Blogger templates

2011-12-31

Шинэ оны гайхалтай бэлгийг хүлээн авна уу.


Хөх Толбот Монголчууд та бүхэндээ шинэ жилийн хамгийн гайхалтай бэлгийг хүргэж байна. Тэнгэрлэг Монгол хүн та хэзээ нэгэн цагт ийм бэлэг хүртсэндээ, үүнийг харсан хувь заяандаа, тэр азтай мөчөө насан туршдаа дурсан санаж баярлах болно гэдгийг амалж байна. Та энэ бэлгийг хүртдэг туйлын азтай хүн юм.


бэлгэн дээр дарж бэлгээ үзнэ үү


Жич: Энэ бэлгийг бэлтгэн түмэндээ хүргэсэн Гэрлийн Өргөө бүлхэмийн эрхэм андууд 
Баяр-Оч, Ундрах нартаа гүнээ талархал илэрхийлье.

МОНГОЛ ТЭНГЭР ҮНЭН ХОЛБОО

2011-12-30

ТЭНГЭР МОНГОЛ ГАЗАР


ТЭНГЭР МОНГОЛ ГАЗАР

Монголчуудаа та бүхэндээ эх орон, төрөлх нутаг, элгэн садан, хөх ардууддаа дахин заларсан Хааныхаа мэдээг хүргэхдээ баяртай байна.  Их Эзэн Чингис Хаан бидний энэ ертөнцийг өөр ертөнцтэй холбож байдаг улаач буюу бөөгөөр дамжуулан энэ замбативд заларч зарлиг сургаалаа айлдаж байгаа тухай яг одоо болж буй бодит түүхийг та бүхэндээ хүргэж байна.
Эзэн Хаан Монголдоо эргэн залраад олон зууны турш шарлаж, улаарч, харлаад байгаа Хөх Монголыг дахин мандуулж, дайчин удмаа босгон даян дэлхийг дахин цуурайтуулахаар үйлээ хийж эхлээд байна. Тэнгэр заяат Монголчуудын хөх толбыг эрчимжүүлэн, босоо заяаг сэргээн дуудах шидэт тарни үг болох  Тэнгэр Монгол Газар дуудлагыг Хөх Толбот Монгол хүн бүр сэтгэлээсээ хэлж эрчмээ аван биеэ засах ёстойг зарлигдав.
Тэнгэр Монгол Газар дуудлагыг хэрэглэн хөх толбоо сэргээн эрчимжүүлж, биеэ засч буй хүний тоо өдрөөс өдөрт нэмэгдэн зөвхөн Хөх толботонд байдаг энэ тэнгэрийн заяаг биеэрээ мэдэрч өвчин эмгэгээс салан эрүүлжиж, эерэг энерги аван сэтгэл санаа өөдрөг болж, архи, тамхинаас гарч, ахуй амьдрал нь дээшлэн, амар амгаланг цогцлоож, уур уцаараа таягдаж,хайр энхрийллээр бялхан, стресс бухимдлаа тайлж эрчим энерги байгалаас аван, зөн билиг, авьяас нь сэрж, өвөг дээдсээ олж мэдэн, үнэн түүхээ хайж судлан, өмөөрөх өвгөд дээдэс, халхлах хаантайгаа мэдэж Тэнгэр заяатай ард түмэн гэдгээ баталж байна.

2011-12-29

Д. Мөнх - Очир: МОНГОЛ - ХХ ЗУУНЫ АНХНЫ ҮНДЭСТЭН-УЛС МӨН


Монгол Улсын тусгаар тогтнолын тэгш нэгэн зууны их ойн жил айсуй. “Ой” хэмээгч монгол үгийн салаа утга нь нэг талаас хөвч их мод, нөгөө талаас ой ухаан, тогтоолт санамж гэсэн санааг илэрхийлэх тухайд хэдэн жилийн өмнө Я.Долгоржав багш (өдгөө Монгол Улсаас БН Куба Улсад суугаа Онц бөгөөд Бүрэн эрхт Элчин сайд) нэн сонирхолтой байдлаар, басхүү ихийг бодоход өдөөн дуудаж бичсэн билээ. Түүхт ой хэмээгч нь үндэстний ой санамжийн илэрхийлэл болох тул ач холбогдол нь үүнд оршин буй гэсэн сайхь эрдэмтний санаанд тулгуурлан Монгол Улсын хамгийн чухал тэмдэглэлт ой - тусгаар тогтнолын 100 жилийн ойг угтуулан, 99 дэх жилийн босгон дээр бидний хамтын ой санамжин дахь зарим ташаарлыг хөндөхийг зорилоо.

Жанжин Д.Сүхбаатарын захиас


Д. Сүхбаатарын хойчийн эрхэмүүдэд захисан захиас

Хойч ирээдүйн эрхэм дүү нарын гэгээн лагшин тунгалаг, эрхэлсэн ажлыг зохицолдуулан гүйцэлдүүлэх нь алдаагүй нягт сайныг асуух юун билээ. Молхи миний бие өдгөө харийн түрэмгийнүүдийг үлдэн хөөхөд нэгэн чиг санаагаар зүтгэж өөрийн өчүүхэн хүчийг ардын дунд нэмэрлэсэнээр эл үйлс маань нэгэнт тусыг олж тусгаар Монгол улсаа байгуулан гэрэлт Богд багш хутагтаа ширээнээ залсаар төдий л их удаагүй байна. Та бүхэндээ сургамжлан захихын тулд, өргөн гол гатлуулж өндөр уулсыг давуулан халагдан улирах он цагийг дамнуулан энэхүү захидал мэтсийг хичээнгүйлэн сонсгож гарт тань бариулж байна. Гэгээн богдын айлдсанаар нэгэнт захидал мэтс нь үеэ гээж (цахим) шуудан бий болсон байх ба, хэрэв ийм бөгөөс утасны үзүүр (дэлгэцийн араас) мэндийг тань мэдэж амрыг эрье.

2011-12-14

Тэнгэр Монгол Газар дуудлагын үр дүнгийн заримаас толилуулж байна.


Тэнгэр Монгол Газар дуудлагын үр дүнгийн заримаас толилуулж байна.

Тэнгэр Монгол Газар дуудлагыг хэлснээр хүнд ямар ямар өөрчлөлт гардаг вэ? Дуудлагыг хэлсэн хүмүүсийн сэтгэгдлээс хүргэж байна.

