Морин хуур гайхалтай

Морин хуурын гайхамшгийг урьд өмнө нь сайн мэдэрч яваагүй би нээрээ ....... юмаа.

Морин хуур үнэхээр агуу. Гайхамшигтай. Морин хуурын амьд бичлэгүүдээс блогтоо түүвэрлэн оруулж байна. Тэр хуур дарж байгаа хурууны хөдөлгөөн, гарч байгаа авиа, хүн хуур хоёрын нэгдэл, би ч аргагүй юм үзээгүй хүн бололтой.

Share

Минж Боржигон Батсайханы Баттөгс: Монгол эр хүн хаана байна

Хөвчин дэлхийг сөгдүүлж явсан
Хөх толбот монгол эр хүн хаана байна
Цэлмэг тэнгэртээ сөгдөж мөргөсөн
Цагаан сэтгэлт монгол эр хүн хаана байна

Хазаар даран тэмүүлсэн хатир жороо хүлгийн эзэн
Хамаг монголын минь сүлдэн тэнгэр халх эр хүн та хаана байна

Ойн согоо шиг танхилхан бүсгүйтэй
Оддын доор хайр шивнэлдсэн
Орон монголын минь халуун ураг
Омголон зантай монгол эр хүн та хаана байна

Share

Gee VS Жонон feat Баяраа - Миний нутгийг надад үлдээ дуу, дууны үг

Үнэн үгтэй сайхан дуу байна. Урлаг хүртэл улс төржөөд утга алга гэж хэний дуунд гардаг билээ дээ. Gee  -ийн дуун дээр ч гардаг байж магад. Харин одоо бол хүмүүс  улс төржих, эх орноо аврахын төлөө өөрийн чадахаараа  тэмцэх хоёрыг ялгаж салгаж ойлгох хэрэгтэй болжээ. Эх орон маань мөхөл сүйрлийн ирмэгт ойрхон байгаа. Олон хүн зүв зүгээр байгаа, угаасаа төгс төгөлдөр нийгэм гэж үгүй Монгол сайхан болно гэж ярьдаг. Бэлэгшээлтэй л хэрэг. Гэтэл бэлэгшээгээд зүгээр сууж байхад чинь харийнхан төрийн эрхийг барьж байгаа цөөн хэсэгтэй нийлж луйвардаад эх орныг чинь цөлмөж байна. Чиний нүдэн дээр Хэвлийгээ ухуулж төнхүүлээд усгүй болж гандаад, цөлжиж дуусаад байгалийн гамшигт биш хүний шуналд нэрвэгдээд Монголын сайхан нутаг хайран боллоо. Бидэнд алт хэрэггүй бидэнд ус хэрэгтэй. Дэлхийн ундны усны цор ганц эх ундарга байдаг Монгол улс хэвлийгээ энэ мэт төнхсөөр байвал удахгүй төрд мөхөөгдөх бус байгальд устгуулах болно. Эх дэлхийн хэвлий биеэ шилгээхэд бэлэн болчихоод зэхэж байгааг анхаарна уу. 

Share

Үгүйлэн санана нэвтрүүлэг ДИЛОВА ХУТАГТ-ын тухай тусгай дугаар

Энэ нэвтрүүлгийг олон олон хүнд түгээхийг зөвшөөрч бидэнд өгсөн Батцэцэг эгчид талархсанаа илэрхийлье.

Хутагтын заяа буян та биднийг үргэлж ивээг.

Share

C.Жавхлан "Монголоо гэх хүмүүн хэрэгтэй"

Дуучин С.Жавхлангийн Монголоо гэх хүмүүн хэрэгтэй дууг хүргэж байна. Жавхлан сүүлийн үед нийгмийн сэдэвтэй дуу их дуулах болсон. Нэг удаа сонгуульд өрсөлдөөд ялагдсандаа шаралхаж элдэв юм дуулж байна, дахиад үзэх нь энэ муу, эсвэл зүгээр л дуугаа дуулаад хэвтэж байхгүй дээ, эсгий хийх газар нохой хэрэггүй гэх мэтээр Жавхланг ад үздэг хүн цөөнгүй. Ер нь урлаг хүртэл улс төржөөд иймэрхүү илүү юмнууд хэрэггүй ээ гэж олон хүн ярьдаг. 

Share

Монгол охид ”бослого” гаргалаа

Философийн ухааны доктор Б.Батчулуун:  Монгол охид ”бослого” гаргалаа

Ийв Энслерийн “Үтрээний хүүрнэл” жүжгийг Монголд тавив

Либертари лекц, яриа, арга хэмжээ бүр дээр байнга тааралдаж байдаг нэгэн залуу анд маань жүжиг үзэх санал тавив. Тэгээд уг жүжгийг үзлээ. Үнэхээр таашаал авлаа. Гайхалтай жүжиг байв. Жүжиг ч биш, хүүрнэлүүд юм даа. Монголын залуучууд боловсролтой ч болж байна, өөрийн гэсэн бодолтой ч болж. Бас зоригтой ч болж байгаа юм байна. Энэ жүжигт тоглосон хэдэн охин бол яах аргагүй шинэ нийгмийн бүтээгдэхүүн мөн. Би тэднийг зөвхөн феминистүүд гэмээргүй байна. Эд бол эрх чөлөөний дуучид. Санаа минь амарч, урам минь сэргэлээ. Хойч ирээдүй маань бэлтгэгдэж байна! Залуучууд маань бүгдээрээ “нам дагаж намирсан улаан, цэнхэр, ногоон тугнууд” болчхоогүй ажээ. 

