Аяллын тэмдэглэл

Эх сайхан Монгол орноороо олон андын хамт олз омог дүүрэн сайхан аялаад ирлээ. 1400 гаруй зураг буулгажээ. Олон ч адал явдалтай учран туулж давж, сургамж ухаарал авч, мэдлэг тэлсэн, туршлага хураасан нэгэн аян байв. Аяллын талаарх зурагт тэмдэглэлээ блогтоо оруулж байна

Share

1995 оны архив

Энэ бичлэгээ үзээд, энэ дууг сонсохоор өсөж төрсөн нутаг бодогдоод өвөө эмээ минь санагдаад байдаг юм. Хуучны дурсамж сэргээдэг сайхан аялгуу шүү. Мэдээ орох цагт минь л хажууд байж харж асардаг байсан хайрт өвөөгөө, эмээгээ их санаж байна даа. Үнэн үгээрээ ухааруулж өсгөсөн тэд маань одоо Тэнгэрийн орондоо амар амгалан заларч байгаа. 

Share

Хошууч баатар Харлаг Чонос эцэг

Хатгалдах байлдааны цагт
Хамгийн түрүүнд давшдаг
Харвалдах байлдааны үед
Хамгийн урд халхалдаг
Хошууч баатруудын манлай
Харлаг Чонос эцэг минь
Харцага шумбах мэт дүүлэх
Хошууч тэргүүн Баатрууд минь

Share

Баатруудын уухай...

Их цэрэг дайнд мордож буй мэт
Эмээл хазаарын дуу сонсдоно
Эрэмгий эрс хуягаа өмсөхөд
Идэр залуугийн цог гялалзана

Монгол эрс мориндоо мордон
Мохошгүй зоригт зүрхээ чангалаад
Уухайн түрлэгээ хадаахад
Уулын цаанаас ч сонсдоно.

Share

108 өндөрлөлөө.

Нэг том ажлын ард гарлаа шүү. Бид чадлаа!!! гэж хэлмээр санагдав.

Бид гэдэг нь Буурал болон Би. кккк

108 гараг нэг ч өдөр алгасалгүй, тасралтгүй буух үйлээ амжилттай дүүргэлээ. Залгуулаад өөр үйл үргэлжилж байгаа ч зорилт тавиад эхлүүлсэн үйл энэ өдөр төгсөж буй учир зайлшгүй чухал байдаг юм байна. За яахав 108 дууссан ч үргэлжлээд л угаасаа үйлтэй юм чинь гэж бодоод хаалтын ажиллагаа хийхгүй байя гэсэн чинь тус тусдаа үйлүүд тус тусдаа зорилготой, дор дороо учир жанцантай юм байхаа. Тиймээс л үйл бүхэнд эхлэл болон төгсгөл байдаг аж.

Share

2014 оны зорилго

ЭНЭ ОНЫ ЗОРИЛГО

Өнөөдөр 1 шинэ он эхэлж байна. 2014 оны хамгийн эхний өдөр. Өнгөрсөн жил буюу 2013.12.31-ний өдөр Бууралтайгаа хүүрнээд гаргасан шийдвэр нь 2014 он дахь өөрийн зорилгоо тодорхойлох асуудал байв. Ямар ч байсан Шинэ тоолол эхэлж байхад хүн бүр өөртөө зорилго тавьж түүндээ хүрэх зорилтуудаа тодорхойлж, хүч хөдөлмөрөө түүндээ чиглүүлж байх ёстой юм байна. 

Share

Бидний үе ийм л байв.

Энэ зурган дээрээс намайг олсон хүнд шагналтай!!! 

Бидний үе ийм л байлаа шүү дээ. Номын сайн нөхөр гээд шалгаруулдаг байж дээ. Тухайн үед ном уншихаас өөр цаг нөхцөөчих юм алга байж. Одоо бол фэйсбүүк, юутүүб, гүүгл гээд л компьютерийн ард уяатай байдаг болсон байна.

Share

Дурсамж. Зураг түүх өгүүлнэ.

Харахад энгийн л нэг зураг. Цас бас хол харагдаж байгаа нэг хүн. Нэг их сайн нягтралтай ч зураг биш. Гэтэл ой дурсамжаа сөхөөд учгийг тодруулаад санахад их л дурсгалтай, тэр үеийн болж байсан явдлууд эргэн тодроод сэтгэлд дулаахан зураг санагдав.

Share

Үхлийн тухай

Үхэл гэдэг өнгөрөгсдөд бус үлдэгсдэд илүү аймшигтай зүйл. Нэгэн филофичийн хэлсэн үг.

