Бидний үе ийм л байв.

Энэ зурган дээрээс намайг олсон хүнд шагналтай!!! 

Бидний үе ийм л байлаа шүү дээ. Номын сайн нөхөр гээд шалгаруулдаг байж дээ. Тухайн үед ном уншихаас өөр цаг нөхцөөчих юм алга байж. Одоо бол фэйсбүүк, юутүүб, гүүгл гээд л компьютерийн ард уяатай байдаг болсон байна.

Share

Зүгээр л хайрлая

Зүгээр л хайрлая...

Энхрий бүсгүйчүүдийг хайрлая
Элдэв шунал, хүсэлгүйгээр хайрлая
Эмзэг турьхан бие, сэтгэлийг нь хайрлая
Эр хүний зүрх сэтгэлээр хайрлая

Зүгээр л сэтгэлээсээ хайрлая
Зүүсгэл гоёлтой нь хайрлая
Эгэл даруухнаар хайрлая
Эр хүний зүрх сэтгэлээр хайрлая

Share

Хэрвээ та улаач бол? Асуулт хариулт, ярилцлга

Фэйсбүүк дээр ийм асуултууд үлдээсэн Буянжаргал Санжаад талархвал зохих байна. Үнэхээр чухал асуултууд байна. Эдгээр асуултуудад өөрийн бодлоор хариулъя.

Хэрвээ та улаач бол анх хэзээ ямар шинж тэмдэгээр мэдрэгдсэн бэ?
Улаач болох хүнд “Угтай” байх шинж олон янзаар илэрдэг бөгөөд эдгээр шинжүүдийг ажиглаад байхад “Нийтлэг болон Онцгой шинж тэмдэг гэж 2 хувааж үзэж болох юм. Нийтлэг шинж нь Бөө болох хүн бүрт ижил төсөөтэй байдлаар илрэх ба онош нь тодорхойгүйгээр өвдөх зовох, хий зүйл харах, сонсох, зүүд нойр сонин болох г.м байж болох бол Онцгой шинж тэмдэг нь зөвхөн тухайн улаачид буюу Удмын Буурлуудын өөрийн үрсээ хэрхэн шахаж ойлгуулж буй арга барилууд байна.

Share

Зэрэгцээ ертөнцийн угсаатан

Зэрэгцээ ертөнцийн угсаатан

Шинэ Гвинейн ширэнгэн ойд манай болон зэрэгцээ ертөнцөд нэгэн зэрэг амьдарч байгаа юм уу гэмээр гайхалтай ард түмэн байдаг ажээ. Оолуг омгийн хүмүүсийн ярьж байгаагаар бол тэд ямар нэгэн дэмжих зайнд унадаг бөгөөд тэнд мөнхийн харанхуйд мангасууд оршиж байдаг аж. Өөрөөр хэлбэл тэд сүүдрийн орон руу орчихдог гэнэ.

Share

Зарим нэг зүйр цэцэн үгсийн тухайд

Монгол Ардын зүйр цэцэн үгс, хүмүүс ишлэл болгон хэрэглэдэг яг хаанаас үүссэнийг нь мэдэхгүй үгс бидний хэрэглээнд нэлээд байдаг. Зарим зүйр үгийн утга учрыг нь ч сайн мэдэхгүй байж бид анх үүссэнээс өөрөөр, буруугаар хэрэглэдэг бололтой. Жнь:

"Эмс садарлавал улс мөхнө"

"Төр ариун байхыг түшмэл мэдтүгэй

Цус ариун байхыг эмс мэдтүгэй"

Энэ үгсийг сонсоод Удмын минь буурал ихэд хилэгнэв. Хэзээ гарч ирсэн, Хаанаас үүсэн үг болохыг олж мэдээд язгуур гарвалаар нь хөөж тунгааж бод гэв.

Share

Хүмүүн ямар үйлтэй төрдөг вэ?

Хүмүүн ямар үйлтэй төрдөг вэ?

Хөрстөд мэндлэх хүмүүн бүр үйлтэй байдаг.
Эхээс мэндлэхдээ нэгэн сүнсийг тээж
Энэ замбативд даалгавартай ирдэг
Зорилгогүй ирээд зоргоороо буцах нь үгүй.