М.Ганзориг: уур уцааргүй тайван амгалан болж асуудлыг шийдэх гарц нүдэнд тод тусахаас гадна ажил үйлс саадгүй бүтнэ.

Мөнхгэрэл:  Миний хувьд: Юуны өмнө аура буюу гэрлэн бие сайжирсан бөгөөд Солонгосын No1 бөө намайг 2 жилийн дараа биеэсээ гэрэл цацруулна гэж хэлсэн. Үүний бичлэг нь хүртэл бий. Мөн шүлэг зохиох авьяасгүй байсан бол байсхийгээл толгойд үгнүүд мөр холбож бодогдоод байгаа. Өмнө нь шүлэг зохиох гээд суувал ямар ч үг толгойд орж ирдэггүй байсан бол одоо бол суугаал дуржигнатал нь зохионо доо хэ хэ. Тэгэхээр ТМГ дуудлага миний амьдралд баталгаатай нөлөө үзүүлсэн бөгөөд дарагдсан байсан авьяас билиг, зөн мэдрэхүйгээ нээж чадсан гэж бодож байна.

Р.Сансармаа: энэ дуудлагыг хэлсэн эхний өдөр хамаг бие халуун бөмбөлөг дотор байгаа мэт санагдсан тэр өдрөө халуураад чичрээд нэг л хачин байсан маргааш нь дуудлагаа дуудсанаас хойш бие зүгээр болж байсан. Миний хувид энэ дуудлагыг дуудаад сар гаран болж байна энэ хугацаанд нэг ширхэг эм уусангүй бие өвдөхыг мэдэрсэнгүй. Уул нь би чинь зүрх савалдаг бөөр өвддөг байсан заримдаа өөрийгөө байрж чадхааргүй уурлаж салгалдаг байсан гэдгээ гэнэт саналаа хэхэхэ өөрийгөө цоо эрүүл гэдэгтээ бат итгэлтэй явж байна шүү. Гэрээсээ одоогоор ганцаараа ханиад ч хүрдэггүй хүн болж таараад байна даа

2011-12-06

Дуулин: Их Хойд Бөө Гэгээн М.Ганболд гуайн тухай


Саяхны нэгэн өдөр миний бие Мөнх Наран ээжийн сургаалийг үндэслэгч гэх Ганболд гэдэг хүний залбиралд суулаа. Энэ хүн бол 7 хоног бүрийн бүтэн сайн өдөр УБ Паласт өөрийн лекц залбирлаа явуулдаг бөгөөд тухай бүрд нь хүмүүс 5000 төгрөгийн билет авч 1000 гаран хүн ирдэг аж. Сардаа нэг удаа их залбирлыг нийт 3000 хүнд хамруулан хийдэг ажээ.

2011-12-02

Дуулин: Миний өчил /1 жилийн ойд зориулав/



Хөх Монголын Хаан
Хөрст дэлхийн аврагч
Эзэн Чингис Хааны улаач
Их Аянга удган танаа

Өндөр дээд буурлуудаа
Өнөө замбад залсаны
Өлзийт сайн өдрийн мэндийг
Өгүүлэн би хүргэюү.

2011-11-27

Оюутолгойд Хятадууд Монгол хүнийг боож алжээ


Сүүлийн үед зарим хэвлэл мэдээллийн хэрэгслээр Оюу Толгойд Монгол хүн амиа алдсан тухай ганц нэгхэн мэдээнүүд нийтлэгдэх боллоо. Оюутолгой компанийн рекламыг тавьдаг томоохон гэгдэх мэдээний сайтуудад харин энэ талаар чимээ шуугиангүй л байна. Энэ тухай мэдээллийг хүргэе.

2011-11-26

Бөөгийн тухай асуултаа илгээнэ үү


Сайн байцгаана уу


Их Эзэн Чингис Хааны Улаач Аянга удганы блогт морилж байгаа зочид та бүгдийн амар амгаланг эрье.  Аянга Удганы дараагийн ном Бөөгийн тухай ном гарахаар бэлтгэгдэж буй бөгөөд блогт зочилсон та бүхэн бөөгийн тухай мэдэхийг хүссэн асуултуудаа tengermongolgazar@yahoo.com хаягаар илгээнэ үү.

2011-11-16

ЭЗЭН ЧИНГИС ХААНААС АСУУСАН 73 АСУУЛТ 73 ХАРИУЛТ


Хэрэв Эзэн Чингис Хаан буусан юм бол НОТОЛГОО нь хаана байна гэж миний нэг найз асуув.  Тэр надтай адил улс төр судлаач мэргэжилтэй хэдий ч ийм асуулт асуув. Хэрэв Эзэн Чингис Хаан эргэн Монголдоо заларсан гэвэл бараг Монголын бүх хүн ийм л асуулт асуух байх. Тиймээс энэ хүмүүст зориулж доорх нийтлэл, баримтуудыг нэгтгэж сийрүүлэв. Үнэхээр Эзэн Чингис Хаан Улаачаараа дамжуулж энэ замбад заларлаа гэж бодоход түүнийг үнэхээр ХААН мөн гэдэгт яаж итгэх вэ?

2011-11-05

Чингис Хаан оюуны гоц чадвартай ер бусын хүн байв уу, аль эсвэл ...


Философийн ухааны доктор, Шинжлэх Ухааны Гавьяат зүтгэлтэн Н.Хавх,

Энэ дэлхий дээрх амьдралын утга учир,шалтгаан, зураг төөргийг амьд биетийн амьдарч буй газар нутгийн байгаль цаг агаараар нь, эсвэл тэнгэр огторгуйгаар нь, эсвэл энэ хоёрыг шутэн барилдуулан тайлбарлах, ийм л гурван зам, хувилбар бий. Энэ талаасаа өрнө, дорныхны танин мэдэх арга ухаан төстэй юм шиг хэрнээ, ялгаатай. Ялгаатайдаа бүүр эсрэг. Дорно дахины ухаан, мэдлэг бугд л од, гариг эрхсийн хөдөлгөөн, тэнгэр огторгуйтай холбоотойтүүнээс улбаатай байдаг. Эдгээр ухааны цаад нарийн, гүн гүнзгий агуулгыг орчин цагийн шинжлэх ухааны холбогдох агуулгатай дуйцүүлэн одоогоор хараахан тайлбарлаж чадаагүй байгаа бөгөөдтуүнийг юм юман дээр тухайн тохиолдолд Эзэн Чингисийн жинхэнэ төрхийг судлан шинжлэхэд арга зүй болгон шууд хэрэглэхэд бэрхшээл их бий. Тиймээс суут хүний тухай гол төлөв европын гун ухааны холбогдох онол, сургаалыг арга зүй болгох замаар Чингис хааны жинхэнэ дүр төрхийг гаргаж тавихыг зорилоо.