Өмнө нь Үхлээс би их айдаг байлаа. Хэзээ нэгэн цагт бид бүгдээрээ үхнэ, хүн мөнх насалдаггүй. Би хэзээ үхэх бол, Миний хайртай хүн, ээж аав маань үхнэ гэж бодохоор л гол харлаад явчихдаг байлаа.

Харин Философийн ном уншиж байгаад энэ дэвтрийн хавтасны хамгийн дээрх үгийг олж хараад эндээ тэмдэглэн бичээд түүнээс хойш үхлээс айхаа больсон.

Share

Дуулин: Миний өчил /1 жилийн ойд зориулав/

Хөх Монголын Хаан
Хөрст дэлхийн аврагч
Эзэн Чингис Хааны улаач
Их Аянга удган танаа

Өндөр дээд буурлуудаа
Өнөө замбад залсаны
Өлзийт сайн өдрийн мэндийг
Өгүүлэн би хүргэюү.

Share

Чингисийн Монгол бүлхэм Аянга удганаар засал хийлгэсэн болон Эзэн Чингис хаантай уулзсан тухайд маш товчхон

Чингисийн Монгол Фэйсбүүк бүлхэм байгуулагдаад 4 сар орчим болж байгаа бөгөөд бид бүхний хамгийн анхны нүүр тулсан уулзалт маань интернэтээр бөөндөө Аянга удгантай уулзан засал хийлгэж, дараа нь Эзэн Чингис хаантайгаа уулзсан явдал байлаа. 

Энэ үйл явдлын тухай тэнд очсон хүн бүр дэлгэрэнгүй бичиж тавих байх. Бүх хүн өөрийн сэтгэгдлээ бичээсэй гэж хүсч байна. Тиймээс би бас Хаантай уулзсан 2 дахь удаагийн уулзалтынхаа сэтгэгдлийн талаар товч өгүүлье.

Share

Энэ сайт таалагдав.

Share

Тэнгэр Монгол Газар үгийн тухай /зураг татаж авах/

                                             ТЭНГЭР       ТЭНГЭР       ТЭНГЭР

                                             МОНГОЛ     МОНГОЛ     МОНГОЛ 

                                             ГАЗАР          ГАЗАР          ГАЗАР 

"Энэ үгийг Монголчууд Тэнгэрт хандан хэлж сүсэглэвэл Монголчуудын хйиморь сэргэн, хөх тамга нь идэвхжин босоо заяа эргэн ирнэ".  ЧИНГИС ХААН

Тэнгэр гэж юу вэ?

Тэнгэр гэдэг нь дээр хөхрөгч огторгүй биш бөгөөд Тэнгэр заяа, Тэнгэрлэг Монгол хэмээн Монголчууд бидний ярьдаг Тэнгэр юм. Тэнгэр гэдгийг бүрэн төгс тодорхойлоход нэлээд төвөгтэй. Учир нь Тэнгэр нь Огторгуй, агаар мандлын тэнгэр буюу бидний дээр байгаа хөх тэнгэртэй адилхан зүйл биш бөгөөд тиймээс ч шинжлэх ухаанаар тайлбарлагдахгүй.

Share

C.Жавхлан "Монголоо гэх хүмүүн хэрэгтэй"

Дуучин С.Жавхлангийн Монголоо гэх хүмүүн хэрэгтэй дууг хүргэж байна. Жавхлан сүүлийн үед нийгмийн сэдэвтэй дуу их дуулах болсон. Нэг удаа сонгуульд өрсөлдөөд ялагдсандаа шаралхаж элдэв юм дуулж байна, дахиад үзэх нь энэ муу, эсвэл зүгээр л дуугаа дуулаад хэвтэж байхгүй дээ, эсгий хийх газар нохой хэрэггүй гэх мэтээр Жавхланг ад үздэг хүн цөөнгүй. Ер нь урлаг хүртэл улс төржөөд иймэрхүү илүү юмнууд хэрэггүй ээ гэж олон хүн ярьдаг. 

Share

Чингис хаантай хөөрөлдсөн минь 1-р хэсэг

Миний блогт зочилж энэхүү бичлэгийг унших гэж байгаа таны амар мэндийг эрэн мэндчилье. Чингис хаантай хөөрөлдсөн минь гэдэг энэхүү нийтлэлийг уншихаасаа өмнө миний хэлэх хэдэн үгийг сонсож болгооно уу. 