Хорвоод мэндлэх үрсээс
Өмнөх насны үрээ гүйцээгүй бол
Түүнээ гүйцээхээр төрөх нэгэн байхад
Оноогдсон үүргээ хийх цаг нь болоод
Заяагдсан үрсүүд бас бий

Share

Хайр ба Дурын тухай

Эх нутгаа хайрлах хүмүүний хайр

Эжий Аав эцэг өвгөдөө хайрлах хүүгийн хайр

Эхнэр, нөхөр биенээ хайрлах ханийн хайр

Энхрий үрсээ хайрлах эцэг эхийн нандин хайр

Энэ бүгд эгэлгүй нандин Ариун Хайрууд

Хайр ба Дурын тухай

Хайр бүхэн ариун байдаг гэнэ ээ. Хайранд хар цагаан, сайхан муухай, буруу зөв, үнэтэй үнэгүй, том жижиг гэж байдаггүй гэнэ. Хайр бол хайр л байдаг, Хамгаас нандин ариун байдаг гэнэм.

Харин дурлал бол Хайр биш ажээ. Учир нь Дурлал бүр Хайр шиг ариун биш гэнээ. Дур бүхэн хайр шиг зөв биш гэнэ бас. Хар дур, буруу дур, урт дур гэж байдаг бөгөөд хажуугаар нь бас зөв дур яахав байдаг л гэнэ. Гэхдээ Хайр шиг хэзээд ариун байдаггүй гэнэ энэ Дур. 

Share

Сэв, Аз, Эрдэм

Сэв

Биеийн сэв, Бодлын сэв гэж бий.

Бодол бурууд хөтлөгдвөөс бодлын сэв үүснэ
Бодлын сэв угжирваас биеийн сэв болох болой
Биеийн сэвээ гээхгүй удваас
Бодол буцаад сэвтэнэ

Энэ 2 сэв нэг нь нөгөөгөө нөхцөлдүүлж байна.

Бодлын сэв хэмээх нь

Бурууд дурлаж Урууд татагдан
Бусдад атаархаж бурууг бодох аваас
Биеэ эс захирч билэг оюунаа гээх аваас
Дураа татаж дуршлаа захирч эс чадваас
Хар мууг сэтгэж Хардах сэтгэлээ эс дарваас
Бодлын сэв үүсэх болой.
Бодлын сэв нь бас хүний эрчмийг барах буюу.

Биеийн сэв нь

Хүний махан биеийг бүрхэж байдаг
Хүрдэн эрдэнийг гэмтээх ажгуу
Эрч хэм алдагдаж
Илч хэм барагдаж
Махан бодийн гэрлэн хүрээ гэмтсэнийг
Биеийн сэв хэмээж болмой.

Сэвээ гээх аргууд болвоос:

Бодлын сэвийг гээхдээ

Бодох бодлоо цэгнэж
Буруу зөвийг дэнсэлж
Үнэн учгийг нь тунгааж
Үр тусыг нь бодно
Бурууг давраахгүй
Зөвийг дарахгүй
Оюун бодлоо тэнцүүлж
Огших сэтгэлээ захирч сурваас
Оюун бодолд сэв тогтох нь үгүй
Түүнийг хялбар гээж болох буюу.

Биеийн сэвийг гээхдээ
Энэ биеийн эрчмийг тэтгэж
Эл бодь биеэ хөдөлгөж
Эрчлэн эргэлдүүлж
Дэвхцэн бүжиж
Их хэмээр шахах буюу.

Агаар цэврийг шилж
Хээр хангайд гарч
Биеэ сэгсэрч
Хөрсөндөө хөрвөөвөөс
Багахан сэвийг торохгүй гээж болно.

Сэвийг 9 учгаар тайлж, тайлбарлаж 9 учгаар засаж залруулж болохыг тунгаатугай.
Өөрсдөө бодоход болно.

Аз

Зүгээр суугаад хүлээх нэгнийг Аз олохгүй
Зүтгэл гаргаж хичээх нэгнийг Аз өөрөө олно
Эзэн хичээвээс Заяа хичээнэ гэдэгтэй ижил бус уу.