2011-10-20

Тэнгэр Монгол Газар ном унших татах


Эзэн Чингис Хааны айлдсан Эзэн би эргэн ирлээ айлтгалын тайлбар, түүнтэй холбогдсон Аянга удганы түүхийн тухай Тэнгэр Монгол Газар номын албан ёсны хувилбарыг үнэ төлбөргүй унших болон татахаар тавьж байна. Номыг уншиж амжаагүй болон унших боломжгүй алс хол, хилийн чанад, гадаадад байгаа хүмүүст зориулан онлайнаар тавьж буй юм.

Чингис Хаан Хөх Монголдоо эргэн заларсныг Монгол хүн бүр мэдэх эрхтэй бас ёстой тул Тэнгэр Монгол Газар номыг хүн бүхэн унших, цааш нь дамжуулах, түгээх, хэсэгчлэн болон бүтнээр нь хэвлэх, блог сайтууддаа нийтлэх эрх нээлттэй. Хөх Толбот Монгол хүн бүр Эзэн Чингис Хаан Монголдоо эргэн заларсныг Дэлхийд зарлан тунхаглахтун. Салхи мэт түгээгтүн.

Жич: Тэнгэр Монгол Газар номыг ашгийн зорилгоор хэрэглэхийг хатуу хориглоно. Хэрхэхийг Тэнгэр мэдэх Тэнгэрийн ном болно.

Номыг татах бол ном унших хэсгийн доор байгаа Download гэсэн товчийг дарна уу. Санал сэтгэгдлийг https://www.facebook.com/groups/Chingis фэйсбүүк групээр солилцоно.


2011-10-15

Х.Сүлдэт: Бөөгийн ёс ардчилалгүй юу


Эх сурвалж: http://galaarid.mn

Бөөгийн уг наалгасан за­рим хүмүүс яаж амьдрал ахуй­гаа зохицуулахаа мэдэ­хээ больчихсон, сандарч явааг хараад энэхүү бичвэ­рийг үүсгэв. Би уг нь бөө мөргөлд үнэн сэтгэлээсээ бишрэлтэй ханддаг юм аа. Гэхдээ Монгол оронд бөө мөр­гөл дахин дэлгэрэхээс өмнө өөрийн амьдралд ба­рим­талж ирсэн зарчим, за­рим нэг хэвшил, зуршил, ит­гэл үнэмшил маань чин сү­сэгт мөргөлчин байхад минь мөн ч их саад болох юм даа. Худлаа ярих, хулгай хийхээс эхэлдэг нөгөө айхавтар ар­ван хар нүглийг үйлд гэж ямар ч шашин, номлол, үзэл суртал хэлдэггүй хойно тэр талаарх сургаал, ёс зүйн жиш­гээс гадна бас сонин со­нин ёс, дэг жаяг байнаа энэ бөөгийн орчинд. Ёстой л хүн мэдэхгүй юмныхаа боол гэгч болох юм даа гэж халагла­маар санагдаад, заримдаа тэрслүү тэрслүү бодлууд сэт­гэлд орж ирээд, тэр бод­лоо­соо айгаад тэнгэрийн дор үе үе навтайж явах бо­лов. Тухайлбал,

2011-10-12

Бэлчээр нутгаас төрсөн баатар Мэргэнд зориулсан дуу. \зохиогч нь өвөрмонголын оюутан залуу,одоо сураггүй байгаа\ Iragiin orchuulsnaar


эх сурвалж: http://borshuvuu.wordpress.com
Хэдийгээр энэ дууг Хятадаар дуулж байгаа боловч үгийг нь сонсоод Монгол хүн бүр мэдэх хэрэгтэй гэж бодов. Тиймээ бид Чингисийн үр удам.


Бэлчээр нутгаас төрсөн баатар Мэргэнд зориулсан дуу. \зохиогч нь өвөрмонголын оюутан залуу,одоо сураггүй байгаа\ Iragiin orchuulsnaar

Ёо,  Хэдийгээр би хятадаар дуулавч,  би бол монгол хүн юм
Чиний юу гэх  надд падгүй, би бол монгол хүн
Миний судсаар монгол цус гүйнэ
Өргөн уудам монгол тал минь миний төрсөн нутаг билээ
Нэгэн цагт тэгш өндөрлөгт ногоон байсан тал минь
шар тал болон хувирчээ

2011-10-10

Чингисийн Монгол бүлхэм Аянга удганаар засал хийлгэсэн болон Эзэн Чингис хаантай уулзсан тухайд маш товчхон


Чингисийн Монгол Фэйсбүүк бүлхэм байгуулагдаад 4 сар орчим болж байгаа бөгөөд бид бүхний хамгийн анхны нүүр тулсан уулзалт маань интернэтээр бөөндөө Аянга удгантай уулзан засал хийлгэж, дараа нь Эзэн Чингис хаантайгаа уулзсан явдал байлаа. 

Энэ үйл явдлын тухай тэнд очсон хүн бүр дэлгэрэнгүй бичиж тавих байх. Бүх хүн өөрийн сэтгэгдлээ бичээсэй гэж хүсч байна. Тиймээс би бас Хаантай уулзсан 2 дахь удаагийн уулзалтынхаа сэтгэгдлийн талаар товч өгүүлье.

2011-10-09

Чингисийн Монгол бүлхэм Зүрх Хайрханаа тахив. Фото


Чингисийн Монгол груп үүсгэн байгуулагдаад 4 сарын нүүрийг үзэж байгаа бөгөөд групын хоёрдахь томоохон ажиллагаа болох энэ дэлхийн Хаан уул Зүрх Хайрханыг тахих ёслол 2011.10.09-нд боллоо. Групын эхний үйл ажиллагаа нь Эзэн Чингис хаантай уулзах ёслол байсан бөгөөд нууц ихтэй уулзалт болсон тул дараа тухтай бичнэ ээ.

