Зөв хооллолт гэдэг үг улиг болжээ. Уг нь бол хамгийн чухал сэдэв байсан юм билээ. Хүн энэ хорвоод үхэх гэж ирдэггүй амьдрах гэж ирдэг. Тэгвэл амьдарсан шиг амьдрахын тулд эрүүл байх нь эрхэм чухал. Өвчтэй хүнийг амьдарсан шиг амьдарч байна гэж хэлж болохгүй.
Харин Эрүүл байхын тулд олон хүчин зүйл нөлөөлдгөөс хамгийн чухал нь ХООЛЛОЛТ юм гэдгийг ойлгосон. Хүний бие организм маш гайхалтай бүтээгдсэн бөгөөд өөрөө өөрийгөө нөхөн сэргээх, анагаах, эдгээх, эсээ нөхөн төлжүүлэх, ямар нэг өвчин тусвал түүнийг өөрөө зохицуулан эдгээх г.м төгс ухаалаг тогтолцоотой гэнэ. Харин бид тэр биеэ зөв ажиллуулах мэдлэггүйгээс болж дандаа хорлох үйлдэл хийдэг юм байна.
Юугаар хорлодог вэ гэвэл дийлэнхдээ ХООЛООР-оо буюу биерүүгээ оруулж идэж ууж байгаа юмаараа л хорлодог аж. Машинд дайруулчихвал яая гэхэв, тэр машинд бурууг чихэж болно. Харин өөрийн биеэ хорлох хоол хүнснийг өөрөө дурлан байж идээд байвал энэ юу гэсэн үг вэ?
Эрүүл мэндийн анхан шатны боловсролыг олгох, зөв зүйтэй хооллох тухай мэдлэг боловсролыг бага ангид биеийн тамирын хичээл үздэг шиг давхар үзэж явах ёстой юм байна. Мэдлэг мэдээлэлгүйгээсээ болж уурагт биеэ байнга л хорлож, буруу зөв мэдэгдэхгүй хүнс хэрэглэж, олдсоныг нь идэж, дурласнаа чихэж явдаг учир хүний бие организм эзэндээ дарангуйлагдаад эргэж сэргэх нөхөн төлжих нь удааширч, үргэлж бие болон сэтгэл 2 тэмцэлдэж байдаг ажээ.
Монголын нийгэмд түгээмэл байгаа элдэв төрлийн өвчин эмгэгүүд, гүзээ болон бусад зүйлсийн үндэс энэ хооллолтонд л байна гэж бодогдоод байна. Эрүүл мэндийн боловсролоо дээшлүүлж байгаад энэ тухай бичнэ ээ. Харин нэтээс нэг аятайхан зөвлөгөө олж авсанаа дор хүргэе.
Зохистой хооллоход хүнсний бүтээгдхүүнийг зөв сонгох нь чухал.
Аливаа өвчнөөс урьдчилан сэргийлэхэд зөв зохистой хооллох нь чухал юм. Энэ нь олон төрлийн хүнсний бүтээгдхүүнийг зөв харьцаа, хэмжээтэйгээр хэрэглэнэ гэсэн үг юм.
Хүнсний бүтээгдхүүнийг шимт бодисын агууламжаар нь үр тариа, мах, ногоо, жимс, сүү, өөх тосны гэж 6 ангилдаг бөгөөд эдгээр нь танд хэрэгтэй шимт бодис, илчлэгийг өгнө.
2. Махны төрөлд бүх төрлийн малын мах, тахиа, загас, өндөг, шош, буурцаг, дүпү, хиам орох бөгөөд эдгээр нь уургаар баялаг юм.
3. Хүнсний ногооны төрөлд бүх төрлийн хүнсний ногоо багтах бөгөөд эрдэс бодис, аминдэмийн эх үүсвэр болдог.
4. Сүүн бүтээгдхүүн нь уураг, кальци болон бусад эрдэс аминдэмийн үүсвэр болдог.
5. Жимсний төрөлд бүх төрлийн жимс, жимсгэнэ, жимсний шүүс орох бөгөөд нүүрс ус, аминдэм, эрдсийг эх үүсвэр болдог.