Share

Солонгос драмын тухай GIANT буюу АГУУ ХҮН драмын шүүмж

Солонгос кино

Би Солонгос кино үзэх дургүй. Яагаад гэвэл дандаа ахуйн аар саар асуудал, гурвалжин дөрвөлжин дурлал, тулга тойрсон балай юмнууд гардаг. Бас хэтэрхий сунжруу, хүний цаг барах гэсэн, гэртээ зүгээр сууж байдаг ажилгүй хүмүүст зориулсан юм шиг санагддаг бөгөөд, ажил хэрэгч, завгүй хүнд тийм кино үзээд байх цаг зав бас сонирхол байдаггүй. 

Share

Эдийн засгийн алуурчид Монголд

За энэ бол Монгол хүн бүрийн үзэх ёстой видео байна. Надад энд хэлэх тайлбар ч алга. Өөрсдөө үзээрэй. Таны амьдрал, таны үр хүүхдийн ирээдүйтэй чинь холбоотой. Өнөөдөр та хоолтой ч маргааш хүүхэд чинь гуйлгачин болох бодит зураг энд байна. Ийм бичлэгийг яагаад хүмүүс нэг их үзээгүйг гайхах юм. Нэг шоуны бичлэгийг л хэдэн мянгаар нь үзсэн байдаг байж. Ийм болохоор л Монгол тиймэрхүү байгаа ч юм шиг. Зоригт, Баярцогт нарын фэйсбүүк, Твиттер энэ тэрийг нь хайж үзлээ. Би ямар тэр аймаар гаруудаас шууд юм асуугаал энийгээ тайлбарла гэлтэй биш. Тэгээд Твиттер дээр Батболд сайд, Д.Энхболд, З.Энхболд, Н.Батбаяр гишүүдэд хэдэн үг үлдээлээ. УИХ-ын гишүүн тойргийн ардын төлөөлөл биш Монголын ард түмний төлөөлөл байдаг учраас миний листэнд байгаа хэдэн Твиттерчдэд хэлэв. Тэд УИХ-ын гишүүн санаатай юм бол ядаж энэ бичлэгийг үзээсэй. Бас ард түмэн та нөхөд эд нарыг сонгосон. Миний сонгуульд саналаа өгсөн гишүүд УИХ-д гарч чадаагүй. Та нарынх гарсан бол тэр хүн чинь юу хийсэн бэ гэдгийг эргэж хараарай. Тэгээд сонголтоо зөв хийгээрэй. Сонголтоо зөв хий гэдэг ер нь их улиг болчихжээ, дандаа ярьсаар байгаад. Сонгочихмоор хүн байхгүй бол битгий сонгууль өг, заавал өгүүлэх гээд байвал очоод зүгээр дугуйлалгүй хүрээд ир. Тэгвэл сонгуулийн ирц ямар болохыг, бас хүчин төгөлдөр болж чадах эсэхийг хар. 

2012 он бол Монголын хувьд сүүлчийн боломж шүү. Юун 7 сарын нэгэн тэрнээс нэт юм болж мэднэ. Тийм юм болгуулахгүйн тулд энэ хэдэн эрх баригчдыг 4 дэх засаглалынхан сайн хашраагаад өгөх хэрэгтэй. Даанч тэр 4 дэх засаглал нь ямар ч засаглах чадваргүй, нэр нөлөөгүй, үнэ хүндгүй болжээ. Яалтай  ч билээ. Би харамсаж байна. Монгол үнэн утга алгаа...

Share

Монголын Үзэсгэлэнт байгаль ба Гайхамшигт аялгуу

За компьютеийн ард байнга суудаг хүмүүстээ зориулаад алжаал тайлах үзэсгэлэнт байгаль, хөдөө нутагт очоод цэнгэг агаарыг цээж дүүрэн амьсгалаад ирсэн юм шиг санагдуулах гайхамшигтай зурагнуудыг толилуулж байна. Дуугаа сонсонгоо зургаа үзээрэй. Энэ аялгуу нь бас үнэхээр сайхан. Хүсвэл татахаар тавьж өгч болно шүү. 

Зун болоод бороо ороод сайхан байна аа.

Share

Миний Философийн лекцийн дэвтэр дээрх тэмдэглэлүүд

Миний Философийн лекцийн дэвтэр дээрх тэмдэглэлүүд

Миний Их Сургуульд 4 жил суралцахдаа олж авсан хамгийн чухал зүйлүүдийн нэг бол лекцийн дэвтрүүд маань юм. Зарим хүнд лекц гэдэг уйтгартай, утгагүй дэмий зүйл мэт санагддаг бол зарим хүн утгагүй лекцээс ч өөртөө хэрэгтэйг нь ялгаж сонсож бас тэмдэглэж чаддаг,түүнийгээ дараа яаж ашиглах вэ гэдгээ ч бас мэддэг. Миний хувьд лекц болгон дээр сууж аймаар юм бичдэг хүн байх хэрэг байгаагүй, тэгэхийг боддоггүй. Зүгээр л хэрэгтэй гэж бодсон лекц бүрээ сэтгэл гарган тэмдэглэж тэр дэвтрүүдээ 4 жил хадгалсны үр дүнд одоо нэг хайрцаг дүүрэн дэвтэртэй үлдсэн. Энэ бол миний баялаг.