2011-10-03

Алтан Судрыг үгүйсгэгчдэд сануулах нь


Сорхагтани Бэхи хатан бичиж Хөх Нохой овогтынхон 15 өртөөлөгч дамжуулан амаар уламжлагдаж ирсэн энэ судрыг 15 дахь өртөөлөн цээжлэгч Ж.Нүрзэд агсан Өв Монгол хэлнээс 26 жилийн турших уйгагүй хөдөлмөрөөрөө хөрвүүлэн анх 1999 онд ном болгон хэвлүүлсэн билээ. Энэ номын тухай миний блогт хангалттай тайлбар бий.

Харин саяхан Галаарид гуайн блогоос Энэ ном бол Сорхагтани хатны судар биш худал ном гэж хэлсэн Нагаанбуу гэдэг хүний нийтлэл байхыг олж үзээд ийнхүү нийтлэл бичиж байна. 

Эхлээд тэр нийтлэлийг хүргэе. эх сурвалж: http://galaarid.blogspot.com/2010/03/blog-post.html

2011-09-30

Алтан Дээд ГЭР ИЭ-нээс: Тэмү ЧИН төрсөн түүх ба АЛТАН СУДАР гэж юу вэ?


Алтан Дээд ГЭР ИЭ-нд тэмдэглэснээр Чингис хааныг төрөхөд Тэмүжин нэрийг өгөөгүй харин НЭУИЭдүи ЭН хэмээн нэрийджээ. Харин түүнийг долоон нас хүрэхүйд Тэмү ЧИН хэмээх нэрийг өгсөн ажээ. Алтан Дээд ГЭР ИЭ-нд өв монгол хэлээр энэ тухай бичигдсэнийг Нүрзэд агсан хөрвүүлсэн бөгөөд түүнийг эхлээд хүргэе.

Алтан Дээд Гэрээ ном татаж авах


“ХӨХ МОНГОЛ-ыг нүүдлийн соёлоор бадраах ИХ ЗАСАГ-ийн Алтан дээд ГЭР ИЭ”түүх, соёлын хосгүй үнэт бүтээл, энэхүү амин судрыг гадаадад байгаа Монголчууд болон цаасан хэвлэлээр унших боломжгүй хүмүүст зориулж Тэнгэр Монгол Газар блогоос PDF файл болгон хөрвүүлэн үнэ төлбөргүй түгээж байна. Хөрвүүлэхдээ хуудасны дугаарлалт, өрөлт зэргийг өөрчлөлгүй цаасан номтой яг ижил байдлаар хийсэн бөгөөд зарим нэг газар бага сага форматыг нь янзалсан.

2011-09-27

Алтан Аялгуу хэмээх гайхамшигт номын талаар өгүүлэх нь

Чингис хааны бага хүү Тулуйн эхнэр Сорхагтани Бэхи Хатан 1251 онд Монголын Эзэнт Гүрний 4 дэх их хаан, өөрийн хүү Мөнхийг хаан ширээнд суух ахуйд их хаанд нэгэн зүйл номыг өгсөн нь одоогийн бидний мэдэх АЛТАН АЯЛГУУ юм. Энэхүү номыг 1251-1999 он хүртэлх хугацаанд Хөх Нохой Овогтынхон ам дамжуулан маань мэгзэм мэт өртөөлөн цээжилсээр 15 дахь үеийн өртөөлөгч Журнайн Нүрзэд агсан орчин цагийн Монгол хэлнээ анх буулгажээ. Энэ их нүсэр бөгөөд хүндтэй алба үүргийг 748 жилийн турш тасралтгүй залгуулж энэ амин судрыг өнөөгийн бидэнд хүргэн ирсэн Хөх Нохой Овогтынхон мөн 26 жилийн уйгагүй хөдөлмөрөөр, амь амьдралаа зориулан орчин цагийн Монгол хэлнээ хөрвүүлсэн Нүрзэд агсан тэдний гэр бүлд бүх Монголчууд талархах ёстой.

2011-09-25

Тэнгэр Монгол Газар үгийн тухай /зураг татаж авах/


                                             ТЭНГЭР       ТЭНГЭР       ТЭНГЭР
                                             МОНГОЛ     МОНГОЛ     МОНГОЛ 
                                             ГАЗАР          ГАЗАР          ГАЗАР 

"Энэ үгийг Монголчууд Тэнгэрт хандан хэлж сүсэглэвэл Монголчуудын хйиморь сэргэн, хөх тамга нь идэвхжин босоо заяа эргэн ирнэ".  ЧИНГИС ХААН


Тэнгэр гэж юу вэ?
Тэнгэр гэдэг нь дээр хөхрөгч огторгүй биш бөгөөд Тэнгэр заяа, Тэнгэрлэг Монгол хэмээн Монголчууд бидний ярьдаг Тэнгэр юм. Тэнгэр гэдгийг бүрэн төгс тодорхойлоход нэлээд төвөгтэй. Учир нь Тэнгэр нь Огторгуй, агаар мандлын тэнгэр буюу бидний дээр байгаа хөх тэнгэртэй адилхан зүйл биш бөгөөд тиймээс ч шинжлэх ухаанаар тайлбарлагдахгүй.

2011-09-22

Морин хуур гайхалтай


Морин хуурын гайхамшгийг урьд өмнө нь сайн мэдэрч яваагүй би нээрээ ....... юмаа.

Морин хуур үнэхээр агуу. Гайхамшигтай. Морин хуурын амьд бичлэгүүдээс блогтоо түүвэрлэн оруулж байна. Тэр хуур дарж байгаа хурууны хөдөлгөөн, гарч байгаа авиа, хүн хуур хоёрын нэгдэл, би ч аргагүй юм үзээгүй хүн бололтой.