Эрдэм

Эрдэм хэмээхийг
Үгийн учгаар тунгааваас
Эр Дэм болох буюу

Эр гэдэг нь Эрэх, Хайх гэсэн үг бол
Дэм гэдэг нь дэмнэнэ туслана гэсэн үг
Дэмч хэмээн сударт өгүүлдэг билээ

Эрсэн, Хайсан зүйлээ
Эргээд түмэндээ түгээхийг
Олсон мэдсэн бүхнээ
Олз болгон хүртэхийг

Хураасан цуглуулсан бүхэн
Хур болон шингэхийг
Суралцсан мэдсэн бүхэн
Сурц болон үлдэхийг

Ойлгосон мэдсэн бүхэн
Оюунд хадагдан үлдэхийг
Ур болгон гаргаж
Дүй болгон эвлүүлж
Чадвар болгон төлөвшүүлж
Хэрэглэж, үрийг үзэхийг хэлнэ.

Ур дүй болгон шингээж
Урлахуй болгон хөгжүүлж
Өөртээ эзэмшүүлж
Өрөөлд түгээхийг хэлнэ.

Эрсэн зүйлээ
Дэм болгон хэрэглэж чадваас
Эр Дэм болох бус уу

Эр Дэм хэмээхийг 9 учгаар тайлж тайлбарлаж болно.

Share

ЦӨМГҮЙ ИРЭЭДҮЙН ТӨЛӨӨ ХАМТДАА

ЦӨМГҮЙ ИРЭЭДҮЙН ТӨЛӨӨ ХАМТДАА

Манай хуудсыг уншиж, харж байгаа бүх Монголчуудынхаа амар мэндийг айлтгаж байна. Бидний эх орон Монголд Уран олборлох, Цөмийн хаягдал булшлахын эсрэг дуу хоолойгоо нэгтэж  "ЦӨМИЙН ХАЯГДАЛ, ЭСЭРГҮҮЦЭЖ БАЙНА" уриа бүхий "шар тууз"-ыг өөрийн зургандаа наан бидэнд илгээсэн бүх хүмүүст талархлаа.

Share

Угны тухай

Угны тухай

Уг гэж юу вэ? Товчоор хэлэхэд Бөө болох ёстой хүнийг угтай хүн гээд ойлгочихвол амар. Уг нь нарийн ярьвал угтай уггүй гэж ярьдаг нь утгын хувьд буруу гэж би боддог. "Уг" гэж ярьвал хүн бүр л угтай, удамтай, ааваас үүсэж ээжээс мэндэлсэн нь тодорхой. Хуруу шилнээс төрөөгүй л бол. Аав ээж нь бас аавтай ээжтэй тэд нь бас аавтай ээжтэй гээд л яваад байвал хүн бүр өөрийн гэсэн удам судартай, эцэг өвгөдтэй билээ.

Share

Дурсамж. Зураг түүх өгүүлнэ.

Харахад энгийн л нэг зураг. Цас бас хол харагдаж байгаа нэг хүн. Нэг их сайн нягтралтай ч зураг биш. Гэтэл ой дурсамжаа сөхөөд учгийг тодруулаад санахад их л дурсгалтай, тэр үеийн болж байсан явдлууд эргэн тодроод сэтгэлд дулаахан зураг санагдав.

Share

Үхлийн тухай

Үхэл гэдэг өнгөрөгсдөд бус үлдэгсдэд илүү аймшигтай зүйл. Нэгэн филофичийн хэлсэн үг.

Өмнө нь Үхлээс би их айдаг байлаа. Хэзээ нэгэн цагт бид бүгдээрээ үхнэ, хүн мөнх насалдаггүй. Би хэзээ үхэх бол, Миний хайртай хүн, ээж аав маань үхнэ гэж бодохоор л гол харлаад явчихдаг байлаа.

Харин Философийн ном уншиж байгаад энэ дэвтрийн хавтасны хамгийн дээрх үгийг олж хараад эндээ тэмдэглэн бичээд түүнээс хойш үхлээс айхаа больсон.

Share

Хорт ургамлуудаас сэрэмжлүүлэх нь:

Хүн бүр аавтай ээжтэй, бас эмээ өвөөтэй. Эмээ өвөө нар бас л аав ээжтэй, эцэг өвгөдтэй удам судартай. Хүн бүр газраас ургаж Тэнгэрээс уначихаагүй л бол хэн нэгнээс төрж, ямар нэг хүний үргэлжлэл удам угсаа болж, аль нэг удам, овог, отгийн залгамж байдаг. Бөө бол тэр удам судраа, Өвөг Дээдсээ шүтэх, ухааныг нь уламжлах, залгамжлах, дээдлэн хүндэтгэх үзэл, шүтлэг бишрэл юм.

