаар боллоо. Яг юун дээрээ тохирч чадсан бэ?

-Холимог хувилбараар сонгуу­лиа явуулья гэдгийг бол Төрийн байгуулалтын байнгын хороо дэмж­чих­сэн шүү дээ. Холимог дотроо нэрсийн жагсаалтаар хэдэн хүн тухайн тойрог дээр хэдэн хүн гаргах гэдгээ яриагүй байгаа. Ямар ч байсан үндсэн зарчмаа бол шийдэж чадсан гэсэн үг.

-Яагаад энэ хоёрхон тоог ший­дэж чадахгүй байгаа юм?

-Намын нэрсийн жагсаалт дээр тойрог дээр хэдэн хүн байх уу гэдгээ эхэлж ярихаар зөвхөн тэр асуудлаа тойрч яриад, сонгуулийн бусад зарч­мууд уягдах магадлал байгаа учраас ажлын хэсэг энэ асуудлыг хойш тавьсан. 

-Одоо бусад асуудлаараа са­на­­лаа бэлтгэчихсэн юм чинь хоёр нам хувь тэнцүүлсэн болон мажоритари суудлынхаа тоог тохи­­­­роод л санал хураалгачих юм байгаа биз дээ?

-Суудлын тоог тохирч орж бараг л чадахгүй байх аа даа. Чуулганаар оруулж байж л санал хураалгах бо­лох байх. Их хурал дээр саналаа нээлттэй ярина гэсэн үг. 

-Ж.Сүхбаатар гишүүн боло­хоор “Намын удирдлагууд байр сууриа тодорхой хэлэхгүй байгаа учраас бид наана нь чиглэл гаргаж чадахгүй байна” гэсэн. Үнэхээр дээгүүр өөр тоо яваад байна уу, үгүй юу?

-Манай бүлгийн гишүүдийн хувьд бол тийм юм байхгүй. Бүлгийн гишүүн бүр сонгуулийн хууль яаж гарах вэ гэдгийг анхааралтай харж байгаа учраас намын даргын тэг, ингэ гэсэн чиглэлийг хүлээж суухгүй болов уу гэж бодож байна. Гишүүн бүрт өөр өөрийн сонирхол байгаа учраас.

-Гэвч гишүүдийн сонирхол нь жижиг 76 дээр байна уу, том 26, эсвэл 50:26 дээр байна уу?

Share

Оюутолгойн гэрээний луйврыг илчилсэн “Рио Тинто”-гийн хөрөнгө оруулалтын шинэ баримт

Оюу Толгойн талаар миний бие өөрийн төдийгүй олон хүний бичсэн нийтлэлүүдийг блогтоо оруулдаг. Энэ нийтлэлүүдийг та Блогийн Толгойнууд гэсэн ангиллаас харах боломжтой. Би судлаач хүний хувьд Оюу Толгойн гэрээг алдаатай, тааруухан гэрээ болсон гэдэг байр суурьтай байдаг ч Оюу толгойн гэрээг өмөөрсөн, зөвтгөсөн, басхүү шүүмжилсэн бүх талын мэдээллийг тавьж олон нийтэд харьцуулж унших боломжийг олгодог. Блогт зочлогсод энэ нийтлэлүүдийг унших уншихгүй байх, гэрээний тухай сайн муу, худал үнэн гэж бодох, хүлээн зөвшөөрөх зөвшөөрөхгүй байх эсэх нь хувь хүн бүрийн өөрсдийнх нь хэрэг юм. Ямартай ч би тулгаагүй бас худал зүйл бичээгүй гэдгээ л мэдэж байна.

Энэ удаад "Оюутолгойн гэрээний луйврыг илчилсэн “Рио Тинто”-гийн хөрөнгө оруулалтын шинэ баримт" гэсэн нийтлэлийг хүргэж байна. Эх сурвалж нь: http://www.zindaa.mn/2cg

Оюутолгойн гэрээний луйврыг илчилсэн “Рио Тинто”-гийн хөрөнгө оруулалтын шинэ баримт