2011-09-21

Зайран Өлзийхутаг Бөөгийн тухай лекц

Минж Боржигон Батсайханы Баттөгс: Монгол эр хүн хаана байна


Хөвчин дэлхийг сөгдүүлж явсан
Хөх толбот монгол эр хүн хаана байна
Цэлмэг тэнгэртээ сөгдөж мөргөсөн
Цагаан сэтгэлт монгол эр хүн хаана байна
Хазаар даран тэмүүлсэн хатир жороо хүлгийн эзэн
Хамаг монголын минь сүлдэн тэнгэр халх эр хүн та хаана байна

Ойн согоо шиг танхилхан бүсгүйтэй
Оддын доор хайр шивнэлдсэн
Орон монголын минь халуун ураг
Омголон зантай монгол эр хүн та хаана байна

2011-09-20

Gee VS Жонон feat Баяраа - Миний нутгийг надад үлдээ дуу, дууны үг



Үнэн үгтэй сайхан дуу байна. Урлаг хүртэл улс төржөөд утга алга гэж хэний дуунд гардаг билээ дээ. Gee  -ийн дуун дээр ч гардаг байж магад. Харин одоо бол хүмүүс  улс төржих, эх орноо аврахын төлөө өөрийн чадахаараа  тэмцэх хоёрыг ялгаж салгаж ойлгох хэрэгтэй болжээ. Эх орон маань мөхөл сүйрлийн ирмэгт ойрхон байгаа. Олон хүн зүв зүгээр байгаа, угаасаа төгс төгөлдөр нийгэм гэж үгүй Монгол сайхан болно гэж ярьдаг. Бэлэгшээлтэй л хэрэг. Гэтэл бэлэгшээгээд зүгээр сууж байхад чинь харийнхан төрийн эрхийг барьж байгаа цөөн хэсэгтэй нийлж луйвардаад эх орныг чинь цөлмөж байна. Чиний нүдэн дээр Хэвлийгээ ухуулж төнхүүлээд усгүй болж гандаад, цөлжиж дуусаад байгалийн гамшигт биш хүний шуналд нэрвэгдээд Монголын сайхан нутаг хайран боллоо. Бидэнд алт хэрэггүй бидэнд ус хэрэгтэй. Дэлхийн ундны усны цор ганц эх ундарга байдаг Монгол улс хэвлийгээ энэ мэт төнхсөөр байвал удахгүй төрд мөхөөгдөх бус байгальд устгуулах болно. Эх дэлхийн хэвлий биеэ шилгээхэд бэлэн болчихоод зэхэж байгааг анхаарна уу. 

Ц.Батбаяр: Оюутолгойнхон УИХ-ын гишүүдийг “хуц” гэж хэлдэг болж байна шүү дээ



Би блогтоо Оюу Толгойн тухай нийтлэлүүд оруулдаг байсан. Хүмүүс энэ гэрээг олон янзаар ярьдаг. Аль нь үнэн яриад байна, аль нь худал яриад байна, Учир нь олддоггүй. Миний байр энэ дээр тов тодорхой байдаг бөгөөд энэ тухай блогт хангалттай бичигдсэн. 
Ерөнхий сайд нь гарч ирээд нэг юм ярьдаг, Оюу толгойн гэрээ сайн болсон гээл, тэгсэн Оюу Толгой компаниас албан ёсны мэдэгдэл хийгээд тооцоо тоо бодоод манайх тэдэн ажилтантай тэрний тэдэн ширхэг нь Монгол тэд нь гадаад Монгол хүн илүү олон байгаа, бид та нарын төлөө л амьдарч байгаа шүү гэх ухааны юм ярьдаг хэлдэг, гэтэл тэнд байгаа ажилчид нь бас өөр юм хэлдэг. Манай ОТ сайтаар дүүрэн Хятадууд. Монголчуудаас хавьгүй олон ч гэж байх шиг. Тэгээд тэнд ажиллах үнэн дарамттай, яг нэг гадаадын оронд байгаа юм шиг, Монгол хүн жаахан алдаа гарвал халагддаг, хятад хүн зодоон нүдээн хийгээд ч байж л байдаг ч гэж байх шиг. Аль аль нь сонин сонин юм ярина. Алинд нь үнэмших вэ? Тэгээд Оюу толгойг жаахан шүүмжилхээр манай Монголчууд өөрсдөө ашиглаж чадахгүй байж худлаа ярьдийн, манай Монголыг хөгжүүлэх гээд ирчихсэн, Монголдоо хамгийн өндөр цалин өгч байгаа чансаатай газар Оюу Толгойгоос өөр хаана байна, та нар бүү худал ярь, сонгууль дөхөхөөр угаасаа ингэдийн, Оюу толгойн гэрээ өө сэвгүй гэж тас зүтгэнэ.
Ямартай ч олон нийт иймэрхүү ярианаас аль хэдийн залхжээ. Ер нь алинд нь итгэх вэ хүмүүсээ? 
Өөрсдөө тунгаана уу. Миний хувьд Оюу Толгойн тухай тов тодорхой байр суурьтай байдаг. Түүнийг блогоос хайж үзэж болно. Монгол хүн Монгол нутагтаа эзэн нь байж чадахгүй бол энд амьдраад хэрэг алга. Та бүхэн блогийн Толгойнууд гэсэн хэсгээс Оюу Толгойн тухай нийтлэлүүдийг үзэж болно.  Энэ удаа УИХ-ын гишүүн Ц.Батбаярын ярилцлагыг хүргэж байна.

Бодлоо нэг сайхан уудлаатхий


Саяхан нэг танилтайгаа уулзаж жаахан буу халаваа. Би сүүлийн үед бөө судалдаг болоод байгаа гээл, Монголд бөө олноор төрж байгаа тухай тайлбарлаж, Эзэн Чингис хааны улаач бий, хаан хөрстөд бууж ирсэн тэгээд юу юу ярьсан хийснийг бага сага тайлбарлав.

Бөө мэддэггүй хүн нь байтугай бөө шүтлэгтэн, тэр бүү хэл зарим бөө нар өөрсдөө Эзэн Чингис хааны сүнс байдаг, тэр нь хүний биеэр дамжиж хөрстөд заларсан гэхэд юу яриад байгаа юм бэ гэж асуудаг. Тэр заншил ёсоор манай хүн миний ярьсанд итгэсэнгүй, харин инээж байна. Гэхдээ ор тас үгүйсгэж чадсангүй. Учир нь мэдэхгүй юмныхаа талаар дуугүй байсан нь дээр гэдэг миний баримтладаг зарчмыг манай хүн ч бас баримталдаг юм. Тиймээс цаг хугацаа л харуулах байх харж л байя гэдэг байгаа. Би ч гэсэн хараарай, хамтдаа харцгаая гэв.