За ямартай ч Философийн дэвтэр дээрээ баахан л лекц бичсэнээс гадна, хавтас дээр нь эрдэмтэн мэргидийн ишлэл бас өөрийн тунгааж ойлгосон хэдэн үг бичсэнээ энд нийтэлж байна. Энэ үгсийг хараад тэр үеийн бүх үйл явдал санаанд орж байх нь хачин юм. Бас дурсамж сэргээд сайхан санагдаж байна гээч.

1. Бодит байдлыг хийсвэр ойлголт болгон хувиргадгаараа философи бол хийсвэрлэл мөн.

2. Өөрийнхөө юу мэдэхгүй байгаагаа мэдэхгүй хүн шиг л битгий байгаарай.

3. Үхэл гэдэг бол өнгөрөгсдийн хувьд биш үлдэгсдийн хувьд эмгэнэлтэй, аймшигт зүйл.

4. Ерөнхий түгээмэл утгыг нээхийг зорьдог.

5. Философи бол үгээр илэрхийлэхэд амаргүй оюун санаа. Б.Батчулуун

6. Аливааг ухааран ойлгох, танин мэдэх, тэдгээрийгээ томьёолох хүний оюуны үйл ажиллагаа бол ФИЛОСОФИ мөн. Б.Мөнхгэрэл

Share

Шүүмж 2: Харийнхны бусармаг бодлого ба Хоромхон жаргал мэт халамжийн бодлого

Дуулин

"Стресс төрүүлдэг мэдээ ба Шаолин киноны тухай" нийтлэлийн үргэлжлэл

.....Хүний хөгжлийн 21 мянга, Оюутны сургалтын төлбөр, Таван Толгойн хувьцаа. Би энэ бүхнийг ор тас үгүйсгэдэггүй. Би сар бүр 21 мянган төгрөгөө Хадгаламж банкан дээр оочерлон байж авдаг, миний 2 дүүгийн сургалтын төлбөрийн 500 мянгыг нь төрөөс төлсөн. /Жич: Харин сургуулиуд нь төлбөрөө өмнө байснаасаа 500 мянгаар нэмсэн / Энэ бидний амьдралд түр зууртаа гал намжаах маягаар хэрэг болж байж мэднэ. Гэхдээ битгий баярла. Бид сар бүр 21 мянган төгрөг авч, нэг удаа сургалтын төлбөрийнхөө тодорхой хувийг төлүүлдэг энэ халамжийн мөнгийг хүртэж, төр нь бас тарааж байхын оронд өөр зүйл хийх хэрэгтэй. Яг юу вэ? Судлаачид, эдийн засагчид, Монголын эрдэмтэд энэ талаар хангалттай их ярьсан бөгөөд гүүглээр хайгаад үзэхэд гараал ирнэ. Би эдийн засагч биш улс төр судлаач учир энэ талаар хангалттай сайн бичиж чадахгүй байж магад. Гэхдээ л хичнээн тэнэг байсан ч 21 мянга тараахаас илүү зүйл хийж болохыг мэдэж байна. Монголын газрын баялаг асар их. Энэ бол асар их  хөрөнгө. Хичнээн хохиролтой гэрээ байгуулж чадууллаа ч ямар дандаа мал хашчихсан Монгол улс байгаа биш дээ, оюун ухаант хүн амьдардаг Монгол улс тодорхой хэмжээний мөнгө, хөрөнгө бий болгож чадна. Тэр бол найдвартай. Нэг дор цүлхийтэл ороод ирэхгүй ч бид зөв бодлого хэрэгжүүлж чадвал Монголд байгаа олон асуудлыг шийдвэрлэж чадна. Ер нь ямархуу асуудлууд бидэнд байгаа билээ, яагаад хамгийн ашигггүй халамжийн салбарт мөнгөө зарцуулж байхын оронд хөгжлийн асуудлыг хойш нь чангааж байдаг салбарууддаа мөнгө хаяж тэр салбарт дорвитой бодлого хэрэгжүүлж болохгүй гэж Үүнд:

Share