Бидний эчнээ танил Австралийн "Рио Тинто" компани баруун Африкийн Гвинеа улстай ашигт малтмалынх нь ордыг ашиглах тухайд нэгэн гэрээ байгуулжээ. 2.5 тэрбумын нөөцтэй хэмээн тогтоогдоод буй Симанду төмрийн  хүдрийн орд нь жилд 200 сая тонн хүдэр үйлдвэрлэх боломжтой аж. "Рио Тинто" компани Симанду төмрийн хүдрийн ордын блок лицензүүдийг 95 хувийн охин компаниараа дамжуулан эзэмшдэг байсан бөгөөд хоёр жилийн өмнөөс Гвинеа улсын Засгийн газар хамтран ажиллах тохиролцоонд хүрэхгүй бол лицензийг чинь цуцална гэж сандаргажээ. Тэдний хоорондох хэлэлцээрт Хятадын Чайналко идэвхтэй оролцож, тодорхой үр дүнд ч хүрсэн байна. Гвинеа улсын Засгийн газар тохиролцоонд хүрэх сүүлчийн хугацааг ирэх сар хүртэл гэж заасан ч нэлээд хэд хоногийн өмнө "Рио Тинто" буулт хийн гэрээ байгуулсан байна. Ингэхдээ хэлэлцээр байгуулахад гуравдагч байр сууринаас чармайн оролцсон Чайналко төслийн 45 орчим хувийг 1.35 тэрбум доллараар худалдан авахаар болжээ. Гвинеан Засгийн газар Рио Тинто компанитай хамтран ажиллах гэрээ байгуулахдаа:

-700 сая ам.долларын урьдчилгаа төлбөрийг шууд бэлнээр төлнө.  

-Засгийн  газар төслийн 15 хувийг үнэгүй авна. Ирэх 20 жилийн дотор нэмж 20 хувь худалдан авах эрхтэй. Мөн Засгийн газар шинээр баригдах төмөр зам, далайн боомтын 51 хувийг эзэмшинэ.

-Дээрх дэд бүтэц баригдсанаас хойш 25-30 жилийн дараа шууд Засгийн газрын өмч болно.

-Төслийн бүх хугацаанд 3.5 хувийн роялти төлнө.

-Орлогын татвараас найман жил чөлөөлнө.

-Түүнээс хойш 30 хувийн орлогын татвар төлнө гэсэн заалтуудыг тусгаж чадсан байна.

Share

Оюу Толгойн Хөрөнгө оруулалтын гэрээ: Бодит баримтууд

Миний бие блог дээрээ Оюу Толгой, Таван Толгойн тухай үзэл бодлоо нийтэлсээр ирсэн бөгөөд энэ асуудалд иргэн, бас судлаачийн үүднээс ямар байр суурьтай байдгаа илэрхийлсэн. Мөн блогийн Толгойнууд гэсэн категорит энэ талаархи  надаас гадна бусад хүмүүсийн бичсэн нийтлэл,  мэдээллүүд байгааг харж болох юм.

Энэ удаад Оюу Толгойн Хөрөнгө Оруулалтын гэрээ: Бодит баримтууд гэсэн нийтлэлийг Оюу Толгой ХК-ийн албан ёсны сайт болох www.ot.mn сайтнаас авч блогтоо нийтэлж байна.

Миний нийтлэлүүдийн ихэнхи нь шүүмжлэлт байр суурьнаас хандаж бичигдсэн бөгөөд басхүү шүүмжлэлт бус мэдээ нийтлэлийг  тавьж байх нь уншигчдад харьцуулж унших боломжийг бүрдүүлэх буй гэж бодсоны үндсэн дээр энэ нийтлэлийг хүргэж байгаа юм.