2011-09-17

ЭЗЭН ЧИНГИС ХААНЫ ЗАРЛИГ





(Тэнгэрийн тамгат бүх Онгод Баатрууд Бөө нарт хандсан)


Хөх Мөнх Тэнгэрийн Хүчин дор
Хөрст Алтан Дэлхийн цээжинд
Хөх Монголын Заяат  үрс
Хөх тамгатан улаачдаа заларсан

Үгэнд ижилдэн
Сэцэн болсон
Илдэнд ижилдэн
Баатар болсон

Үнэнд нэгдэж
Үхэлд ч хамтарсан
Үүрдийн үнэнч Андууд
Үлгэрт  мөнхөрсөн Баатрууд минь

2011-09-13

Амарлин: Цуврал № 1: Цөмийн хаягдлын бизнест хэн хэн оролцож байна вэ?



Оршил үг
Монгол улсад цөмийн хаягдлын бизнес хэрхэн эхэлсэн болоод түүнд ямар эрх мэдэлтнүүд хэрхэн оролцож буй талаар цуврал нийтлэлийн эхний хэсгийг толилуулж байна. Энэ нийтлэлд бичсэн зүйл нь бусдын нэр хүндэд халдах гэсэн зорилго агуулаагүй, харин судалгаанд үндэслэсэн, баримт нотолгоотой мэдээллийг олон нийтэд хүргэхэд чиглэсэн билээ.

Хүндэтгэсэн,
Амарлин
2011-09-05
Эх сурвалж www.sonin.mn

2011-09-11

Үгүйлэн санана нэвтрүүлэг ДИЛОВА ХУТАГТ-ын тухай тусгай дугаар


Энэ нэвтрүүлгийг олон олон хүнд түгээхийг зөвшөөрч бидэнд өгсөн Батцэцэг эгчид талархсанаа илэрхийлье.

Хутагтын заяа буян та биднийг үргэлж ивээг.

2011-09-10

Болдоггүй бор өвгөний үлгэр Олон улсын эрүүгийн шүүхтэй холбогдох нь


Мягмарын Саруул-Эрдэнэ saruulerdene@yahoo.com
МонЦаМэ агентлагийн Вашингтон дахь сурвалжлагч.
Болдоггүй бор өвгөн Болзоотын бор толгой дээрээ мөрөөрөө хонио хариулж яваад гэнэтхэн эрүүгийн болоод иргэний, тэр ч бүү хэл олон улсын хууль эрхзүйн баахан асуудалтай орооцолддог тэр үлгэрийг та бид хүүхдийн уншлага гэж үзэхээсээ илүү хуулийн сурах бичиг гэж ойлгууштай байгаа юм. Ялангуяа тушаал биелүүлсэн, өгсөн энээ тэрээтэй холбоотой хоёр ч томоохон хэрэг анхаарлын төвд байгаа өнөө үед Болдоггүй бор өвгөний үлгэрээс сурах юм их байна даа гэж.
Үлгэрээ бол хөгшин хөвөө, хүүхэд багацуулгүй мэдэх хойно, бүгдийг нь дахин бичээд яахав. Тоймлон хэлэхэд хувийн өмчинд нь халдсан Хурмастын хэрээг өвгөн өөрөө шийтгээдэх сэн, Хурмаст уурлаад нисдэг бор морийг нь ид гээд чоноо явуулж.
“Болдоггүй бор өвгөн үүнийг мэдээд...” гэж байгаа. “Үүнийг мэдээд” гэж айхтар үг шүү. Бор өвгөний талын Элчин сайд энээ тэрээ нь Хурмастынд сууж байсан уу, эсвэл Хурмастын нэг хэрээ нууцлалын зэрэгтэй мэдээлэл алдсан уу, Бор өвгөнд дамжуулсан уу, мэдэхгүй, чухам хэрхэн мэдсэн процедур нь бол үлгэрт байхгүй, ямар ч л байсан Бор өвгөн “үүнийг мэдээд” нисдэг бор морио гэрийнхээ нөгөө талд аргамжчихсан чинь чоно ирээд нисдэггүй бор морийг нь идчихнэ.

Болдоггүй бор өвгөний үлгэр



Энэ үлгэрт Уул усыг хэрхэн тахих тухай нууцлан үлдээсэн ажээ.  Уул усыг хэрхэн Тахих тухай Аянга удганы блогийн Зүрх Хайрхан хаана байдаг вэ нийтлэлийг уншаарай. /Энд дарж уншина уу/  Үлгэрийг толилуулъя.

2011-09-06

“Нарантуул” захын хувцас үнэтэй юм, савхин хүрмээ гамтай өмсөнө дөө



Улаанбаатарт шинээр оюу­тан болж ирсэн хүүх­дүүдтэй уулзлаа. Нэг хүүхэд нутгаасаа хот ирэх зардал, байр сур­гал­тын төлбөр, хувцас хунарт хэдий хэрийн мөнгө зар­даг юм бол. Энэ тухай Увс аймгийн Тэс сумаас "Чингэс хаан" дээд сур­гуульд суралцахаар ирсэн хоёр оюутантай хөөрөлдлөө. Д.Цэнд-Аюуш, Ц.Сэржим нар энэ жил анх удаа Улаанбаатарт хөл тавьж байгаа юм байна.

Д.ЦЭНД-АЮУШ: ДҮҮТЭЙГЭЭ ХУВЦСАА ЭЭЛЖЛЭЭД ӨМСӨНӨ

-Хотод ирээд хэд хонож бай­на. Ямар унаагаар ирэв?

-Наймдугаар сарын 28-нд ир­сэн. Манай сум Улаанбаатараас 1024км зайтай. Аймгийн төвөөс жижиг машинд 60 мянган төгрөг төлж ирсэн. Жижиг машин хоёр хоног явж ирсэн.

-Ээж, аав нь хамт ирсэн үү?

-Хотод байдаг төрлийнхөө хү­нийг дагаад ирсэн. Ээж, аавд хүргэж өгөх санаа байсан ч хол болохоор зардал мөнгөнөөс эх­лээд хүндрэлтэй учраас энэ удаа ирж чадаагүй.