Share

З. Сүхээ: Монгол улсын хошин шогынхонд

Монгол улсын хошин шогынхонд

Би бол Өвөрмонголын энгийн нэгэн эмч хүн юм. Хүмүүний бие махбодыг зовоодог өвчин зовлонг эмчлэх тангарагтай хүн. Миний хувьд уран бүтээлч урлагын хүнийг бол оюун санааны эмч гэж үздэг. Одоо хүмүүс оюун санааны хүнд өвчинд нэрвэгдсэн, шуналын сэтгэл, хувиа хичээх сэтгэл, атхаг дүүрсэн энэхүү цөвүүн цагт урлагынханы дуу хоолой бол ард түмний оюун санааны өвчнийг засах эм байх ёстой гэж бодож явдаг. 

Share

Хатан Ноён Үрийн заяаг тэгшлэх Хас Их Тахилга ХарХорин хотноо болов

Хатан Ноён Үрийн заяаг тэгшлэх Хас Их Тахилга ХарХорин хотноо болов

Гэрлийн Өргөөнөөс 2013 оны 5 сарын 18-ны өдөр Их Монгол Улсын эртний нийслэл Хархорин хотноо /Өвөрхангай Хархорин-д/ “Хатан Ноён Үрийн заяаг тэгшлэх Хас Их Тахилга”-ыг үйлдлээ. Тахилгын зорилго, үр дүнгийн талаар Хар Соно зайрангийн буурлын айлдсан айлтгалыг та заавал уншина уу. Энэ айлтгалыг уншиж байж Тахилгын утга учир мөн чанарыг бүрэн ойлгох юм.

Share

МЯНГАН ЖИЛД НЭГ УДАА ТОХИОХ ТҮМЭН ОНГОДЫН ЧУУЛГАНД ОРОЛЦСОН ТЭМДЭГЛЭЛ

Блог уншигчдын энэ өдрийн амар амгаланг айлтгая. Дуулин блогтоо юм бичилгүй нэлээд хугацааг өнгөрөөчихжээ. Цагийн сайханд завтай чөлөөтэй үедээ дуртай зүйлээ бичдэг байсан би Гэрлийн Өргөөтэй холбогдсоноос хойш л зав чөлөөгүй болr сүүлдээ блогоо ч бичиж амжихаа байж.

Гэхдээ блог бичээгүй хугацаандаа олон хүмүүстэй нэгдэн нийлж олон чухал ажил хийж өдөр хоногийг завгүй өнгөрүүлсэн. Түүний нэг нь болох Түмэн Онгодын Чуулганы талаарх сэтгэгдлээ та бүхэндээ хуваалцах гэж буйг болгооно уу.

Share

Фэйсбүүкийн бөөгийн групүүдэд Уриалга хүргүүлэх нь

Өглөө бослоо. Фэйсбүүк рүүгээ орлоо. Сүрдмээр сүрдмээр нэртэй, сүртэй гоё зурагтай Тэнгэр үзэлд хамаатай, Бөө мөргөлтой холбоотой фэйсбүүк аккаунтууд, хүмүүс, хуудсууд бас груп өдөр ирэх бүр нэмэгдсээр байх юм.

Нэг зураг байна. Хэдэн бөө өөрсдийн зургаа авахуулаад л тавьжээ. Гэтэл дор нь байгаа комментууд бүгд зөвхөн сөрөг талыг нь харж шүүмжлэнэ. Яагаад бүгдээрээ ижил майхавчтай байгаа юм бэ? ..... Яагаад тэр нь бүс зүүсийн? Онгод хэзээ ч бүсгүй байдаг эсхүл яагаад ийм олон амьтны арьс зүүсийн? муусайн алуурчид би бол хэзээ ч амьтны амь тасалдаггүй гэгээн хүн! эсхүл сэхээтний өмсгөл үү, ямар тансаг юм бэ Fashion TV-д очиж оролц, загварын үзүүлбэр үзүүл! гэж шаардах ажээ. 

Share