Оюу Толгойн гэрээ байгуулагдсанаар Монгол Улсын эдийн засаг болоод бусад салбар мөн ард түмний амьжиргаанд томоохон дэмжлэг тус болж байгаа яах аргагүй үнэн юм. Гэхдээ гэрээ алдаатай, бас Монголын талд илүү ашиггүй байгуулагдсан гэдэг нь бас л үнэн юм. Өөрөөр хэлбэл Оюу Толгойн ордыг ашиглалтанд оруулснаар Хөрөнгө оруулагчид бас Монгол улсад аль алинд нь тодорхой хэмжээгээр ашиг өгөх нь ойлгомжтой ч Монголын талын хүртэх ашиг Хөрөнгө оруулагчдаас бага буюу бага байхаар байгуулагдсан нь бас л үнэн. Үр дүнг нь бид одоо харахгүй, олборлолт, ашиглалт явагдаж дууссаны дараа харах бизээ. Тэр цагт бид Оюу Толгой гэдэг асар том далайгаас Хөрөнгө оруулагчидтТонн тонноор нь хутгаж авсаныг харин Монгол улс шанагахан төдийгөөр хутгаж авсаныг харах нь бас л үнэн юм. Учир нь гэрээ тэгж л байгуулагдсан, тохиролцоо тэгж хийгдсэн. Маргаашийн өөхнөөс өнөөдрийн уушиг дээр гэж ярьдаг ч Оюу Толгой бол зүгээр нэг өөх, уушиг төдий зүйл биш билээ. Үүн дээр илүү нухацтай хандаж сонгуулийн утгагүй амлалтаа биелүүлэх гэж гэрээг яаран батлаагүйсэн бол бид илүүг хожих байсныг үгүйсгэх аргагүй. За яахав чамлахаар чанга атгая даа гэж үү? Одоо Монголоос ямар ч зардал гаралгүй Монголчууд бид мөнгө аваал, амьжиргаагаа дээшлүүлээл Оюу Толгой од болоол олон хүнийг хагартал нь цалинжуулаал байгаа нь хангалттай юу? Зарим хүний хувьд хангалттай байж болох юм. Магадгүй надаас бусад Монголын 2 сая 799,999 иргэн ч ингэж бодож байж болох юм. Гэхдээ би тэгж бодохгүй байна. Бидний өвөг дээдсийн халуун амь бүлээн цусаараа байлдаж олсон үнэ цэнэтэй газар түүний доорх баялагийг хэдхэн хүн тодруулбал 76 хүн гадаадынханд хямдхан үнээр бүр тодруулбал саалгасан үнээнийхээ 6.6 литрийг саасан хүнд өгөөд өөрсдөө 3.4 литрийг авах жишээгээр зарсан нь буруу гэж би боддог. Монголын гүний цэвэр усны нөөцний ихэнхи хувийг эзэлдэг говийн усыг хямдхан ашиглуулж байгааг би буруу гэж боддог. Эхэндээ Би Оюу толгой, Таван Толгойн ордын сураг дуулдахад Өмнөговийнхон ч азтай байна шүү гэж боддог байсан бол одоо Өмнөговьд төрөөгүйдээ баярладаг. Учир нь тэдний нүдэн дээр унасан газар угаасан ус байгаль экологи нь сүйрч байна. Эх орон, төрсөн нутаг нь нүднийх нь өмнө сүйрч байгааг хараад, түүний төлөө юу ч хийж чадахгүйгээ мэдрэх ямархуу байдгийг Өмнөговийн эх оронч ард түмэн хамгийн ихээр ойлгож байгаа. Эцсийн эцэст бид алтаа алдаад хохирохгүй харин усаа алдаад, байгалаа, экологоо алдаад хохирох вий дээ. Миний байр суурь ийм байна. Нийтлэлийг хүргэе.

Share

Судлаач Д.Ганхуяг: ХУВЬЦААНЫХАА ҮНЭТЭЙГ ХУЛХИДУУЛАХААРАА МЭДНЭ…

ХУВЬЦААНЫХАА ҮНЭТЭЙГ ХУЛХИДУУЛАХААРАА МЭДНЭ…

Нэг сайхан нартай өдөр монгол хүн бүр 536 ширхэг “хувьцаатай” болчихдог юм байна. Үнийг нь мэддэггүй дээ. Эдийн засаг хөгжөөд ирэхээрээ үнэгүй хувьцаа гаргадаг болчихож. Тэгсэн чинь хувьцаа эзэмших эрхийг чинь “батламжлав” гэсэн наалт хийхийгээ хэлсэн юмсанж. Тэгээд Та бидэнд “чамлахаар чанга атга”, яваандаа наадах чинь “чулуу болно” гэж Засгийн газар албан ёсоор хэлж байна. Ингээд ирэхээрээ хулхидах нь ч хулхидаж л таарна. Харин жаахан “зөөлөн” л хулхидуулж үзээрэй дээ… 

Яагаад заавал 536 гэж ?

Эхлээд байгаа хэдэн тоогоо жагсаагаад үзье.

Нэг. Бидний мэдэж байгаа эхний тоо бол “536”. Нэг биш, арав биш, зуу биш, яг 536 гэдэг яс тоо хэлж байна. Үнийг нь “мэдэхгүй” байж ард түмэндээ хуваагаад гаргаж байгаа тоо нь шүү дээ.