ГУРВАН ҮХРЭЭ ЛУЙВАРЧИНД АЛДААД НЭГИЙГ НЬ ХУДАЛДАН АВАХ БОЛСОНДОО БАЯСАН ХӨӨРСӨН ТЭНЭГИЙН ҮЛГЭР



Оюутолгойн орд газар Эрдэнэтээс 6 дахин том орд юм. Оюутолгойн зэсийн нөөц 45 сая тонн бол Эрдэнэтийнх 7 сая тонн юм. Дээр нь Оюутолгой 1800 тонн алттай, 12000 тонн мөнгөтэй. Тэгэхээр Оюутолгой зэсээрээ 6 Эрдэнэт, алтаараа 40 Бороо, Мөнгөөрөө 4 Асгаттай тэнцэнэ. Өөрөөр хэлбэл 6 Эрдэнэт+40 Бороо+4 Асгатыг нийлүүлсэнтэй тэнцэх тийм их баялгаа(600 тэрбум доллар) гадныханд сул тавиад туучихлаа. 

Аянга удганы тухай


Аянга удганы тухай надаас асуусан хүмүүст болон Хөх Монголчуудад зориулав.

Би блог дээрээ Аянга удганы тухай нэлээд олон бичлэг тавьсан. Их Эзэн Чингис хаан болоод Аттила хаан бусад өндөр өвөг дээдсүүд, мөн 101 тэнгэрийг биедээ буулгадаг энэхүү улаачтай би өөрийн биеэр уулзсан тул ийнхүү блогоороо дамжуулж үнэнийг олон хүнд хүргэхийг хичээж байгаа билээ.

2011-09-05

Аянга удганы блогоос: “ГАЛ ҮНДЭСТЭН ХОЛБОО” тухай дурсамж, Сүнсний тухай


Бусад сонирхолтой нийтлэлүүдийг Аянга удганы блогоос уншина уу.


Хаан болон Дээдсүүд уул ус, гол мөрнөө хэмээн биеэ чилээн тэмцэх Морьтонгуудад үнэхээр сэтгэл хангалуун байсныг тэмдэглэх нь зүйтэй. Анх тэднийг олж уулзсан тухайгаа би өмнө нь бичиж байсан.

Аянга удганы блогоос: Монгол Залуучууддаа




Өнөөдөр facebook рүүгээ нэг шагайх зав гарлаа. Олон найз нэмэгдчихсэн байдаг байна шүү. Гайхмаар ч юм шиг, сонин ч юм шиг. Хүн бүр бодол санаагаараа нэгдээд л дугуй дугуйгаа олж нийлээд л ер аятайхан. Санаа нийлээд сайхан өнхөрч, холоос хол ойж буугаад л сэтгэл санаа ч таатай.

2011-09-04

Эзэн би эргэн ирлээ Чингис хааны айлтгал номын зурагнаас

Буултын дараа тэнгэрийн гэрэл бүр тод ирж буусан зураг
"Эзэн би эргэн ирлээ Чингис хааны айлтгал" номын зурагнуудаас толилуулж байна.  Энэхүү ном тун удахгүй цаасаар хэвлэгдэх бөгөөд онлайн хувилбарыг үнэ төлбөргүйгээр энд дарж унших боломжтой.

Мөн Аянга удганы өргөөний зургийг миний фэйсбүүкээс үзэж болно.

Аянга удганы блогооос: Улаач болсон охины дурсгалд


За надаас бөөгийн талаар асуусан хүмүүс энэ бичлэгийг уншаарай. Аянга удганы блог http://www.chinggis-udgan.blogspot.com дээр энэ бичлэг нийтлэгдсэнийг хүргэж байна. Мөн энэ блогоос бөөгийн талаар сонирхон судлагч, бөө болох гэж байгаа хүмүүс, мөн шинэ залуу бөө нар их зүйлийг мэдэж авах байх гэж найдаж байна.

2011-09-03

Бөөгийн тухай



Бөө гэж юу вэ? Ямар учиртай юу хийдэг хүн бэ? Энэ сэдвийг уг нь би нэлээд бэлдэж байж, дараа тухтайхан бичье дээ гэж бодож байсан юм. Гэтэл бөөгийн талаар надаас асуух хүмүүс олширч, бас тэдгээр хүмүүсийн ойлголт нэг л биш санагдаад байгаа учраас өөрийн мэдсэн сонссоноосоо даруйхан блогтоо бичиж хүмүүст хүргэхээр шийдлээ.

Dream Life хамтлаг: Дөрвөн голын Уянга, Охидын Уянга


Маш их таалагдав. Ардын дуунуудыг залуу өнгө аястайгаар дуулжээ. "Очирваань Уул" урлагийн холбооны Dream Life хамтлаг.

2011-09-02

Анхаар! Бидний дэргэд манъякууд өндийж эхэллээ…



Хуучнаар "Хангай” зочид буудлын эзэнгүй барилгад нэгэн бүлэглэлийн цуглаан болно гэсэн сургаар очив. Энэ бол зүгээр нэг бүлэглэл биш. Хачин этгээд зан үйлтэй, тусгай гишүүнчлэлтэй, дотроо зэрэг дэвтэй гэж танил маань хэлсэн болохоор сонирхсон хэрэг. Түүний хэлснээр бол Улаанбаатарт үүнтэй төстэй 20 гаруй бүлэглэл байдаг гэнэ.

2011-09-01

C.Жавхлан "Монголоо гэх хүмүүн хэрэгтэй"


Дуучин С.Жавхлангийн Монголоо гэх хүмүүн хэрэгтэй дууг хүргэж байна. Жавхлан сүүлийн үед нийгмийн сэдэвтэй дуу их дуулах болсон. Нэг удаа сонгуульд өрсөлдөөд ялагдсандаа шаралхаж элдэв юм дуулж байна, дахиад үзэх нь энэ муу, эсвэл зүгээр л дуугаа дуулаад хэвтэж байхгүй дээ, эсгий хийх газар нохой хэрэггүй гэх мэтээр Жавхланг ад үздэг хүн цөөнгүй. Ер нь урлаг хүртэл улс төржөөд иймэрхүү илүү юмнууд хэрэггүй ээ гэж олон хүн ярьдаг. 