Феминизм Монголд ороод иржээ

Ноднин өдий хэрд шиг санаж байна. МУИС-ийн Философийн салбарыг төгссөн гурван шавь маань хэдэн эмэгтэйтэй нийлж Симонэ дэ Боуварийн Дайвар хүйстэн номыг монгол хэл­нээ хөрвүүлсэн. Францын экзистенциалист, Но­бе­лийн шагналт философич Ж.П.Сартрийн “эх­нэр”, түүхэн дэх “банзалтай суутнуудын” нэг, фило­софич Симонэ дэ Боувар нь энэ бүтээлдээ эмэгтэйчүүдийн эрхийг философи, социологи, эрх зүй, түүх-угсаатны зүй гээд хүмүүнлэг болон нийгмийн олон ухааны үүднээс маш үндэслэлтэй хамгаалсан юм. Эмэгтэйчүүдийн эрхийн төлөө тэмцэл дэх нэгэн гайхамшигт үзэгдэл болсон энэ номыг орчуулснаар Монголын феминистүүд онолын маш бат бэх суурьтай болж авсан билээ. Үүгээр л тэрхүү бүтээлийг монголчилсон хүмүү­сийн хөдөлмөр үнэлэгдэнэ.

Share

Одко. Би явлаа /шүлэг, сонсох, татах/

Бичсэн: Одко

Намайгаа уучлаарай чи минь, би явлаа

Үнэнч сэтгэлийн чинь тэр хайрыг 

Үзэн ядалт болгон хувиргамааргүй байна

Үнэхээр надад хицүү байсан ч 

Үнэндээ өөр арга даанч алга

Хэн ч хүрээгүй ариухан чамайгаа

Хэнздүүлж орхиод би явлаа ч

Хэнийх ч болоогүй цэцэгхэн чамайгаа

Хэнэггүйхэн тасалж яасан ч би зүрхлэхгүй

Дундуураа дүүргэх гэж хүмүүс бие биендээ дурладаг ч гэлээ

Дутуугаа нөхөх гэж хүмүүс нэг нэгнээ хайрладаг ч гэлээ

Сэтгэлийг чинь зугаа болгож даанч би зүрхлэхгүй нь

Хайрыг чинь тоглоом болгож даанч би чадахгүй нь

Share

А Sound Толгойтынхон дууны үг /Үзэл бодлоо урлагаар илэрхийлэх нэгэн тод жишээ/

Бичсэн: Б.Мөнхгэрэл

Үзэл бодлоо тэр тусмаа нийгэм, улс төрийн талаар үзэл бодлоо илэрхийлэх хэлбэр маш олон янз байдаг. Зурагтаар аймаар юм ярих, талбай дээр очиж жагсах, өлсгөлөн зарлаж сүрдүүлэх, хэн нэгнийг хар шар, өдөр тутмын сонин, вэб сайт энэ тэрээр муулж, магтаж, гүтгэж бичих гээл. Мөн үзэл бодлоо урлагаар илэрхийлэх хэлбэр ч байдаг бөгөөд үүний хамгийн тодхон жишээнүүдийн нэг хип хопыг анх харууд чухам өөрсдийн үзэл бодлоо л илэрхийлэхийн тулд бий болгож хөгжүүлсэн гэж үздэг. Тэгвэл Монголд үзэл бодлоо урлагаар илэрхийлж байгаа жишээ олныг хэлж болно. Ялангуяа Хип Хопчууд аль дээрээс л үзэл бодлоо урлагаар илэрхийлсэн ирсэн бөгөөд үүнд: Ice top, Digital, Repper Gee, Quiza гээл нэрлээд байвал зөндөөг хэлж болно, тэд нарын юу дуулдгийг та бид бас мэднэ. 

Тэгвэл А Sound хамтлагийн Толгойтынхон гэдэг дуу үзэл бодлоо бас чимээгүйхээн илэрхийлээд авсан бүтээл юмуу гэж би хараад байгаа. Анх сонсоод Толгойтынхон гэхээр нь Улаанбаатарын гэр хороолол Толгойт маань санаанд орж байтал сонсоод байсан өөр утга агуулгатай ажээ. Монголчуудын хуйларч, шуураад байгаа Оюу Толгой, Таван Толгойн талаар энэ дуундаа өгүүлсөн байна. Тиймээс зүгээр л дууны үгийг нь хүргэж байна. Сайн тунгааж бодоод өөр өөрсдийн дүгнэлтээ хийнэ биз дээ.

Share