Хоёр. Монгол Улс яс тоогоороо 2 сая 796 341 иргэнтэй аж. Ингэхлээр нийт монгол иргэд 1.498.838.776 буюу ойролцоогоор 1,5 тэрбум хувьцаа “эзэмших” юм байна.

Share

Монгол Улсыг эзлэх Хятадын бодлого

Youtube дээр ийм бичлэг тавигдсан бөгөөд хэн нэг нь монгол хадмал хийсэн байна. Хэн гэдэг хүн яриад байгааг нь ч мэдэх юм алга. Гэхдээ маш сонирхолтой бичлэг ажээ. Хэд хэдэн зүйл дээр санал нийлж бас заримтай нь санал нийлэхгүй байна.

1. Хятад Монголыг эзэлж биш худалдаж авч байна. Энэ үнэн. Монголыг энд mongolia биш mine goldia гэж ёжилсон нь угаасаа үнэн юм. Монгол бол зүгээр л асар их баялагтай газар нутаг. Тэнд Төр, ЗГ, ард түмэн гэж байсан ч ялгаа алга байхгүй байсан ч ялгаа алга болотой. Ялангуяа Хятадуудад. Тэд Монголыг тусгаар улс гэж үзэхээ болиод зүгээр л мөнгөөр л тусгаар тогтнолыг нь үгүй хийж эхэлж байна.

2. Зүүн Азийн бүс нутгийг хамгийн чухал бүс нутгийн нэг гэж хэлж байна. Энэ бас үнэн. Энд буурай хөгжилтэй орноос ганцхан Монгол л багтдаг. Тэгээд ч энэ Зүүн Азийн бүс нутаг газарзүйн нэршил гэхээсээ улс төрийн нэршил болж хувирсан бөгөөд Азид байхгүй АНУ гэх мэт улсууд ч Зүүн Азийн бүс нутаг дахь хүчтэй оролцогч, тоглогч орон болж байна.

3. Харин төгсгөлд нь Хятадын газрын зураг Монголыг үгүй болгож хуучин Хубилай хааны байгуулж байсан Юань гүрний газрын зурагтай адилхан болж байгааг харахад сэтгэл урагдмаар, бас түүх эсрэгээрээ давтагдаж байгаа юм шиг хачин харагдаж байна. Гэхдээ ийм дүгнэлт хийхэд хамаагүй эрт байгаа юм. Энд Оросын асуудлыг лектор дотроо сайн бодоогүй бололтой. За ямартай ч үзээд хүн бүр өөр өөрсдийн дүгнэлтээ хийнэ биз ээ.

Share

Зургаан сая төгрөгийн ажилд урьж байна

Өмнөговь аймгийн Цогтцэций сум, шуугиан тариад байгаа Тавантолгойн орд газрын яг хажууханд Зургаантолгой гэдэг алмаазны маш баялаг орд газар нээсэн байна. Нутгийн ардууд нь Зургаантолгой орчим газрыг Шилтэй газар гэдэг байсан байна. Учир нь алмаазын илрэл зарим газарт хөрсөн дээр ил гялтаганан харагддаг аж. Уг орд газрыг Цогтцэций сумын гуравдугаар багийн иргэн Д.Дорж илрүүлжээ. Эхлээд тэрбээр архины шил хагалаад хаячихаж гээд нэг их тоомсорлоогүй байна. Харин зургаан настай охин нь аавдаа “Энэ бол бөгж хийдэг чулуу” гэж хэлж өгчээ.

Ийнхүү дэлхийд байхгүй баялаг илрүүлсэн Доржийн гэр бүлийнхэн Тавантолгой шиг “новширч” гадаадын оператори, хөрөнгө оруулагч зарлахгүй. Бас 538-хан бус шууд 500 сая төгрөг Монгол Улсынхаа иргэн бүрт өгнө гэж байгаа аж.

Монгол Улсын Ерөнхийлөгчийн Тамгын газрынхан иргэн Доржид гавьяат уурхайчин цол олгох уу, эсвэл Монгол Улсын Хөдөлмөрийн баатар цол олгох уу гэдгээ шийдэж чадахгүй гацаанд ороод байгаа юм байна.