2011-08-24

“Зөн билгийн тулаан” нэвтрүүлгийн шинжээч Михаил Виноградов: Хүн хувь тавилангаа өөрөө л өөрчилж чадна


Хүн хувьтавилангаа өөрөө л өөрчилж чадна
Сэтгэлзүйч, “ Зөн билгийн тулаан” нэвтрүүлгийн шинжээч Михаил Виноградов Аюулаас хамгаалах системд гоц мэдрэхүйн асуудлыг олон жил хариуцаж ирсэн туршлагатай нэгэн. Тэрээр гоц мэдрэхүйн асуудал нь ид шид гэдэг ойлголтоос ангид авч үзэх ёстой бодит зүйл гэсэн итгэл үнэмшлээр асуудалд ханддаг нэгэн билээ.

Шидтэнүүдтэй учраад үнэнийг ухаарсан түүх Б.Галаарид ("Гэрэлт Цалиг" сонин)



Болгарын алдарт үзмэрч Вангаг амьд сэрүүн ахуйд Оросын академич Наталья Бехтерева түүнийг гоц чадварын учрыг олох шинжлэх ухааны зорилготойгоор очжээ.

Б.Ундрах: Бидний сүнс биеэсээ салдаг уу?



Миний найз бүсгүй маш их мэдрэмжтэй бүсгүй байдаг юм л даа. Болох гэж байгаа зарим нэг зүйлийг урьдчилан мэдэхээс гадна яавал урьдчилан сэргийлэх талаар бас мэддэг.

Түүний зүүдэнд хэн нэгэн хүн ирж бүгдийг хэлж өгдөг гэсэн.Харин нэг удаа би гадагшаа явах гээд байж байтал найз маань залгаад:

А.Эрдэнэбат: Зэв Сүбээдэй нарын гайхамшигт аян дайн



Энэ бол одоо болтол бүх л үеийн цэрэг дайны түүхэнд гарч байгаагүй асар том бөгөөд итгэхийн аргагүй аян байсан гэж цэргийн түүхчид санал нэгдэн дуу алддаг ажээ. Чухамхүү энэхүү сэтгэлд багтмааргүй аян л Ертөнцийг байлдан дагуулагчын өөрийн хийж хэрэгжүүлсэн олон аян дайнаас илүүтэйгээр Монголын морьт цэргүүд хаана ч хүрч очдог хэзээ ч ялагдашгүй байдаг тухай үлгэр домог мэт санаа бодол, хэл яриа үүсэхэд нөлөөлжээ. 

2011-07-26

http://habulhaan.blog.banjig.net: Бөөгийн онгодтой хөөрөлдсөн нь


Бөөгийн онгодтой хөөрөлдсөн нь
Бөө мөргөлийн галын тахилга, өндөр тайх зэрэг зан үйл дээр үр хойчсоо тэтгэж буугаад мордсон олон омгийн онгодуудын ярьсан бүхнээс өөрт сонин содон гэж санагдсан зарим зүйлийг өмнө нь оруулж блогийнхоо уншигчдад сонирхуулж байснаасаа дахин эмхэтгэв.

 (Хиад онгод) Хаадын маань зүс царай ямар байсан юм бол доо?

Алтан ширээт хаан Бату баруун хөмсөг нь тасархай байсан, Чингис хааны нүд нь ирвэсийнх адил доошоо нумарсан хэлбэртэй, эрүүндээ ямаан сахалтай, Модун Чинму харин  мантгардуу тарган нүүртэй байсан. (цаасан дээр зурж үзүүлэв).

А.Бодь: Солонгосын Мүүнийхэн залуусын тархийг угааж, охидыг харийхантай гэрлүүлсээр байна



Монгол Улсад гадаадын олон шашны байгууллага үйл ажиллагаа явуулдаг. Тэдний нэг нь нь Хангуг улсаас гаралтай “Эв нэгдлийн Монголын сүм” юм. Энэ байгууллага залуусын тархийг угаан гудамжинд бараа заруулж, охид бүсгүйчүүдийг харийнхантай гэрлүүлсээр олон жилийн нүүрийг үзжээ. Энэ байгууллагын тухай дэлгэрэнгүй өгүүлье.
Тус шашин 1994 онд Монголд орж ирсэн бөгөөд “Эв нэгдлийн Монголын сүм” нь 2000 онд Нийслэлийн иргэдийн хурлын 115 дугаар тогтоолоор шашны үйл ажиллагаа явуулах зөвшөөрөл авч байжээ.

2011-07-25

А.Энхбат: БӨӨ МӨРГӨЛ БА БӨӨГИЙН ШАШИН

                               

                           Бөө бөөгийн бөөлөх нэг ондоо 
                                Бүжин туулайн шогших нэг ондоо ...  
                                    (Монгол ардын зүйр үг )

Бүхий л шүтлэг мөргөл, шашин үүсэхийн эх үндэс нь хүний айдас байж болох талтай. Балар эрт үеэс эхлэн хүмүүс байгалийн элдэв үзэгдэл, гамшгаас айн сүрдэж, түүнийгээ далдын сүр хүчтэй холбон гайхан биширч, шүтэж эхэлжээ. Ингэх шалтгаан нь тэдгээр нь хүний хамгийн их айдаг үхэлд хүргэж байсан явдал юм. Хэрэв байгалийн догшин ширүүн үзэгдэл, хүнд гэм хор хүргэдэггүй бол түүнээс айж бишрэх хэрэг юун.     

Чингис хаантай хөөрөлдсөн минь 1-р хэсэг


Миний блогт зочилж энэхүү бичлэгийг унших гэж байгаа таны амар мэндийг эрэн мэндчилье. Чингис хаантай хөөрөлдсөн минь гэдэг энэхүү нийтлэлийг уншихаасаа өмнө миний хэлэх хэдэн үгийг сонсож болгооно уу. 

2011-07-24

О.Шүрэнцэцэг: Зорчоод байна уу зовоод байна уу


Нийслэлийн 1.2 сая иргэний нэг болох миний бие өвлийн утаанд тамирдсан уушгиа зуны дэлгэр цагт түр ч атугай амраагаад авах санаатай хотын зах руу нүүлээ. Энд хувийн өмч нийтийн эзэмшил хоёр хоорондоо хашааны хаалгаар хиллэнэ. 
Дээшээ буц