6. Өөх тосны төрөлд ургамлын тос, майонез, гахайн өөхтэй мах, самар, цөцгийн тос орох бөгөөд тосны агууламж өндөртэй нь юм.
Хоол хүнсний хэрэглээ:
• Хоол хүнсийг хэт халуунаар хэрэглэхгүй байх
• Өдөрт 3 удаа, тогтмол цагт идэж занших
• Хооллохдоо 1 дор хэт их идэхгүй, олон цагаар өлөн явахгүй байх
• Хоолыг яаралгүйгээр тайван, сайн зажиллаж идэх
• Давсыг аль болох бага хэрэглэх, хужир, нимбэгний шүүсийг хэрэглэж байх
• Хоолыг тасалгааны хэмд 2-с дээш цаг байлгахгүй байх, хөргөгчинд хадгалах
• Оройн хоолыг унтахаас 3 цагийн өмнө идсэн байх
• Архи согтууруулах ундаа хэрэглэхгүй байх
• Түүхий хүнс болон болсон хүнсийг тусад нь хадгалах, хэрчдэг мод хутгыг нь мөн тусад нь байлгах
Хүнсний хэрэглээний зохицол:
Хүнсний ногоо нь гурил, гурилан бүтээгдхүүн, махны төрөлтэй нийцэх ба хамгийн сайн зохицолтой. Жишээ нь: жигнэсэн үхрийн мах, гурвалжин будаа, байцааны салат гэх мэт. Харин сүүн бүтээгдхүүн нь гурил болон махан бүтээгдхүүний төрөлтэй зохицдог бол хүнсний ногоо, жимсийг хамт хэрэглэхгүй байх нь зүйтэй.
Хоол тэжээл хурдан, зөв шингэхэд дээрхи зохицолыг мэдэж байх нь чухал.
Нүүрс ус, цардуул ихтэй хоолны боловсруулалтад амны хөндийд ялгардаг алкалайн гэдэг фермент хэрэгтэй байдаг. Харин уураг ихтэй хоолны боловсруулалтанд хүчил хэрэгтэй байдаг. Энэ нь ходоодноос ялгардаг. Алкалайн болон хүчил нь хоорондоо нэгдэхээрээ бие биенийхээ үйлчилгээг саармагжуулж, хоол боловсролт удааширч сайн шингэдэггүй байна.
Хүнсний бүтээгдхүүний “Е” тэмдэгт:
Манай орны хувьд өдөр тутмын хүнсний бүтээгхүүнийхээ 80%-г гадаадаас нийлүүлдэг.Тиймээс Дэлхийн Эрүүл Мэндийн Байгууллагаас олгодог “Е” тэмдэгтийн тухай танилцуулж байна. Хүнсний Бүтээгдхүүнд химийн бодисыг их хэмжээгээр хэрэглэх болсноос хүний биед аажимдаа хортой нөлөө үзүүлэх болсон учраас “Е” тэмдэгтийг дотор нь 6 ангилдаг байна.
1. Эрүүл мэндэд хортой
2. Сэжиг бүхий
3. Эрүүл мэндэд хортой нь нотлогдсон орц
4. Эд, эрхтнийг гэмтээгч орц
5. Хавдар үүсгэгч
Хүнсний бүтээгдхүүнд “Е” 330 гэсэн тэмдэглэгээ байвал та бүү худалдаж аваарай. Энэ нь хорт хавдар үүсгэгч хорт бодис агуулж буйг заана. Энэ тэмдэгт нь лаазалсан махан бүтээгдхүүн, бяслаг, Schweppes ундаа, резинэн чихрүүдэд ихэвчлэн бичигдсэн байдаг. Та “Е” тэмдэглэгээг хүнсний бүтээгдхүүний шошгоноос Ingredients буюу бүтээгдхүүний найрлага гэсэн хэсгээс хараарай.
Бөөд би итгэдэггүй юм. Гэхдээ гэртээ ирсэн нэг бөөгийн хийсэн юманд үргэлж итүэж явдаг юм.
ReplyDeleteЭнэ сэдэвт бөө ер хамаагүй.
DeleteТанай блогт яаж нийтлэл бичих вэ?
ReplyDelete