Share

Шүүмж 2: Харийнхны бусармаг бодлого ба Хоромхон жаргал мэт халамжийн бодлого

Дуулин

"Стресс төрүүлдэг мэдээ ба Шаолин киноны тухай" нийтлэлийн үргэлжлэл

.....Хүний хөгжлийн 21 мянга, Оюутны сургалтын төлбөр, Таван Толгойн хувьцаа. Би энэ бүхнийг ор тас үгүйсгэдэггүй. Би сар бүр 21 мянган төгрөгөө Хадгаламж банкан дээр оочерлон байж авдаг, миний 2 дүүгийн сургалтын төлбөрийн 500 мянгыг нь төрөөс төлсөн. /Жич: Харин сургуулиуд нь төлбөрөө өмнө байснаасаа 500 мянгаар нэмсэн / Энэ бидний амьдралд түр зууртаа гал намжаах маягаар хэрэг болж байж мэднэ. Гэхдээ битгий баярла. Бид сар бүр 21 мянган төгрөг авч, нэг удаа сургалтын төлбөрийнхөө тодорхой хувийг төлүүлдэг энэ халамжийн мөнгийг хүртэж, төр нь бас тарааж байхын оронд өөр зүйл хийх хэрэгтэй. Яг юу вэ? Судлаачид, эдийн засагчид, Монголын эрдэмтэд энэ талаар хангалттай их ярьсан бөгөөд гүүглээр хайгаад үзэхэд гараал ирнэ. Би эдийн засагч биш улс төр судлаач учир энэ талаар хангалттай сайн бичиж чадахгүй байж магад. Гэхдээ л хичнээн тэнэг байсан ч 21 мянга тараахаас илүү зүйл хийж болохыг мэдэж байна. Монголын газрын баялаг асар их. Энэ бол асар их  хөрөнгө. Хичнээн хохиролтой гэрээ байгуулж чадууллаа ч ямар дандаа мал хашчихсан Монгол улс байгаа биш дээ, оюун ухаант хүн амьдардаг Монгол улс тодорхой хэмжээний мөнгө, хөрөнгө бий болгож чадна. Тэр бол найдвартай. Нэг дор цүлхийтэл ороод ирэхгүй ч бид зөв бодлого хэрэгжүүлж чадвал Монголд байгаа олон асуудлыг шийдвэрлэж чадна. Ер нь ямархуу асуудлууд бидэнд байгаа билээ, яагаад хамгийн ашигггүй халамжийн салбарт мөнгөө зарцуулж байхын оронд хөгжлийн асуудлыг хойш нь чангааж байдаг салбарууддаа мөнгө хаяж тэр салбарт дорвитой бодлого хэрэгжүүлж болохгүй гэж Үүнд:

Share

Шүүмж 1: Стресс төрүүлдэг мэдээ ба Шаолин киноны тухай

Дуулин

Шүүмж 1: Стресс төрүүлдэг мэдээ ба Шаолин киноны тухай

Би уншсан нийтлэл, үзсэн кино болгоны талаар нийтлэл бичээд түүнийг шүүмжлээд байдаггүй. Үнэхээр хэрэгцээтэй гэж бодсон, хувь хүн хэсэг бүлэгт чиглэсэн биш нийт нийгэм, ард түмэнд бүгдэд нь хамааралтай, чухал асуудлууд дээр зориуд цаг гаргаж шүүмж бичдэг, мөн тэр талаар бичсэн хүмүүсийн нийтлэл дээр шүүмж бичдэг.

Монголын мэдээний хэд хэдэн том сайтууд болох gogo, news, shuud гэх мэт сайтууд их сонин. Өглөө босоод би gogo рүү заавал ордог бөгөө гого бас надад зориулаад заавал нэг хүний дургүй хүргэсэн, шал тэнэг, хүмүүсийн захиалгаар бичсэн, хүн ардыг мунхруулах гэсэн мэдээ найдвартай нэгийг тавьчихдаг юм. Тийм  мэдээг харахаар миний мэргэжлийн синдром яалт ч үгүй л хөдлөнө дөө. Учир нь орчин үед мэдээллийг ашиглаж улс төрчид, бизнесийнхэн, олгирхууд, харийнхан олон зүйлийг амжуулж чаддаг болж. Өөрөөр хэлбэл тэд мэдээллийг өөртөө хэрхэн яаж ашиглах вэ, тухайн мэдээ өөрийнх нь эсрэг байсан ч яаж эерэг болгож чадах вэ гэдэг дээр их чадварлаг болсон бололтой. Тэгээд ч орчин үеийн энэ түм буман үнэн худал нь мэдэгдэхгүй шар, хар, эрээн, олон өнгийн мэдээнүүдийг хүмүүс хараад аль нь үнэн зөв, алийг нь хүлээж авах ёстой, алийг нь хүлээж авах ёсгүй, алинд нь итгэх, итгэхгүй зэргээ мэдэхээ байчихдаг байна. Арга ч үгүй ийм олон мэдээгээр өдөр бүр завсаргүй бөмбөгдүүлж байгаа хойно. Ийм  нөхцөлд улс төр судлаачид ард түмэнд энэ олон өнгийн мэдээнээс үнэн бөгөөд хэрэгтэй мэдээг нь ялгаж өгдөг байх шаардлагатай. Учир нь ард түмэн бүгдээрээ улс төр судлаачид биш.

Share

Тээврийн замыг хааснаар Монголын салбарын эдийн засаг “хаагдав” гэнээ. ЛОЛ.

Дуулин

Монголын мэдээнийг томоохон сайтуудын нэг gogo.mn дээр Тээврийн замыг хааснаар Монголын салбарын эдийн засаг “хаагдав” http://news.gogo.mn/r/86596  гэсэн нэг нийтлэл тавигдсан байна. Тэрхүү тээврийн зам гээд байгаа зам нь Монголын нүүрсийг Тавантолгойгоос хямдхан үнээр Хужаа руу зөөдөг 245 км зам бөгөөд энэ замаар өдөр шөнөгүй 24/7 гэсэн циклтэйгээр 20 км-ын урт цуваа үүсгэн 120 тоннын даацтай аварга машинууд аль болох их нүүрсийг аль болох хурдан хугацаанд гялс зөөгөөд дуусгая гэсэн зорилготой явдаг юм. Зам ч гэж бүр авах юмгүй болсон байналээ. Хүн амьтан тэнд амьдрахын аргагүй, юун Японы цунами Монгол дахь цунами тэнд байна гэж Гамшгийн эсрэг үндэсний төвийн http://mnsos.com/?p=783 сайт дээр бичлэгтэй юутай хээтэй нь тавьсан байгааг та бүхэн заавал хараарай. Үнэндээ гамшиг хаана байна гэвэл, Таван Толгойн тэр зам дээр л байгааг тэр видеоноос харж болно. Аз болж энэ замыг 2011 оны 4 сарын 19-ны өдөр Мэргэжлийн хяналтын ерөнхий газар, Авто тээврийн газар, Замын цагдаагийн газар хамтарч хаасан бөгөөд шалтгаан нь замын чанар муудсантай холбоотой бөгөөд тэрхүү зам дээр зам тээврийн осол нийт 31 удаа гарч 23 хүн амиа алдсаны 20 нь Монголын иргэн байсан юм. Ийм гамшгийн байдалтай замыг хаасан нь дээр байсан юм. Гэтэл хаагаад удаагүй байхад gogo.mn дээр Тээврийн замыг хааснаар Монголын салбарын эдийн засаг “хаагдав” гэсэн ийм нийтлэл гарчээ. Бодвол захиалгат хийтлэл бололтой. 

Share

Сарлагтай Отгонбаярын Машбат: Оюу Толгойн гэрээ

Энэ нийтлэл нь http://mashbatotgonbayarsarlagtay.blogspot.com/2009/08/blog-post.html блог дээр 2009.08.24-ны өдөр нийтлэгдсэн байсныг блог дээрээ нийтэлж байна. /Жич: Машбат багшийн бүх бичлэгүүд албан ёсны зөвшөөрөлтэй энд тавигдаж байгаа болно./

Сарлагтай Отгонбаярын Машбат

Миний бие эдийн засагч биш боловч сүүлийн үед Оюу Толгойтой холбоотой нэг л асуудал санаа зовоох болов.

"Харамласан юм хар нохойны аманд" гэгчээр хэрэв бид Оюу Толгойн гэрээг байгуулахгүй удаад байвал энэ баян орд маань явж явж Хятадын идэш болох нь тодорхой. Гэтэл "Маргаашийн уушгиас өнөөдрийн өөх дээр" гээд зүтгэвэл юутай, хээтэйгээ Канадуудад алдчихаад бид гуйлгачин хэвээрээ үлдэх аюул бас бий. Чухам өнөөдөр УИХ дээр хэлэлцэж байгаа төслийг харвал ийм л дүр зураг харагдана.

Share